எம்ஜிஆர் நூற்றாண்டு விழா ஜூன் 8 ஆம் தேதி நடைபெறும் - மாஃபா பாண்டியராஜன் அறிவிப்பு

The MGR century ceremony will take place on June 8

சென்னை திருவான்மியூரில் எம்.ஜி.ஆர். நூற்றாண்டு விழா நிகழ்ச்சியை நடத்த ஏற்பாடு செய்யப்பட்டுள்ளதாக ஒ.பி.எஸ் ஆதரவாளர் மாஃபா பாண்டியராஜன் தெரிவித்துள்ளார்.

2015 ஆம் ஆண்டு அதிமுக பொதுக்குழுவை அப்போதைய முதலமைச்சர் ஜெயலலிதா திருவான்மியூரில் நடத்தினார்.

போரூர் ராமச்சந்திரா மருத்துவமனைக்கு சொந்தமான இந்த இடத்தில் 10 ஆயிரத்திற்கு மேற்பட்டோர் அமர இடவசதி உள்ளது.

ஜெயலலிதா பொதுக்குழு நடத்திய போது இந்த இடத்தில் கல்யாண மண்டபம் கட்டபடாமல் இருந்தது. தற்போது மிகப்பெரிய மண்டபம் கட்டப்பட்டுள்ளது.

இந்நிலையில், எம்.ஜி.ஆர். நூற்றாண்டு விழா நிகழ்ச்சியை நடத்த முன்னாள் முதலமைச்சர் பன்னீர்செல்வம் இந்த இடத்தை ஆய்வு செய்தார். அவருடன் கே.பி.முனுசாமி, மைத்ரேயன், மனோஜ் பாண்டியன்  ஆகியோரும் ஆய்வு செய்தனர்.

இதையடுத்து செய்தியாளர்களை சந்தித்த மாஃபா பாண்டியராஜன் கூறியதாவது :

சென்னை திருவான்மியூரில் எம்.ஜி.ஆர். நூற்றாண்டு விழா நிகழ்ச்சியை நடத்த ஏற்பாடு செய்யப்பட்டுள்ளது.

அதனால் தான் திருவான்மியூர் ராமச்சந்திரா திருமண மண்டபம் ஆய்வு செய்யப்பட்டது.

எம்.ஜி.ஆர். நூற்றாண்டு விழா ஜூன் 8 மற்றும் 9 ஆம் தேதி நடத்தப்படும்.

இந்த விழாவில் 4 லட்சம் தொண்டர்கள் பங்கேற்பார்கள் என எதிர்பார்க்கபடுகிறது.

இவ்வாறு மாஃபா பாண்டியராஜன் கூறினார்.