SDPI தொடர்புடைய 14 இடங்களில் அமலாக்கத்துறை அதிகாரிகள் சோதனை
சுருக்கம்
பணமோசடி வழக்கில் எஸ்.டி.பி.ஐ. (SDPI) தலைவர் எம்.கே. ஃபைஸி கைது செய்யப்பட்டதைத் தொடர்ந்து, அக்கட்சியுடன் தொடர்புடைய 14 இடங்களில் அமலாக்கத்துறை அதிகாரிகள் சோதனை நடத்தி வருகிறார்கள். டெல்லியில் உள்ள தேசிய தலைமையகத்திலும் ரெய்டு நடக்கிறது.
பணமோசடி வழக்கு தொடர்பாக அமலாக்க இயக்குநரகம் எஸ்.டி.பி.ஐ. (SDPI) கட்சி தொடர்புடைய 14 இடங்களில் சோதனை நடத்தி வருகிறது. டெல்லியில் உள்ள SDPI கட்சியின் தலைமையகத்தில் இந்தச் சோதனை மேற்கொள்ளப்படுகிறது.
கேரளாவின் திருவனந்தபுரம் மற்றும் மலப்புரம், கர்நாடக்காவின் பெங்களூரு, ஆந்திராவின் நந்தியால், தானே, சென்னை, ஜார்கண்டில் பாகூர், கொல்கத்தா, லக்னோ மற்றும் ஜெய்ப்பூர் ஆகிய மற்ற நகரங்களிலும் எஸ்டிபிஐ தொடர்புடைய இடங்களில் அமலாக்கத்துறையின் சோதனை நடக்கிறது.இதற்கிடையில், எஸ்டிபிஐ (SDPI) தேசியத் தலைவர் மொய்தீன் குட்டி கே என்கிற எம்.கே. ஃபைஸியை அமலாக்கத்துறையால் கைது செய்யப்பட்டார்.
எம்.கே. ஃபைஸி கைது:
அவரது தலைமையின் கீழ், தடைசெய்யப்பட்ட பாப்புலர் ஃப்ரண்ட் ஆஃப் இந்தியா (PFI) இன் சித்தாந்தத்தையும் நோக்கங்களையும் எஸ்டிபிஐ கட்சி தொடர்ந்து ஊக்குவித்து வருவதாகவும், அதிலிருந்து நிதி உதவி பெறுவதாகவும் குற்றச்சாட்டுகள் எழுந்துள்ளன. கேரளாவின் பாலக்காட்டைச் சேர்ந்த 55 வயதான ஃபைஸி, திங்கள்கிழமை (மார்ச் 03) இரவு 9:30 மணியளவில் டெல்லி விமான நிலையத்தில் கைது செய்யப்பட்டார். பிப்ரவரி 28 அன்று நிதி புலனாய்வு நிறுவனம் அவரது கேரள வீட்டில் நடத்திய சோதனையைத் தொடர்ந்து, பணமோசடி தடுப்புச் சட்டத்தின் (PMLA) கீழ் அவர் கைது செய்யப்பட்டார்.
ஃபைஸியைத் தவிர, PFI இன் இரண்டு முன்னாள் தலைவர்களான OMA சலாம் மற்றும் E அபுபக்கர் ஆகியோரும் கைது செய்யப்பட்டுள்ளனர்.
2022 ஆம் ஆண்டில், கேரளாவைச் சேர்ந்த PFI தலைவர் அப்துல் ரசாக் BP உடன் ஃபைஸியை தொடர்புபடுத்தி, ஒரு குறிப்பிட்ட கணக்கில் ரூ.2 லட்சம் பரிவர்த்தனை உட்பட நிதி திரட்டும் நடவடிக்கைகளில் ஈடுபட்டதாகக் குற்றம் சாட்டிய ED , ஃபைஸியை கைது செய்தது.
சென்னையில் SDPI அலுவலகத்தில் அமலாக்கத்துறை திடீர் சோதனை! காரணம் என்ன?
"03.12.2020 அன்று PFI மற்றும் அதன் நிர்வாகிகளுக்குச் சொந்தமான பல்வேறு இடங்களில் நடத்தப்பட்ட சோதனை நடவடிக்கைகளின் போது, ஏராளமான குற்றஞ்சாட்டத்தக்க ஆவணங்கள் மற்றும் டிஜிட்டல் ஆதாரங்கள் மீட்கப்பட்டு கைப்பற்றப்பட்டன, இது PFI SDPI இன் செயல்பாடுகளைக் கட்டுப்படுத்தவும், நிதியளிக்கவும், மேற்பார்வையிடவும் பயன்படுத்தியது என்பதை நிரூபிக்கிறது; SDPI என்பது பொதுவான உறுப்பினர்கள்/பணியாளர்கள் மற்றும் தலைவர்களைக் கொண்ட PFI இன் ஒரு முன்னணியாகும்; SDPI அதன் அன்றாட செயல்பாடுகள், கொள்கை வகுத்தல், தேர்தல் பிரச்சாரத்திற்கான வேட்பாளர்களைத் தேர்ந்தெடுப்பது, பொதுத் திட்டங்கள், பணியாளர் அணிதிரட்டல் மற்றும் பிற தொடர்புடைய நடவடிக்கைகளுக்கு PFI ஐச் சார்ந்திருந்தது."
2009 ஆம் ஆண்டு நிறுவப்பட்டு டெல்லியை தளமாகக் கொண்ட இந்திய சமூக ஜனநாயகக் கட்சி (SDPI), பாப்புலர் ஃப்ரண்ட் ஆஃப் இந்தியாவின் (PFI) அரசியல் பிரிவாகச் செயல்படுவதாக நம்பப்படுகிறது. சட்டவிரோத நடவடிக்கைகளில் ஈடுபட்டதாகக் கூறி, மத்திய அரசு செப்டம்பர் 2022 இல் PFI ஐத் தடை செய்தது.