டிடிவி ஆதரவாளரான கம்பம் எம்எல்ஏ ஜக்கையன், முதலமைச்சர் எடப்பாடி பழனிசாமிக்கு ஆதரவு தெரிவித்துள்ளார்.டிடிவி தினகரனுக்கு ஆதரவு தெரிவித்து புதுச்சேரி விடுதியில் தங்கியிருந்தார் கம்பம் எம்எல்ஏ ஜக்கையன். இந்நிலையில் எம்எல்ஏக்கள் அனைவரும் புதுவையில் இருந்து திரும்பிவிட்டனர்.சென்னைக்கு வந்த எம்எல்ஏ ஜக்கையன், இன்று காலை சபாநயகர் தனபாலை சந்தித்து, தான் முதலமைச்சர் எடப்பாடி பழனிசாமிக்கு ஆதரவு தெரிவிப்பதாக கூறினார்.இதையடுத்து, டிடிவி தினகரனுக்கு ஆதரவு தெரிவித்த எம்எல்ஏக்களின் எண்ணிக்கை 20 ஆக குறைந்துள்ளது.இதன்பின்னர் செய்தியாளர்களைச் சந்தித்த ஜக்கையன், தாம் எடப்பாடி பழனிச்சாமி முதல்வராகத் தொடர்வதையே விரும்புவதாகக் கூறினார்.
