அட, கொப்புறானே... பெட்ரோல்-டீசல் விலை உயர்வுக்கு காங்கிரஸை குற்றம்சாட்டும் மோடி..!

இரண்டாவது முறையாக பாஜக தலைமையிலான மத்திய அரசாங்கம் இந்தியாவை ஆட்சி செய்து வருகிறது என்பது குறிப்பிடத் தக்கது. 

இந்தியாவில் பெட்ரோல் விலை ரூ.100 க்கு மேல் உயர்ந்த நிலையில், பிரதமர் நரேந்திர மோடி, இரண்டு முறை தோல்வியை தழுவிய காங்கிரஸ்  அரசுதான் எரிபொருள் விலையை உயர்ந்ததற்கு முக்கிய காரணம் எனக் குற்றம்சாட்டியுள்ளார்.

சர்வதேச சந்தையில் நிலவும் கச்சா எண்ணெய் விலை நிலவரத்திற்கு ஏற்ப எண்ணெய் நிறுவனங்கள் பெட்ரோல், டீசல் விலையை மாற்றியமைத்து வருகின்றன. அதன்படி தொடர்ந்து 9-வது நாளாக பெட்ரோல்- டீசல் விலை தொடர்ந்து உயர்ந்து வருகிறது. இந்நிலையில் இன்றும் பெட்ரோல் டீசல் விலை புதிய உச்சத்தை எட்டியுள்ளது. இன்று ராஜஸ்தானின் ஸ்ரீ கங்காநகர் நகரில், பெட்ரோல் விலை லிட்டருக்கு ரூ .100.13 ஆகவும், டீசல் விலை லிட்டருக்கு ரூ .92.13 ஆகவும் இருந்தது. இந்த வார தொடக்கத்தில் ராஜஸ்தான் மற்றும் மத்திய பிரதேசத்தின் சில பகுதிகளில் முதல் முறையாக ரூ .100 மதிப்பெண்ணை மீறியது.

கடந்த ஏப்ரல் மற்றும் மே மாதங்களில் சர்வதேச கச்சா எண்ணெய் விலை, 20 ஆண்டுகளில் இல்லாத அளவுக்கு குறைந்தது. ஆனால் அப்போது மத்திய அரசு பெட்ரோல் -டீசல் மீதான எரிபொருள் வரிகளை உயர்த்தியது. இதனால், கச்சா விலை குறைந்த போதும், அதன் பலனை பொதுமக்கள் அனுபவிக்கவில்லை.காங்கிரஸ் உள்ளிட்ட எதிர்க்கட்சிகள், அதிகப்படியான எரிபொருள் விலைக்கு மோடி அரசாங்கத்தை குற்றம் சாட்டி இருந்தன. உலகளாவிய விகிதங்கள் தேவை அதிகரித்தவுடன் மீண்டும் எழுந்தாலும், அரசாங்கம் வரிகளை குறைக்கவில்லை.

இந்நிலையில் இதுகுறித்து பேசிய பிரதமர் மோடி, “நாட்டின் எரிசக்தி இறக்குமதி சார்புநிலையை குறைப்பதில் முந்தைய அரசாங்கங்கள் கவனம் செலுத்தியிருந்தால், நடுத்தர வர்க்கத்திற்கு இன்று இந்த சுமை இருந்திருக்காது. நம்மைப் போன்ற ஒரு மாறுபட்ட மற்றும் திறமையான தேசம் எரிசக்தி இறக்குமதியைச் சார்ந்து இருக்க முடியுமா?” என கேள்வி எழுப்பியுள்ளார். இரண்டாவது முறையாக பாஜக தலைமையிலான மத்திய அரசாங்கம் இந்தியாவை ஆட்சி செய்து வருகிறது என்பது குறிப்பிடத் தக்கது.