உலகின் மிக சிறந்த சொல் ‘செயல்’தான். ஆனாலும் செயலுக்கு இணையான வீரியங்கள் சொல்லுக்கும் உண்டு. அதிலும் சமூகத்தில் முக்கிய நபர்கள் சொல்லும் சொல்லுக்கு ஏற்படும் பக்க விளைவுகளும், வீரியமும் தனியே.
அந்த வீரியமிக்க ‘சொற்களை’ டீல் செய்வதுதான் இந்த பகுதி...
* உடல் உறுப்பு தானத்தை ஒரு மக்கள் இயக்கமாக மாற்ற அனைவரும் முன் வரவேண்டும். இது மிகவும் ஆத்மார்த்தமான செயலாகும்.
- எடப்பாடி பழனிசாமி.
* அரசு பேருந்துக்களில் பயணம் செய்வதென்பது உண்மையிலேயே பெரும் சாகசமாகவும், மிகப்பெரிய துன்பமாகவும் உள்ளது.
- டாக்டர் ராமதாஸ்
* பண மதிப்பிழப்பு, ஜி.எஸ்.டி. என பல வரிகளை விதித்து மத்திய பி.ஜே.பி. அரசு மக்களை நசுக்கி வருகிறது. இதற்கு தமிழகத்தில் அ.தி.மு.க. அரசும் துணை நிற்கிறது.
- திருநாவுக்கரசர்.
* மக்கள் ஆதரவை இழந்த அரசு ஆட்சியில் நீடிக்க தார்மீக உரிமை இல்லை. அப்படிப்பட்ட அரசுக்கு கட்டண உயர்வை அறிவிக்கும் உரிமையும் இல்லை.
- முத்தரசன்.
* தமிழக அரசு ஏதோ முடிவெடுத்து மக்களுக்கு எதிராக செயல்படுவது போல் தெரிகிறது. இது வன்மையாக கண்டிக்கத்தக்கது.
- பொன்.ராதாகிருஷ்ணன்
* ஆன்மீகத்தின் மீது பற்று கொண்டவர்களுக்கு நம்பிக்கை அளிக்கும் வகையில் மடாதிபதிகள், ஜீயர்கள் போன்றோரின் செயல்கள் அமைய வேண்டும்.
- தினகரன்.
* மதவாத சக்திகள் மக்கள் விரோத செயல்களில் ஈடுபட்டு வருகின்றனர் என்பதை கவிஞர் வைரமுத்துவுக்கு எதிரான நடவடிக்கைகள் உறுதி செய்துள்ளது.
- திருமாவளவன்.
* ஊழலை வேரறுக்க வேண்டுமென்றால் நடைமுறை சீர்திருத்தங்கள் மட்டும் போதாது. மக்களின் பழக்கங்களில் மாற்றம் ஏற்பட வேண்டும்.
- ராஜ்நாத் சிங்
* வரும் ஆண்டிலாவது வேளாண்மைக்கு தனி நிதிநிலை அறிக்கையை தமிழக அரசு தாக்கல் செய்ய வேண்டும். அதன் மூலம் மட்டுமே வேளாண் துறை வளரும்.
- அன்புமணி ராமதாஸ்
* நாடு கெட்டு போச்சு, படிப்பு கெட்டு போச்சு, கல்வி கெட்டு போச்சு என்று மாணவர்கள் சொல்லிக் கொண்டிருந்தால் போதாது. அவர்களின் உதவி இல்லாமல் நாங்கள் செய்ய வேண்டிய எதையும் செய்ய முடியாது.
- கமல்ஹாசன்