ரஜினியின் ஆண்டு வருவாய் எவ்வளவு தெரியுமா?

Do you know Rajini annual income?

ரஜினிகாந்த் அரசியல் பிரவேச அறிவிப்பை வெளியிட்டுள்ள நிலை, அவரது ரசிகர்கள் கொண்டாடி வருகின்றனர். தற்போது ரஜினி காந்தின், ஆண்டு வருவாய் மதிப்பு வெளியாகி உள்ளது.

நடிகர் ரஜினிகாந்தின் அரசியல் பிரவேசம் பற்றி அவரது ரசிகர்களால் கடந்த 1996 ஆம் ஆண்டில் இருந்து எதிர்பார்க்கப்பட்டு வந்த நிலையில், அடுத்து வரும் சட்டப்பேரவை தேர்தலில் 234 தொகுதிகளிலும் தனித்து போட்டியிடுவதாக நேற்று முன்தினம் அதிகாரப்பூர்வமாக அறிவித்தார். ரஜினியின் இந்த அரசியல் பிரவேசம் குறித்த அறிவிப்பை கேட்ட அவரது ரசிகர்கள் பட்டாசு வெடித்தும், இனிப்புகள் வழங்கியும் தங்களது மகிழ்ச்சியை
வெளிப்படுத்தி வருகின்றனர். 

தனது அரசியல் பிரவேச அறிவிப்பை வெளியிட்ட ரஜினிகாந்த், தமிழ்நாட்டு அரசியல் மிகவும் மோசமாகி விட்டது என்றும் தமிழக அரசியலைக் கண்டு மற்ற மாநிலத்தார் சிரிப்பதாகவும் கூறினார். தனது அரசியல், ஆன்மீக அரசியலாக இருக்கும் என்றும் நேர்மையான தர்மமான அரசியல் என்று அர்த்தம் என்றும் ரஜினி கூறியிருந்தார். ரஜினியின் அரசியல் பிவேசம் குறித்து, அவருக்கு ஆதரவாகவும், எதிராகவும், திரைப்பட துறையினரும், அரசியல் கட்சி தலைவர்களும் கருத்துக்கள் தெரிவித்து வருகின்றனர். 

முதல் கட்டமாக கட்சியின் இளைஞர் அணி, வழக்கறிஞர் அணி உள்ளிட்ட அணிகளை உருவாக்கும் பணிகளை மேற்கொள்ளவும் நற்பணி இயக்க நிர்வாகிகளுக்கு ரஜினி உத்தரவிட்டுள்ளார். இந்த நிலையில், நேற்று தமது இணையதளத்தை ரஜினிகாந்த தொடங்கினார். தமது ரசிகர் மன்றங்களை ஒருங்கிணைக்க www.rajinimandram.org என்ற இணையதளத்தை தொடங்கியுள்ளார். அதைதொடர்ந்து அகில இந்திய ரஜினிகாந்த் ரசிகர் மன்றம் என்ற டிவிட்டர் கணக்கு தொடங்கப்பட்டுள்ளது. ரஜினிமன்றம் இணையதளம், செயலி அறிமுகத்தை தொடர்ந்து டிவிட்டர் கணக்கும்தொடங்கப்பட்டுள்ளது. ரஜினியின் அரசியல் வருகை குறித்த அறிவிப்பு உலகம் முழுவதும் பெரிய அளவில் பேசி வருகின்றனர். 

ரஜினிகாந்தின் வருவாயில் குறிப்பிட்ட அளவிலான பங்குகள், தொண்டு நிறுவனங்களுக்கு செல்வதாக கூறப்படுகிறது. தற்போது ரஜினியின் சொத்து மதிப்பு 360 கோடி ரூபாய் என்று தகவல் வெளியாகி உள்ளது. இந்த சொத்து, திரைப்படத்தில் இருந்து வரும் ஊதியம், வீடு மற்றும் தனிப்பட்ட முதலீடுகள் போன்றவற்றினை வைத்து கணக்கிடப்பட்டதாக தெரிகிறது. திரைப்படத்தில் இருந்து கிடைக்கும் வருவாய் 55 கோடி ரூபாய் எனவும், முதலீடுகள் மூலமாக 110 கோடி ரூபாய் எனவும் தகவல் வெளியாகி உள்ளது.

தற்போது ரஜினியிடம், ரேன்ஞ் ரோவர், பெண்ட்லி மற்றும் டொயோட்டா இன்னோவா என்ற 3 ஆடம்பர கார்கள் மட்டுமே அவரிடம் உள்ளது. இதனுடைய மதிப்பு 2.5 கோடி ரூபாய் ஆகும். ஆண்டுக்கு வருமானவரி 13 கோடி ரூபாய் என இவரது சொத்தக்கள் மதிப்பிடப்பட்டுள்ளது. 2002 ஆம் ஆண்டு, சென்னை, போயஸ் தோட்ட வீட்டை ரஜினி வாங்கியுள்ளார். தற்போது இதன் மதிப்பு ரூ.35 கோடியாகும். 

கடந்த 5 ஆண்டுகளின் ரஜினி வருவாய் மதிப்பு தற்போது வெளியாகி உள்ளது. 2016 ஆம் ஆண்டில் ரூ.65 கோடி. 2015-ல் ரூ.55 கோடி, 2014-ல் ரூ.35 கோடி, 2013-ல் ரூ.60 கோடி, 2012-ல் ரூ.49 கோடி என்று ரஜினியின் ஒவ்வொரு ஆண்டு வருவாய் மதிப்பு தற்போது வெளியாகி உள்ளது.