கோட்டாவில் இந்தாண்டு மட்டும் 22 மாணவர்கள் தற்கொலை செய்தது ஏன்? தொடரும் மர்மம்!

ராஜஸ்தான் மாநிலம் கோட்டாவில் மேலும் இரு மாணவர்கள் தற்கொலை செய்து கொண்ட சம்பவம் அதிர்ச்சியை ஏற்படுத்தி உள்ளது.

ராஜஸ்தான் மாநிலம் கோட்டாவில் மேலும் இரு மாணவர்கள் தற்கொலை செய்து கொண்ட துயர சம்பவத்தை கருத்தில் கொண்டு, பயிற்சி நிறுவனங்களில் இரண்டு மாதங்களுக்கு தேர்வுகளை நிறுத்தி வைக்க மாவட்ட நிர்வாகம் உத்தரவிட்டுள்ளது. இந்த ஆண்டு வெவ்வேறு சம்பவங்களில் மொத்தம் 22 மாணவர்கள் உயிரிழந்ததை அடுத்து இந்த முடிவு எடுக்கப்பட்டுள்ளது. 17 வயதான அவிஷ்கர் ஷம்பாஜி காஸ்லே என்ற மாணவர் டெஸ்டை முடித்துவிட்டு, 3-வது மாடியில் உள்ள அறையிலிருந்து வெளியேறிய சிறிது நேரத்திலேயே இறந்து கிடந்தார். மருத்துவமனைக்கு கொண்டு செல்லப்பட்ட போதிலும், அவிஷ்கர் மருத்துவமனைக்கு கொண்டு செல்லும் வழியில் இறந்துவிட்டார் என்று விக்யான் நகர் வட்ட அதிகாரி தர்மவீர் சிங் கூறினார்.

ஏறக்குறைய 4 மணி நேரத்திற்குப் பிறகு, போட்டித் தேர்வுகளுக்குத் தயாராகும் 18 வயது மாணவர் ஆதர்ஷ் ராஜ், ஞாயிற்றுக்கிழமை மாலை 7 மணியளவில் குன்ஹாடி காவல் நிலையப் பகுதிக்கு உட்பட்ட தனது வாடகை குடியிருப்பில் அந்த மாணவர் தற்கொலைக்கு முயன்றுள்லார்.. ஆதர்ஷின் சகோதரியும் உறவினர்களும் அவரது பூட்டிய அறையை உடைத்து அவரை ஆனால் மருத்துவமனைக்கு கொண்டு சென்றனர். ஆனால் அவரும் மருத்துவமனைக்கு செல்லும் வழியிலேயே இறந்துவிட்டார். 

மகாராஷ்டிர மாநிலம் லத்தூர் மாவட்டத்தைச் சேர்ந்த அவிஷ்கர் ஷம்பாஜி கஸ்லே, 12-ம் வகுப்பு மாணவன், கோட்டாவில் மூன்று ஆண்டுகளாக நீட் யுஜி தேர்வுக்கு படித்து வந்தார். அவர் தனது தாய்வழி தாத்தா பாட்டியுடன் தல்வாண்டி பகுதியில் வாடகை இடத்தில் வசித்து வந்தார், அவரது பெற்றோர் மகாராஷ்டிராவில் அரசு பள்ளி ஆசிரியர்களாக பணியாற்றினர்.

பீகாரின் ரோஹ்தாஸ் மாவட்டத்தைச் சேர்ந்த ஆதர்ஷ் ராஜ், நீட் யுஜி தேர்வுக்குத் தயாராகி, ஒரு வருடமாக கோட்டா பயிற்சி நிறுவனத்தில் சேர்ந்திருந்தார். அவர் தனது சகோதரி மற்றும் உறவினருடன் ஒரு வாடகை வீட்டில் வசித்து வந்துள்ளார். அவர்கள் இருவரும் போட்டித் தேர்வு தயாரிப்பில் ஈடுபட்டிருந்தனர். உயிரிழந்த 2 மாணவர்களின் அறையிலும் தற்கொலைக் குறிப்புகள் எதுவும் கண்டுபிடிக்கப்படவில்லை.

வழக்கமான கல்வி நிறுவனத் தேர்வுகளில் அவர் பெற்ற மதிப்பெண்கள் குறைவு காரணமாக அவிஷ்கர் தற்கொலை செய்திருக்கலாம் என்று கூறப்படுகிறது. நன்றாக படிக்கும் மாணவரான அவர், சமீபத்திய தேர்வில் குறைவான மதிப்பெண் பெற்றதாக கூறப்படுகிறது. அதே போல் இன்ஸ்டிட்யூட் தேர்வுகளில் அவர் தொடர்ந்து குறைந்த மதிப்பெண்கள் எடுத்ததன் விளைவாகவும், சூழ்நிலையில் அவர் மன உளைச்சலுக்கு ஆளானதாலும் ஆதர்ஷ் ராஜ் தற்கொலை செய்ததாக நம்பப்படுகிறது.

இன்று அந்த மாணவர்களின் பெற்றோர் வந்தவுடன் இரு மாணவர்களின் பிரேதப் பரிசோதனை நடத்தப்படும். இந்த தற்கொலைகள் மூலம் கோட்டாவில் தற்கொலை செய்து கொண்ட மாணவர்களின் எண்ணிக்கை 6 ஆகவும், இந்த ஆண்டில் 22ஆகவும் உயர்ந்துள்ளது.

இதனிடையே கோட்டா மாவட்ட ஆட்சியர் ஓம் பிரகாஷ் பங்கர் அடுத்த இரண்டு மாதங்களுக்கு பயிற்சி மையங்கள் எந்த தேர்வுகளை நடத்துவதைத் தவிர்க்க வேண்டும் என்று உத்தரவு பிறப்பித்தார். கோட்டா இந்தியாவின் சோதனைத் தயாரிப்புத் துறையின் மையமாக செயல்படுகிறது, ஆண்டுக்கு ரூ. 10,000 கோடி வருவாய் ஈட்டுவதாக மதிப்பிடப்பட்டுள்ளது. நாடு முழுவதிலுமிருந்து மாணவர்கள் பத்தாம் வகுப்பை முடித்த பிறகு, தங்களுடைய பன்னிரண்டாம் வகுப்புத் தேர்வுகள் மற்றும் நீட் மற்றும் ஜேஇஇ போன்ற நுழைவுத் தேர்வுகளில் கவனம் செலுத்தி இங்கு வந்து தங்கி படிக்கின்றனர்.

இந்த சூழலில் அதிகரித்து வரும் தற்கொலை வழக்குகளுக்கு பதிலளிக்கும் விதமாக, ராஜஸ்தான் முதல்வர் அசோக் கெலாட், இதுகுறித்து விசாரிக்க ஒரு குழுவை அமைத்தார். மாணவர் நல்வாழ்வை நிவர்த்தி செய்ய, மாநில காவல்துறை ஜூன் 22 அன்று மாணவர்களின் பிரிவை நிறுவியது, இதில் மாணவர்களுடன் தொடர்ந்து உரையாடும் மற்றும் பயிற்சி மையங்களைக் கண்காணிக்கும் அதிகாரிகள் உள்ளனர்.