இந்தியா முழுவதும் பாகிஸ்தான் கொடியை ஏற்றுவோம்...! யாராலும் எங்களை தடுக்க முடியாது..! LET பயங்கரவாதி கொக்கரிப்பு..!

ரஃபேல் மற்றும் S-400 எங்களை கட்டுப்படுத்த முடியாது. நாங்கள் டெல்லியை குறிவைப்போம் என அமெரிக்காவால் தடை செய்யப்பட்ட லஷ்கர் பயங்கரவாதி இந்தியாவுக்கு மிரட்டல் விடுத்துள்ளார். 

இந்தியாவில் வன்முறையை பரப்புவதற்கான திட்டங்கள் மீண்டும் பாகிஸ்தான் மண்ணிலிருந்து வெளிவந்துள்ளன. ஹபீஸ் சயீத்திற்கு நெருக்கமானதாகக் கருதப்படும் லஷ்கர்-இ-தொய்பா பயங்கரவாதி அப்துல் ரவூப் ஒரு நிகழ்வில் பேசி இந்தியாவுக்கு எதிராக வெளிப்படையாக விஷத்தை கக்கியுள்ளார். காஷ்மீரில் ரவூப் மேலும் பயங்கரவாதத்திற்கு அழைப்பு விடுத்தியுள்ளார். இந்தியாவின் பிற பகுதிகளில் வன்முறையைத் தூண்டும் நோக்கத்தை வெளிப்படுத்தி உள்ளார். ரவூப்பின் பேச்சு வீடியோவாக வெளியாகியுள்ளது. அதில் அவர் வெளிப்படையாக இந்தியாவுக்கு எதிரான மிரட்டல்களை விடுத்துள்ளார்.

ரவூப்பின் வீடியோ கிளிப்பை ஓசிண்ட் டிவி பகிர்ந்துள்ளது. அதில், ‘‘காஷ்மீர் மோதல் முடிந்துவிட்டது என்று பலர் நம்புகின்றனர். இது சாத்தியம் என்று யாரும் கருதக்கூடாது. வரும் நாட்களில் காஷ்மீர் மிகுந்த பலத்துடன் தாக்கப்படும். காஷ்மீருக்கான போராட்டத்தை நாங்கள் முழுமையடையாமல் விடப் போவதில்லை.

அப்துல் ரவூப் இந்த பேச்சை எப்போது வெளியிட்டார் என்பது சரியாகத் தெரியவில்லை. ஆனால் அவர் வீடியோவில் பெருமை பேசுவதைக் காணலாம். தனது பேச்சில், லஷ்கர் நிறுவனர் அப்துல் ரஹ்மான் மக்கி சாஹிப் ஒருமுறை டெல்லியை வெல்வோம் என்று கூறியனார். இது ஒரு நாள் நிச்சயமாக நடக்கும் என்று நான் கூறுகிறேன். எங்கள் நோக்கம் கஸ்வா-இ-ஹிந்த். காஷ்மீரில் மட்டுமல்ல, இந்தியா முழுவதும் எங்கள் கொடியை ஏற்றுவோம். கஸ்வா-இ-ஹிந்தில் வெற்றி பெறுவோம். உலகம் முழுவதும் உள்ள இஸ்லாம் எங்களுடன் வரும் என்று நாங்கள் கூறுகிறோம். ஏனெனில் நாங்கள் ஒற்றுமையாகப் போராடுவோம். நாம் ஒற்றுமையாக இருந்தால், யாராலும் நம்மைத் தடுக்க முடியாது’’ எனக் கூறியுள்ளார்.

மே 7-10 வரை நடந்த இந்தியா-பாகிஸ்தான் இராணுவ மோதலையும் அப்துல் ரவூப் குறிப்பிட்டார். ரவூப் தன்னைப் புகழ்ந்து கொண்டு, ஆறு மாதங்களுக்கு முன்பு பாகிஸ்தான் இந்தியாவைத் தோற்கடித்ததாகக் கூறினார். இப்போது அடுத்த 50 ஆண்டுகளுக்கு இந்தியா நம்மைத் தாக்கத் துணியாது.   

இந்தியாவின் ரவூப் ஜெட் விமானங்கள், S-400 வான் பாதுகாப்பு அமைப்புகள், ட்ரோன்கள் மற்றும் இராணுவ தொழில்நுட்பம் எங்களுடையதை ஒப்பிடும்போது ஒன்றுமில்லை என்று ரவூப் கூறினார். 58 இஸ்லாமிய நாடுகளில் நாம் மட்டுமே அணுசக்தி சக்தி. உலகம் நமது பலத்தைக் கண்டிருக்கிறது. இப்போது நாம் ஒன்றிணைந்து இந்தியாவை எதிர்த்துப் போராட வேண்டும்’’ எனத் தெரிவித்துள்ளார்.