சபாஷ்…..புதிய சாதனையை நோக்கி இந்தியா போஸ்ட் பேமண்ட்ஸ் வங்கி

மிக குறுகிய காலத்தில் இந்தியா போஸ்ட் பேமண்ட்ஸ் வங்கியின் (ஐபிபிபி) வாடிக்கையாளா்களின் எண்ணிக்கை 2 கோடியை கடந்து சாதனை படைத்துள்ளது.

கடந்த ஆண்டு ஆகஸ்டில் இந்தியா போஸ்ட் பேமண்ட்ஸ் வங்கியின் வாடிக்கையாளா் எண்ணிக்கை ஒரு கோடி என்ற மைல்கல்லை கடந்த நிலையில் அடுத்த 5 மாதங்களில்  வாடிக்கையாளா் எண்ணிக்கை அடுத்த ஒரு கோடியைத் எட்டி சாதனை படைத்துள்ளது.அதன்படி, ஒரு காலாண்டுக்கு 33 லட்சம் புதிய கணக்குகள் என்ற அடிப்படையில் வங்கி தொடங்கி 2 ஆண்டுகளில் 2 கோடி வாடிக்கையாளர்கள் சேர்க்கப்பட்டுள்ளது.

மத்திய தொலைத்தொடா்புத் துறை அமைச்சா் ரவி சங்கா் பிரசாத் கூறுகையில், “ அனைவருக்கும் நிதி சேவைகள் கிடைக்க வேண்டும் என்ற அரசின் நல்ல நோக்கத்தின் அடிப்படையில் ஐபிபிபி உருவாக்கப்பட்டது. அவா்களின் பங்களிப்பால் தற்போது இந்த வெற்றி கிடைத்துள்ளது. 1.36 லட்சத்துக்கும் மேற்பட்ட தபால் அலுவலகங்கள் மற்றும் 1.9 லட்சம் தபால் பணியாளா்களுடன் தொடங்கப்பட்ட ஐபிபிபி-யின் ஆதார் அடிப்படையிலான சேவை வாடிக்கையாளா்களின் இல்லங்களைச் சென்றடைந்துள்ளது எனத் தெரிவித்துள்ளார்