கன்னியாகுமரியின் கடலோர கிராமங்களில், ஓட்டுச் சாவடிகளை கைபற்றி, காங்கிரஸுக்கு வலுக்கட்டாயமாக வாக்களிக்க வைக்க திட்டமிட்டுள்ளதாக தகவல்கள் வருகின்றன: பொன். ராதாகிருஷ்ணன்.
நூலிழையில் தப்பிப் பிழைத்த பிரகாஷ் ராஜ்: அட்மினின் வாய்க்கொழுப்பு அட்ராசிட்டிகள்.
* கன்னியாகுமரியின் கடலோர கிராமங்களில், ஓட்டுச் சாவடிகளை கைபற்றி, காங்கிரஸுக்கு வலுக்கட்டாயமாக வாக்களிக்க வைக்க திட்டமிட்டுள்ளதாக தகவல்கள் வருகின்றன: பொன். ராதாகிருஷ்ணன்.
(ஆமாமா, ‘ஓட்டுச் சாவடியில நாமதானே இருப்போம்! நான் சொல்றது புரியுதா?’ன்னு தில்லா, கெத்தாக உங்க கூட்டணி கட்சியின் பிரியமான தலைவர் அன்புமணி பேசுனதை பத்தி உங்களுக்கு எந்த தகவலும் வந்திருக்காதே மினிஸ்டர் சார்!)
* மின்னணு வாக்குப் பதிவு இயந்திரத்தில் மோசடி செய்ய முடியும் என நிபுணர்கள் நிரூபித்துள்ளனர். எனவே மீண்டும் ஓட்டுச் சீட்டு முறை வேண்டும்: சந்திரபாபு நாயுடு
(தல உன்னையெல்லாம் இந்த தேசத்தோட ஹைடெக் தலைவன்னு சொல்லிட்டிருக்கோம். நீ என்னான்னா இப்படியெல்லாம் பீதிய கெளப்புறீயே. வாக்குச் சீட்டு கொண்டாந்தா கள்ள ஓட்டை கன்னாபின்னான்னு குத்தி தள்ளிட மாட்டானுவலா?)
* காங்கிரஸ் கூட்டணி, தமிழகத்தில் அத்தனை இடங்களிலும் வெற்றி பெறும். வயநாட்டில் ராகுல் போட்டியிடுவதால் அங்கே இளைஞர்கள் முழு நம்பிக்கையுடன் உள்ளனர்: உம்மன் சாண்டி
(சாண்டி ஏட்டா அது கெடக்கட்டும், அந்த சரிதா புள்ள உங்கள பத்தி ஏதோ பத்த வெச்சுதே! அப்பல்லாம் வாயே திறக்காம உம்முன்னு இருந்துட்டீங்களே! ஏன் தல?!)
* ஜெயலலிதாவின் மறைவுக்குப் பின் உடனே முதல்வர் ஆகிடலாம் என்று கனவு கண்டார் ஸ்டாலின். ஆனால் முதல்வர் எடப்பாடி பழனிசாமி, கட்டுக்கோப்பாக ஆட்சி நடத்துகிறார்: ஹெச்.ராஜா
(ஒரு காலத்துல, ஊழல் நிர்வாகம்! சட்ட ஒழுங்கு என்ன விலைன்னு கேட்கிற நிலைமை!ன்னு பேசுன வாய்தானே இது?! இருக்கட்டும் இருக்கட்டும் எலெக்ஷன் ரிசல்டுக்கு முன்னாடியோ, இல்ல எக்ஸிட் போல் ரிசல்ட் வந்ததுமோ உங்க அட்மின் என்னா வாய் பேசுறார்னு கவனிக்கிறோம்.)