கருணாநிதியின் கோட்டைக்குள் கால் வைத்த விஜய்..! வா வா வா என காத்திருக்கும் திமுக.. அதிரும் திருவாரூர்

தமிழக வெற்றிக் கழகத்தின் தலைவர் விஜய், நாகப்பட்டினத்தில் தனது தேர்தல் பரப்புரையை மேற்கொண்டார். நாகை கூட்டத்தை முடித்துக்கொண்டு அவர் திருவாரூருக்குப் புறப்பட்டார்.

தமிழகத்தில் அடுத்த ஆண்டு நடைபெறவிருக்கும் சட்டப்பேரவை தேர்தலை முன்னிட்டு, தமிழக வெற்றிக் கழகத்தின் தலைவர் விஜய், 13-ம் தேதி தனது தேர்தல் பரப்புரையை ஆரம்பித்தார். அதற்குள், கடந்த வார சனிக்கிழமை திருச்சி மற்றும் அரியலூர் மாவட்டங்களில் அவர் பொதுக்கூட்டங்களை நடத்தினார்.

திருச்சியில் பரப்புரைக்கு வந்த தொண்டர்களின் பெருமளவு காரணமாக ஏற்பட்ட கால தாமதம், பெரம்பலூர் மாவட்டத்தில் திட்டமிடப்பட்ட நிகழ்வை நடைபெறாமல் வைத்தது. இதனால், வரவிருக்கும் வாரங்களில் ஒரே நாளில் இரண்டு மட்டுமே மாவட்டங்களில் விஜய் பரப்புரை நடத்துவார் என்று புதிய பயண திட்டம் மாற்றப்பட்டது.

இந்த மாற்றத்தின்படி, இன்று நாகையில் தேர்தல் பரப்புரை நடத்தினார். அங்கு விஜய் உரையாற்றியபோது, நாகை மாவட்டம் தனது மனதுக்கு மிக நெருக்கமான இடம் என குறிப்பிட்டார். “நாகூர் ஆண்டவர், நெல்லுக்கடை மாரியம்மன், அன்னை வேளாங்கண்ணி ஆசீர்வாதம் பெற்ற மண், மீனவர்களின் நண்பனாக நின்று பேசுவதற்காக நான் வந்தேன்.

நாகை மக்கள் கடுமையாக உழைக்கிறார்கள். மதச்சார்பின்மைக்கு எடுத்துக்காட்டாக நாகை மக்களுக்கு என் அன்பான வணக்கம்” என்று தெரிவித்துள்ளார். மீனவர்களின் குறைபாடுகள் மற்றும் கடுமையான சூழ்நிலை குறித்து விஜய் பேசினார்.

இலங்கை கடற்படையால் மீனவர்கள் எதிர்கொள்ளும் தாக்கங்கள், தீர்வுகள் பற்றியும் முன்பே மதுரை மாநாட்டில் அவர் விவாதித்துள்ளார். “மீனவர்களுக்கு குரல் கொடுப்பதும், அவர்களுடன் நின்று பாதுகாப்பதும் நமது கடமை. கடிதம் எழுதி அமைதியாக இருப்பது மட்டும் போதும் என்று திமுக போல வேடிக்கை செய்வது இல்லை.

இந்திய மீனவர்களையும், தமிழக மீனவர்களையும் பிரித்து பேசும் பாசிச பாஜக நாங்கள் அல்ல” என அவர் வலியுறுத்தினார். இந்த நிலையில் நாகையை முடித்துக்கொண்டு, திருவாரூர் சென்றுள்ளார் விஜய். அங்கு அவருக்கும் பிரம்மாண்டமாக வரவேற்பு அளிக்கப்பட்டு வருகிறது. இன்னும் சிறிது நேரத்தில் அங்கு தேர்தல் பரப்புரையை மேற்கொள்ள உள்ளார்.