சாமியாரின் சொத்துக்களை முடக்கி இழப்பீடு வழங்குங்கள் - பஞ்சாப், ஹரியானா நீதிமன்றங்கள் அதிரடி..

ராம் ரஹீம் சிங்கின் சொத்துக்களை முடக்க ஹரியான மற்றும் பஞ்சாப் மாநில உயர்நீதிமன்றங்கள் உத்தரவிட்டுள்ளன. மேலும் கலவரத்தில் ஏற்படும் இழப்புகளுக்கு ராம் ரஹீம் சிங்கின் சொத்துக்களில் இருந்து இழப்பீடு வழங்கவும் அறிவுறுத்தியுள்ளது. கடந்த 2002 ஆம் ஆண்டு தேரா சச்சா சௌதா அமைப்பின் தலைவர் ராம் ரஹீம் சிங் 2 பக்தைகளுக்கு பாலியல் தொல்லை தந்ததாக வழக்கு தொடரப்பட்டது. இந்த வழக்கு சிபிஐ நீதிமன்றத்தில் நடைபெற்று வந்தது. இந்த வழக்கில் நீதிபதிகள் இன்று தீர்ப்பு வழங்கியுள்ளனர். தீர்ப்பு சாமியாருக்கு எதிர்மறையாக வரும் எதிர்ப்பார்த்த நிலையில், மாநிலம் முழுவதும் பலத்த போலீஸ் பாதுகாப்பு போடப்பட்டது. மேலும் 144 தடை உத்தரவும் போடப்பட்டிருந்தது. இந்நிலையில் இன்று தீர்ப்பு வெளியானது. அதில், பாலியல் குறித்த வழக்கில் ராம் ரஹீம் சிங் குற்றவாளி என தீர்ப்பு வழங்கியது நீதிமன்றம். இதனால் ராம் ரஹீம் சிங் ஆதரவாளர்கள் தடை உத்தரவையும் மீறி உச்சகட்ட கலவரத்தில் ஈடுபட்டு வருகின்றனர். கையில் கிடைத்த பொருட்களையெல்லாம் கொளுத்தி வருகின்றனர். மேலும், கலவரத்தை கட்டுப்படுத்த முடியாமல் போலீஸ் அதிகாரிகள் தவித்து வருகின்றனர். கண்ணீர்புகை குண்டு வீசி கூட்டத்தை விரட்ட முயற்ச்சித்து வருகின்றனர். இந்த கலவரத்தில் இதுவரை 12 பேர் பலியாகியுள்ளனர். மேலும் 200 பேர் சிகிச்சைக்காக மருத்துவமனையில் சேர்க்கப்பட்டுள்ளனர். இந்நிலையில், ராம் ரஹீம் சிங்கின் சொத்துக்களை முடக்க ஹரியான மற்றும் பஞ்சாப் மாநில உயர்நீதிமன்றங்கள் உத்தரவிட்டுள்ளன. மேலும் கலவரத்தில் ஏற்படும் இழப்புகளுக்கு ராம் ரஹீம் சிங்கின் சொத்துக்களில் இருந்து இழப்பீடு வழங்கவும் அறிவுறுத்தியுள்ளது.

சாமியாரின் சொத்துக்களை முடக்கி இழப்பீடு வழங்குங்கள் - பஞ்சாப், ஹரியானா நீதிமன்றங்கள் அதிரடி..

Harihan and Punjab High Courts have been ordered to disarm Ram Rahim Singhs assets.

Download App

Recommended Stories