பீகார் தேர்தலுக்கு நான் மட்டுமே முழு பொறுப்பு.. 20ம் தேதி மௌன அஞ்சலி.. மனம் உடைந்து பேசிய பிரஷாந்த் கிஷோர்

பீகார் சட்டமன்ற தேர்தலில் மிகுந்த எதிர்பார்ப்போடு போட்டியிட்டு படுதோல்வியை சந்தித்த ஜான் சுராஜ் கட்சியின் தலைவர் பிரசாந்த் கிஷோர், தோல்விக்கு நான் முழு பொறுப்பையும் ஏற்பதாக தெரிவித்துள்ளார்.

பீகார் மாநிலத்தில் அண்மையில் சட்டமன்ற தேர்தல் நடத்தப்பட்டு முடிவுகள் அறிவிக்கப்பட்டன. பிரபல தேர்தல் வியூக வகுப்பாளர் பிரஷாந்த் கிஷோர் பீகார் தேர்தலில் மிகுந்த எதிர்பார்ப்பை ஏற்படுத்தப்போவதாகக் கருதப்பட்டார். ஆனால் 238 தொகுதிகளில் போட்டியிட்ட ஜான் சுராஜ் கட்சி ஒரு தொகுதியில் கூட வெற்றி பெறவில்லை. மாறாக வெறும் 4 தொகுதிகளைத் தவிர்த்த பிற அனைத்து தொகுதிகளிலும் டெபாசிட் இழந்து மிகவும் மோசமான தோல்வியை சந்தித்தது.

20 ஆம் தேதி மௌன அஞ்சலி

தேர்தல் தோல்விக்கு பொறுப்பேற்று பிரசாந்த் கிஷோர், "பொதுமக்கள் எங்களை நம்பவில்லை என்றால், முழுப் பொறுப்பும் என் மீதுதான், நான் எங்கோ தவறு செய்திருக்க வேண்டும்" என்றார். மேலும், "நாங்கள் அமைப்பை மாற்றும் நோக்கத்துடன் வந்தோம், ஆனால் இந்த முறை அதிகாரத்தில் மாற்றத்தைக் கூட கொண்டு வர முடியவில்லை. அதனால்தான் நவம்பர் 20 ஆம் தேதி காந்தி பிடிஹர்வா ஆசிரமத்தில் 24 மணி நேர மௌன அஞ்சலி செலுத்துவேன்" என்றார்.

'நான் பீகாரை விட்டு வெளியேற மாட்டேன்' - பிரசாந்த் கிஷோர்

பீகார் மற்றும் அரசியலை விட்டு வெளியேறுவது குறித்த விவாதத்தில் உரையாற்றிய பிரசாந்த் கிஷோர், இந்த செய்தியாளர் சந்திப்பில், "நான் பீகாரை விட்டு வெளியேற மாட்டேன். நான் பீகாரை விட்டு வெளியேறுவேன் என்று நினைப்பவர்கள் தவறாக நினைக்கிறார்கள். கடந்த மூன்று ஆண்டுகளில் நான் செய்ததை விட இப்போது இரண்டு மடங்கு கடினமாக உழைப்பேன்" என்று கூறினார்.

NDA பெரும்பான்மை பெற்றது ஏன்?

பிரசாந்த் கிஷோர், "பீகாரில் அரசாங்கம் ஒரு தேர்தலில் கிட்டத்தட்ட ₹40,000 கோடி பொதுப் பணத்தைச் செலவிடுவதாக உறுதியளித்திருப்பது இதுவே முதல் முறை, மேலும் NDA இவ்வளவு பெரிய பெரும்பான்மையைப் பெற்றதற்கு இதுவே ஒரு காரணம் என்று நான் நம்புகிறேன். ₹10,000 பெண்கள் பெற்றதே NDA இவ்வளவு பெரிய பெரும்பான்மையைப் பெற்றதற்குக் காரணம் என்று நான் நம்பவில்லை. யாரும் தங்கள் வாக்குகளை ₹10,000க்கு விற்றுவிடுவார்கள் என்று நான் நம்பவில்லை" என்றார்.