மொபைல் தயாரிப்பில் இந்தியாவிற்கு இரண்டாவது இடம்.. அசத்தும் Make In India திட்டம் - வெளியான மாஸ் ரிப்போர்ட்!
By Ansgar R | First Published Aug 17, 2023, 9:31 AM ISTமத்திய அரசின் ‘மேக் இன் இந்தியா’ திட்டமானது, கடந்த 2014 முதல் 2022ம் காலகட்டத்தில் உள்நாட்டில் தயாரிக்கப்பட்ட மொபைல் போன்களின் மொத்த ஏற்றுமதி சுமார் 2 பில்லியனைத் தாண்டியுள்ளது. உலகளாவிய ஆராய்ச்சி நிறுவனமான Counterpointன் அறிக்கையின்படி, மொபைல் போன் ஏற்றுமதியில் இந்தியா 23 சதவிகித கூட்டு வருடாந்திர வளர்ச்சி விகிதத்தை (CAGR) பதிவு செய்துள்ளது.
இந்தியாவில் டிஜிட்டல் கல்வியறிவு அதிகரிப்பு மற்றும் நிறுவனங்களுக்கு கிடைக்கும் அரசாங்க ஆதரவு ஆகியவை தான் இந்த வளர்ச்சிக்கு காரணமாக அமைந்துள்ளது என்று அந்த அறிக்கை மேலும் கூறியது குறிப்பிடத்தக்கது.
இந்த தொடர் முன்னேற்றங்கள் மூலம், இந்தியா இப்போது உலகின் இரண்டாவது பெரிய மொபைல் போன் உற்பத்தியாளர் என்ற நிலைக்கு உயர்ந்துள்ளது. உள்ளூர் உற்பத்தியை ஊக்குவிப்பதற்காக, பிஎம்பி, மேக் இன் இந்தியா, பிஎல்ஐ மற்றும் ஆத்மா-நிர்பார் பாரத் (சுய-சார்ந்த இந்தியா) உள்ளிட்ட பல முயற்சிகளை அரசாங்கம் தொடங்கியுள்ளது குறிப்பிடத்தக்கது. சமீபத்திய ஆண்டுகளில் இந்தத் திட்டங்கள் உள்நாட்டில் மொபைல் போன் உற்பத்தியை அதிகரிக்க உதவியுள்ளன.
Latest Videos
undefined
பாதுகாப்பு நிலைக்குழு உறுப்பினராக ராகுல் காந்தி பரிந்துரை!
கவுண்டர்பாயின்ட் ஆராய்ச்சி இயக்குனர் தருண் பதக், அதிகரித்து வரும் உள்நாட்டு தேவையை பூர்த்தி செய்ய பல ஆண்டுகளாக உள்ளூர் உற்பத்தி கணிசமாக விரிவடைந்துள்ளது என்றார். 2022ம் ஆண்டில், இந்தியாவில் இருந்து செய்யப்பட்ட 98 சதவீத மொபைல் போன் ஏற்றுமதிகள், உள்நாட்டில் செய்யப்பட்டவை என்றார் அவர். இது தற்போதைய அரசாங்கம் கடந்த 2014ல் ஆரம்பிக்கப்பட்டபோது வெறும் 19 சதவீதத்திலிருந்து என்பது நினைவுகூரத்தக்கது.
இந்த மாற்றம் உள்ளூர் மதிப்பு கூட்டுதலிலும் பிரதிபலிக்கிறது, இது இப்போது சராசரியாக 15 சதவீதத்திற்கும் அதிகமாக உள்ளது, இது எட்டு ஆண்டுகளுக்கு முன்பு ஒற்றை இலக்க புள்ளிவிவரங்களில் இருந்து முன்னேற்றம் அடைந்த்துள்ளது என்றும், அறிக்கை தெரிவிக்கிறது.
மொபைல் போன்கள் மற்றும் உதிரிபாகங்கள் இரண்டிற்கும் உற்பத்தி அலகுகளை நிறுவும் நிறுவனங்களுடன் வளர்ந்து வரும் சுற்றுச்சூழல் அமைப்பை நாடு கண்டுள்ளது என்று பதக் மேலும் குறிப்பிட்டார். இந்தப் போக்கு முதலீடுகள், வேலை வாய்ப்புகள் மற்றும் தொழில்துறையின் ஒட்டுமொத்த வளர்ச்சிக்கு வழிவகுத்தது என்றும் அவர் கூறினார்.
இந்தச் சாதனைகளைக் படைத்ததன் மூலம், இந்திய அரசாங்கம் இப்போது நாட்டை ஒரு 'குறைக்கடத்தி உற்பத்தி மற்றும் ஏற்றுமதி மையமாக' நிலைநிறுத்த அதன் பல்வேறு வகையான திட்டங்களைப் பயன்படுத்துவதை நோக்கமாகக் கொண்டுள்ளது என்றும் அவர் கூறினார்.
இந்தியாவை செமிகண்டக்டர் பவர்ஹவுஸ் ஆக நிலைநிறுத்துவதில் அரசாங்கத்தின் கவனம் நகர்கிறது என்று அந்த அறிக்கையில் குறிப்பிடப்பட்டுள்ளது. ஒரு குறைக்கடத்தி PLI திட்டம் மற்றும் குறிப்பிடத்தக்க உள்கட்டமைப்பு முதலீடு ($1.4 டிரில்லியன் மதிப்பிலான முதலீடு) ஆகியவை நாட்டிற்குள் இன்னும் வலுவான உற்பத்தி சூழலை வளர்ப்பதற்கான உறுதிப்பாட்டை அளிக்கிறது.
பிரதமரின் விஸ்வகர்மா திட்டத்துக்கு மத்திய அமைச்சரவை ஒப்புதல்!
சேனலை கிளிக் செய்து பின்தொடரவும்