40 தொகுதி.. நாடாளுமன்ற தேர்தலுக்கு தயாரான திமுக.. இளைஞரணிக்கு உத்தரவு போட்ட உதயநிதி ஸ்டாலின்..!

நாடாளுமன்ற தேர்தலில் 40/40 என்ற லட்சியத்தை எட்டுகிற வகையில் அயராது களப்பணியாற்ற வேண்டும் என இளைஞரணி நிர்வாகிகளுக்கு அறிவுறுத்தினோம் என்று தெரிவித்துள்ளார் அமைச்சர் உதயநிதி ஸ்டாலின்.

அமைச்சர் உதயநிதி ஸ்டாலின் எக்ஸ் தளத்தில் வெளியிட்டுள்ள பதிவில், “கழகத்தின் இதயத்துடிப்பான திமுக இளைஞரணியின் மாவட்ட - மாநகர - மாநில அமைப்பாளர் - துணை அமைப்பாளர்களை கழகத் தலைவர் அவர்களின் வழிகாட்டுதலின்படி கடந்தாண்டு நியமனம் செய்திருந்தோம். 

இந்நிலையில் பொறுப்பேற்றது முதல் அவர்கள் மேற்கொண்ட கழகப் பணிகளை ஆய்வு செய்கின்ற விதமாக இளைஞர் அணியின் மண்டலம் 1-க்கு உட்பட்ட மாவட்ட - மாநில அமைப்பாளர் - துணை அமைப்பாளர்களை இன்று நேரில் சந்தித்தோம்.

'நீட் விலக்கு நம் இலக்கு', இல்லந்தோறும் இளைஞர் அணி - மாநில மாநாடு - மழை வெள்ள நிவாரணப் பணிகள் ஆகியவற்றை தனித்தனியாகக் கேட்டறிந்தோம். மினிட் புக் - புகைப்படங்கள் - பத்திரிகை செய்திகள் உள்ளிட்டவற்றை காண்பித்து, தங்களின் பணிகளை அமைப்பாளர் - துணை அமைப்பாளர்கள் எடுத்துரைத்தனர். 

நாடாளுமன்ற தேர்தலில் 40/40 என்ற லட்சியத்தை எட்டுகிற வகையில் அயராது களப்பணியாற்ற நிர்வாகிகளை அறிவுறுத்தினோம்” என்று அமைச்சர் உதயநிதி ஸ்டாலின் எக்ஸ்-ல் பதிவிட்டுள்ளார்.