Explained: சட்டப்படி பாலியல் துன்புறுத்தலுக்கு தண்டனை என்ன?பெண்கள் கட்டாயம் தெரிந்து கொள்ள வேண்டிய 2 சட்டங்கள்

பாலியல் துன்புறுத்தலுக்கு எதிரான பெண்களின் சட்ட உரிமைகள் குறித்த விரிவான விளக்கம்..   

ஆண்கள் பெண்கள் இருபாலருக்கும் பாலியல் ரீதியான துன்புறுத்தல்கள் நிகழ்ந்துவருகின்றன. ஆனாலும் பெண்களுக்கு நிகழும் பாலியல் வன்முறைகள் ஓரளவு வெளிச்சத்திற்கு வந்து கொண்டிருகின்றன. தினமும் இந்த எண்ணிக்கை அதிகரித்த வண்ணம் உள்ளன. 2022ஆம் ஆண்டுக்கான தரவுகளின்படி, டெல்லியில் 88% பெண்கள் பொதுப் போக்குவரத்தில் பாலியல் துன்புறுத்தலுக்கு ஆளாகின்றனர் என சொல்லப்படுகிறது. ஆனால் அதில் 1 சதவீதம் பேர் மட்டுமே போலீசில் புகார் அளித்துள்ளனர். இந்தியா முழுவதும் நிலை இபப்டிதான் உள்ளது. 

பாலியல் அத்துமீறல்களுக்கு எதிராக பெண்கள் புகார் கொடுக்கத் தவறியதற்கு ஒரு காரணம் அவர்களுக்கு சட்டத்தில் உள்ள உரிமைகள் குறித்த தெளிவில்லை என்பதும் தான். ஒரு பெண் பாலியல் துன்புறுத்தலுக்கு ஆளானால் என்ன செய்ய வேண்டும்? முதலில் அந்த பெண் தன்னை பாதுகாக்க நடவடிக்கை எடுக்க வேண்டும். தனக்காக அவள் பேச வேண்டும். ஒரு பெண் எடுக்க வேண்டிய முதல் படி, தன்னிடம் தகாத முறையில் நடந்தவர்கள் குறித்து வெளிப்படையாக பேசுவது.  

பாலியல்ரீதியாக துன்புறுத்துபவர்களை தடுக்க அவர்களிடம் நேரடியாக எதிர்ப்பை காட்டலாம். உடல் மொழி, பேசும் தொனி மூலம் தெளிவுபடுத்துவதன் மூலமோ அதை தடுக்க முயன்று பார்க்கலாம். ஆனால் அதன் பிறகும் தொடர்ந்து பாலியல்ரீதியான துன்புறுத்தலை சந்தித்தால், சம்பவத்தின் தேதி, நேரம், இடம் மற்றும் தன்மை போன்ற விவரங்களை தெளிவாக உங்கள் பணியிடத்தில் பொறுப்பில் உள்ளவர்களிடமோ அல்லது ஏதேனும் சட்ட அமலாக்கத்திடமோ புகாரளிக்க வேண்டும். ஒருபோதும் பொறுத்து கொள்ளக் கூடாது. பணியிடத்தில் இப்படி பாலியல் துன்புறுத்தலை தடுக்க முறையான நடவடிக்கை எடுக்க முதலாளிகள் சட்டப்பூர்வமாக கடமைப்பட்டுள்ளனர்.

பாதிக்கப்பட்ட பெண்கள், நண்பர்கள், குடும்ப உறுப்பினர்கள் அல்லது மனநல நிபுணரின் ஆதரவைப் பெற ஒருபோதும் தயங்கக் கூடாது. பாலியல் துன்புறுத்தல் மனரீதியாக சிக்கலை உண்டு செய்யும் அனுபவமாக இருக்கலாம். நலம் விரும்பிகளின் ஆதரவைப் பெறுவது உதவுகிறது.

"ஒரு பாலியல் குற்றவாளியை எந்த கேள்விக்கும் உட்படுத்தாமல், அவரை சுதந்திரமாக விடுவதன் மூலம், உங்களை போலவே இன்னொருவர் பாலியல்ரீதியாக பாதிக்கப்படும் சூழல் உருவாகிறது. அதனால் எப்போதும் பாலியல் குற்றங்களுக்கு எதிராக நிற்க வேண்டும். தயங்கக்கூடாது"

சட்டப்படி பாலியல் துன்புறுத்தலுக்கான தண்டனை என்ன? 

இந்தியாவில் பாலியல் துன்புறுத்தலுக்கான தண்டனை குற்றத்தின் தீவிரத்தைப் பொறுத்தது. இந்தியாவில் பாலியல் துன்புறுத்தல் ஒரு கிரிமினல் குற்றமாகும். பாலியல்ரீதியான துன்புறுத்தலுக்கு எதிரான சட்டத்தின் கீழ், குறைந்தபட்சம் மூன்று மாதங்கள் முதல் சிறைத்தண்டனை விதிக்கப்படும். மூன்று ஆண்டுகள் மற்றும்/அல்லது அபராதம் விதிக்கப்படும். தண்டனையின் தீவிரம், குற்றத்தின் ஈர்ப்புத்தன்மை மற்றும் அது முதல் முறையாக அல்லது மீண்டும் மீண்டும் குற்றமா என்பதைப் பொறுத்தது. குற்றவியல் தண்டனைக்கு கூடுதலாக, குற்றவாளி பாதிக்கப்பட்டவருக்கு இழப்பீடு வழங்குவதற்கும் பொறுப்பாக இருக்கலாம். 

இதையும் படிங்க: கேன்சர் வராமல் தடுக்கும் உணவுகளின் பட்டியல்.. இந்த 10 உணவுகள்! எத்தனை நோய் வந்தாலும் விரட்டும்..!!

வேலை செய்யும் இடத்தில் பாலியல் துன்புறுத்தல் நடப்பது, இந்திய தண்டனைச் சட்டத்தின் (ஐபிசி) கீழ் கிரிமினல் குற்றமாகும். IPC இன் பிரிவு 354, ஒரு பெண்ணின் அடக்க உணர்ச்சிக்கு/ சுயமரியாதையை சீர்குலைக்கும் நோக்கத்துடன் தாக்குதல் அல்லது குற்றத்திற்கு தண்டனை அளிக்கிறது. இதன் கீழ் ஒரு வருடம் முதல் ஐந்து ஆண்டுகள் வரை சிறைத்தண்டனை மற்றும்/அல்லது அபராதம் விதிக்கப்படுகிறது. IPC இன் பிரிவு 509, ஒரு பெண்ணின் சுயமரியாதையை அவமதிக்கும் நோக்கில் வார்த்தைகள் அல்லது சைகைகளைப் பயன்படுத்துவதற்கு தண்டனை அளிக்கிறது. இதன் கீழ் மூன்று ஆண்டுகள் வரை சிறைத்தண்டனை மற்றும்/அல்லது அபராதம் விதிக்கப்படுகிறது. 

இதையும் படிங்க: பணத்தை மிச்சம் பண்ண முடியலயா? துளசி செடியை இந்த இடத்தில் வச்சு பாருங்க! வீட்டில் பணமழை தான்!