இந்தியா மீது போர் தொடுக்க வேண்டும் என்ற எண்ணம் பாகிஸ்தானுக்கு இல்லை என்றும், இந்தியா, பாகிஸ்தான் எல்லைக்குள் வந்து அடிக்கும்போது நாங்கள் இந்திய எல்லைக்குள் வந்து அடிக்க முடியாதா என அந்நாட்டு பிரதமர் இன்ரான்கான் அவாவடியாக பேசியுள்ளார்.
பாகிஸ்தானின் அத்துமீறல்களைத் தொடர்ந்து இந்திய - பாகிஸ்தான் எல்லையில் போர் பதற்றம் உச்சகட்டத்தை எட்டி உள்ளது. இந்த நிலையில் பாகிஸ்தான் பிரதமர் இம்ரான் கான், அந்நாட்டின் அணு ஆயுத நிபுணர்களுடன் இன்று திடீர் ஆலோசனை நடத்தினார்.
பாகிஸ்தான் பிரதமர் இம்ரான் கான், பாகிஸ்தானின் அணு ஆயுதங்கள் தயாரிப்பு, உருவாக்கம், ஆராய்ச்சி, மேம்பாடு தொடர்பான விஷயங்களை கவனித்து வரும் நிபுணர்களுடன் இன்று ஆலோசனை நடத்தினார். அணு ஆயுத தயாரிப்பு பிரிவின் மிக முக்கிய விஞ்ஞானிகள் மற்றும் அதிகாரிகள் சிலர் மட்டுமே இந்த கூட்டத்தில் பங்கேற்றதாக தெரிகிறது. கூட்டம் பற்றி விவரங்கள் வெளியிடப்படவில்லை.
இதையடுத்து செய்தியாளர்களிடம் பேசிய இம்ரான்கான். இந்தியா மீது போர் தொடுக்க பாகிஸ்தானுக்கு ஆர்வமில்லை, கட்டாயத்தின் பேரிலே பதிலடி கொடுத்தோம். அதே நேரத்தில் நேற்று காலை முதலே முன்னேற்றங்கள் மீது நம்பிக்கையை நாடுவதற்கு நான் விரும்பினேன் என தெரிவித்தார்.
புல்வாமாவில் நடந்ததை அடுத்து இந்தியாவுக்கு சமாதானத்தை ஏற்படுத்த வேண்டும் என நாங்கள் கூறினோம். பாதிக்கப்பட்ட குடும்பங்களின் வலியை உணர்ந்தேன் என்றும் அவர் தெரிவித்தார்.
பயங்கரவாதத்திற்கு பாகிஸ்தானின் நமது நிலம் பயன்படுத்தப்பட வேண்டும் என்ற ஆர்வம் இல்லை. இது குறித்து அங்கே எந்த விவாதமும் இல்லை.நேற்று காலை இந்தியா தாக்குதல் பற்றி எனக்கு இராணுவ தலைவர் பேசினார். நாங்கள் அவசரமாக பதில் சொல்லவில்லை - இது அவர்களது பக்கம் சேதத்தை ஏற்படுத்தியிருப்பதால் பொறுப்பற்றதாக இருக்கும். ஒருமுறை நாங்கள் சேதத்தை ஏற்படுத்தியதை மதிப்பிட்டோம்.
நாங்கள் நடவடிக்கை எடுக்க தயாராக இருந்தோம். எங்கள் நடவடிக்கையின் ஒரே நோக்கம் நீங்கள் எங்கள் நாட்டிற்குள் வர முடியும் என்றால், நாங்களும் அதைச் செய்வோம். அவர்களது மிக் விமானங்களில் இரண்டு பாகிஸ்தானிய படைகளால் சுட்டு வீழ்த்தப்பட்டுள்ளன. இதை நீங்கள் மறந்துவிடக் கூடாது என இம்ரான்கான் தெரிவித்தார்.