கொஞ்சம், கொஞ்சமாக பலம் குறையும்  பாஜக ….. தனிப் பெரும்பான்மையை இழக்கும் ஆபத்து !!  ஒரு இடம் குறைஞ்சால் கூட அவுட்….

BJP members count will be decresed in parliment

நாடாளுமன்ற மக்களவையில், பாஜக உறுப்பினர்களின் எண்ணிக்கை, 282-இல் இருந்து 272 ஆக குறைந்துள்ளது. இதன் மூலம் இன்னும் ஓரிடம் குறைந்தால் கூட அந்த கட்சி, தனிப்பெரும்பான்மையை இழக்கும் நிலை ஏற்பட்டுள்ளது.

கடந்த 2014- ஆம் ஆண்டு நடைபெற்ற மக்களவைத் தேர்தலில் பாஜக மட்டும் 282 இடங்களில் வெற்றி பெற்றிருந்தது. ஆனால், இடைத்தேர்தல்களில் கிடைத்ததோல்வி மற்றும் எம்.பி.யாக இருந்தவர்களை மாநில முதலமைச்சர்கள்  மற்றும் எம்எல்ஏ-க்கள் ஆக்கியது உள்ளிட்ட பல காரணங்களால் அந்த கட்சிக்கான எம்.பி.க்கள் எண்ணிக்கை வெகுவாக குறைந்தது.

மத்தியில் ஆட்சி அமைத்த பிறகு வதோதரா (குஜராத்) ஷாதோல் (மத்திய பிரதேசம்), லக்கிம்பூர் (அசாம்) ஆகிய 3 தொகுதிகளை மட்டுமே பாஜக தக்க வைத்துக் கொண்டது. ஆனால், 6 எம்.பி. தொகுதி இடைத்தேர்தலில் தோல்வி அடைந்துள்ளது.

உத்தரப்பிரதேசத்தில் உள்ள கோரக்பூர், பூல்பூர் ஆகியதொகுதிகளில் சமாஜ்வாதி கட்சியிடமும், பீட்(மத்தியப் பிரதேசம்), குர்தாஸ்பூர் (பஞ் சாப்), ஆல்வார், அஜ்மீர் (ராஜஸ்தான்) ஆகிய தொகுதிகளில் காங்கிரசிடமும் பாஜக இழந்தது.

இந்த 6 இடங்கள்தவிர, நிதியமைச்சர் அருண் ஜெட்லி மீதுஊழல் புகார் கூறியதற்காக பாஜக எம்.பி.யான கீர்த்தி ஆசாத்தை, பாஜக-வே சஸ் பெண்டு செய்தது. பாஜக எம்.பி. சத்ருகன் சின்ஹாவும் தொடர்ந்து மோடி - அமித்ஷா தலைமையை எதிர்த்து வருகின்றார்.

இவற்றுடன் கர்நாடகத்தில் எம்எல்ஏ தேர்தலில் வென்றதைத் தொடர்ந்து எடியூரப்பா, ஸ்ரீராமுலு ஆகியோர் தங்களின் எம்.பி.பதவியை ராஜினாமா செய்ததால், மக்களவையில் பாஜக-வின் பலம் 272 ஆக குறைந்துள்ளது.

இதனால் பாஜக ஆட்சிக்கு தற்போது எந்த ஆபத்தில்லை என்றாலும், இன்னும் ஒரு இடம் குறைந்தால் தனிப்பெரும்பான்மையை அந்த கட்சி இழக்கும்.மகாராஷ்டிரா, உத்தரப்பிரதேசம், நாகாலாந்து ஆகிய மாநிலங்களில் நான்கு எம்.பி. தொகுதிகளுக்கு மே 28-ஆம் தேதி இடைத்தேர்தல் நடைபெறுகிறது. இதில் ஏதாவது வெற்றி கிடைத்தால் பாஜக-வின் பலம் அதிகரிக்கலாம். ஆனால், அதற்கான வாய்ப்பு குறைவு என்றே கூறப்படுகிறது.