ஓபிஎஸ் மகனுக்கு எதிராக களம் இறங்கும் தங்கச் தமிழ் செல்வன் !! டி.டி.வி.தினகரன் அதிரடி !!

அம்மா மக்கள் முன்னேற்றக் கழகம் சார்பில் போட்டியிடும் மக்களவைத் தொகுதி வேட்பாளர்களின் 2 ஆவது பட்டியலை அக்கட்சியின் துணைப் பொதுச் செயலாளர் தினகரன் வெளியிட்டுள்ளார். மிகவும் எதிர்பார்க்கப்பட்ட தேனி தொகுதியில் தங்க தமிழ்செல்வன் களம் இறங்குகிறார்.  

17 ஆவது நாடாளுமன்றத் தேர்தல் ஏப்ரல் 11 ஆம் தேதி தொடங்கி மே 19 ஆம் தேதி வரை 7 கட்டங்களாக நடைபெறுகிறது. தமிழகத்தைப் பொறுத்தவரை 18 சட்டமன்றத் தொகுதிகளுக்கும் தேர்தல நடைபெறுகிறது.

தமிழகத்தில் அதிமுக, திமுக என இரண்டு கூட்டணிகள் களம் இறங்கியுள்ளன. இதினிடையே அமமுக சார்பில் டி.டி.வி.தினகரன் இத் தேர்தலில் தனி அணியாக களம் இறங்குகிறார்.

தினகரன் ஏற்கனவே 24 மக்களவை மற்றும் 9 சட்டமன்ற தேர்லுக்கான வேட்பாளர் பட்டிலை அறிவித்துள்ளார். இந்நிலையில் அமமுகவின் இரண்டாவது பட்டியல் வெளியிடப்பட்டுள்ளது.

இதில் தகுதி நீக்கம் செய்யப்பட்ட தங்கதமிழ்செல்வன், பழனியப்பன் மற்றும் பார்த்திபன் ஆகியோருக்கு எம்.பி,.தேர்தலில் போட்டியிட வாய்ப்பு வழங்கப்பட்டுள்ளது.

டி.டி.வி.தினகரன் இன்று வெளியிட்டுள்ள மக்களவை மற்றும் 9 சட்டமன்ற தொகுதி வேட்பாளர் பட்டியல்….

தேனி- தங்க தமிழ்ச்செல்வன்
வடசென்னை - சந்தான கிருஷ்ணன், 
கிருஷ்ணகிரி - கணேஷ் குமார்
வேலூர் -பாண்டு ரங்கன்
தர்மபுரி - பழனியப்பன்
திருவண்ணாமலை - ஞானசேகர்
ஆரணி- செந்தமிழன்

கள்ளக்குறிச்சி- கோமுகி மணியன்
திண்டுக்கல்- ஜோதி முருகன்
கடலூர் -கே.ஆர். கார்த்திக்
விருதுநகர்- பரமசிவ ஐயப்பன்
தூத்துக்குடி - புவனேஷ்வரன்
கன்னியாகுமரி - லெட்சுமணன்
அரக்கோணம்- பார்த்திபன்

சட்டமன்ற இடைத்தேர்தலில் போட்டியிடும் வேட்பாளர்கள்

சோழிங்கர் தொகுதி- டிஜி மணி
பாப்பிரெட்டி பட்டி- டிகே ராஜேந்திரன் 
நிலக்கோட்டை- ஆர். தங்க துரை
திருவாரூர்- காமராஜ்
தஞ்சாவூர்- ரெங்கசாமி
ஆண்டிப்பட்டி- ஜெயக்குமார்
பெரியகுளம்- கதிர்காமு
விளாத்திக்குளம்- ஜோதிமணி
தட்டாஞ்சவடி (புதுச்சேரி) ; என் முருகசாமி