குழந்தைகளுக்கு மொட்டையடிப்பது இந்து மற்றும் இஸ்லாமிய பாரம்பரியங்களில் ஒரு முக்கிய சடங்கு. ஆனால் இதற்கு அறிவியல் பூர்வமான காரணங்களும் உள்ளன. இதுகுறித்து விரிவாக பார்க்கலாம்.
குழந்தைகளுக்கு மொட்டையடிப்பது என்பது இந்து பாரம்பரியத்தில் முக்கியமான சடங்காக கருதப்படுகிறது. ஒரு குழந்தை பிறந்த நான்கு மாதங்கள் முதல் மூன்று ஆண்டுகள் மொட்டையடிக்கும் செயல்முறை செய்யப்படுகிறது. இஸ்லாமிய பாரம்பரியத்தில், இது 7 முதல் 40 நாட்களுக்குள் செய்யப்படுகிறது. குழந்தைகளுக்கு மொட்டை அடிப்பதால் அவர்களின் பூர்வ ஜென்ம பாவங்கள் விலகும் என்று நம்பப்படுகிறது.
ஆனால் உண்மையில், பல மதங்கள் விழாவை நடத்துவதில்லை. அப்படியென்றால், இந்த விழாவிற்கு அறிவியல் பூர்வமான காரணம் உள்ளதா?
ஆடை மற்றும் முடி இல்லாமல் சூரிய ஒளியில் வெளிப்படும் போது குழந்தையின் உடலில் வைட்டமின் டி வேகமாகவும் விரைவாகவும் உறிஞ்சப்படுகிறது என்று கூறப்படுகிறது. மருத்துவர்கள் கூட, புதிதாகப் பிறந்த குழந்தைகளை அதிகாலையில் ஆடையின்றி சூரிய ஒளியில் வெளிப்படுத்த பரிந்துரைக்கின்றனர்.
இந்த மழைக்காலத்தில் ஏசியை எப்படி யூஸ் பண்ணனும்? இதை மட்டும் செய்யாதீங்க!
மற்றொரு காரணம், குழந்தையின் முடி சீரற்றதாக இருக்கும், ஆனால் மொட்டை அடிப்பது என்பது சீரான முடி வளர்ச்சிக்கு உதவுகிறது. தலையை மொட்டையடிப்பது நரம்புகள் மற்றும் மூளையின் சரியான வளர்ச்சியைத் தூண்ட உதவுகிறது என்றும் சிலர் நம்புகிறார்கள். வெயில் காலத்தில் குழந்தையின் தலையை குளிர்ச்சியாக வைத்திருக்கவும் மொட்டையடிப்பது உதவுகிறது.
சரி. ஒரு குழந்தைக்கு மொட்டை அடிக்க சரியான வயது என்ன தெரியுமா? மொட்டையடிப்பது தொடர்பாக பல நம்பிக்கைகள் நிலவுவதால் மொட்டை அடிக்க சரியான வயது எது என்பதில் பலருக்கும் குழப்பம் இருக்கும். சாஸ்திரத்தின் படி ஒரு குழந்தைக்கு 6 மாதம் அல்லது ஒரு வயதான பின்னர் மொட்டையடிக்கலாம். சிலர் ஒரு வயதிற்குள் மொட்டையடிக்கும் பழக்கத்தை பின்பற்றுகின்றனர். இன்னும் சிலரோ 3 வயதான பின்னரே மொட்டை அடிக்கும் பழக்கத்தை பின்பற்றுகின்றனர்.
எனினும் குழந்தைக்கு மொட்டை அடிக்க சிறந்த வயது 1 வயது முதல் 3 வயது வரை என மருத்துவர்கள் அறிவுறுத்துகின்றனர். அப்போது குழந்தையின் மயிர்கால்களுக்கு அருகில் உள்ள சுரப்பிகள் மூடப்பட்டிருக்கும். எனவே அப்போது மொட்டையடிப்பதால் எந்த பிரச்சனையும் இருக்காது என்று மருத்துவர்கள் கூறுகின்றனர். மேலும் குழந்தை பிறந்து சில மாதங்களிலேயே மொட்டை அடிப்பதால் அவர்களின் எலும்புகள் சேதமடையலாம் என்றும் அவர்கள் எச்சரிக்கின்றனர்.
குழந்தைகிட்ட ரொம்ப கண்டிப்பா நடந்துக்காதீங்க.. இல்லனா இந்த பாதிப்புகள் வரும்!
பாதுகாப்பான மொட்டை அடித்தலுக்கான உதவிக்குறிப்புகள்
குழந்தைக்கு நன்றாக உணவளித்து ஓய்வெடுக்க வேண்டும். குழந்தைகள் பொதுவாக பசி அல்லது தூக்கம் வரும்போது அமைதியற்றவர்களாகி விடுவார்கள், மேலும் ஒரு சிறிய தவறான நடவடிக்கை கூட காயத்தை ஏற்படுத்தும்.
குழந்தைகளுடன் நல்ல அனுபவமுள்ள ஒரு தொழில்முறை முடிதிருத்தும் நபரைத் தேர்ந்தெடுக்கவும்.
மொட்டை அடிக்க பயன்படுத்தப்படும் உபகரணங்கள் சுத்தமாகவும், கிருமி நீக்கம் செய்யப்பட்டதாகவும் இருக்க வேண்டும், இதனால் குழந்தைக்கு தொற்று ஏற்படாது.
தலையிலும் உடலிலும் பல முறை சிறிய இழைகள் அல்லது முடியின் துண்டுகள் சிக்கிக்கொள்ளும். எனவே மொட்டையடித்த பின்னர் வெந்நீரில் கட்டாயம் குழந்தையை குளிக்க வைக்க வேண்டும். முடிகள் சரியாக அகற்றப்படவில்லை எனில் குழந்தையின் கண்கள், மூக்கு அல்லது காதுகளுக்குள் நுழைந்து எரிச்சலை ஏற்படுத்தும் என்பதை கவனத்தில் கொள்ள வேண்டியது அவசியம்.