பீகார் தேர்தல் முடிவை மாற்றும் முக்கியத் தொகுதிகள்.? எதிர்பார்ப்பில் அரசியல் கட்சிகள்

பீகார் தேர்தலில் பல முக்கியத் தொகுதிகள் முடிவை மாற்றும் சக்தியாக உள்ளன. பாட்னா சாஹிப், லக்கிசராய், அலிநகர் போன்ற இடங்களில் வேலைவாய்ப்பின்மை, ஜன் சுராஜ் கட்சியின் வருகை போன்றவற்றால் போட்டி கடுமையாகியுள்ளது. 

மாநிலத்தின் பல முக்கியத் தொகுதிகள் இந்தத் தேர்தலின் முடிவை மாற்றக்கூடிய நிலையில் உள்ளன. நகர்ப்புற பிரச்சனைகள், சாதி அடிப்படையிலான அரசியல் சமிக்ஞைகள் வேறுபடுகின்றன. பல கருத்துக்கணிப்புகள் NDA எளிதாக முன்னிலை பெறும் எனக் கூறினாலும், போட்டி கடுமையாக இருக்கும் என்று எதிர்பார்க்கப்படுகிறது.

பாட்னா சாஹிப்

பாஜக கோட்டையாக இருந்த பாட்னா சாஹிப் இம்முறை பல மாற்றங்களால் பேசப்படுகிறது. வக்கீலான 45 வயது ரத்னேஷ் குஷ்வாஹா பாஜக சார்பில் நிற்கிறார். காங்கிரஸின் இளம் முகம் ஷஷாந்த் சேகர் அவரை எதிர்கொள்கிறார். வேலை வாய்ப்பின்மை, மாசு மேலாண்மை குறைபாடு, மோசமான போக்குவரத்து போன்ற பிரச்சனைகள் இந்த தொகுதியை அதிக கவனத்திற்கு கொண்டு வந்துள்ளது.

லக்கிசராய்

பீகார் துணை முதலமைச்சர் விஜய் குமார் சின்ஹா ​​தன் நிலையை காக்க போராடுகிறார். காங்கிரஸின் அம்ரேஷ் குமார் மற்றும் ஜன் சுராஜின் சூரஜ் குமார் இணைந்து மூன்று முனைப் போட்டியை உருவாக்கியுள்ளனர். சின்ஹா ​​2020-ல் இதே வேட்பாளரை 10,000-க்கும் மேல் வாக்கு வித்தியாசத்தில் வென்றவர். ஆனால் இந்த முறை ஜன் சுராஜின் நுழைவு போட்டியை சூடேற்றியுள்ளது. இங்கு ஏற்படும் எந்த மாற்றமும் NDAக்கு அதிர்ச்சி தரக்கூடும்.

அலிநகர்

இளம் பாடகி மைதிலி தாக்கூர் பாஜக சார்பில் முதன்முறையாக களமிறங்குகிறார். RJD வேட்பாளர் பினோத் மிஸ்ரா மற்றும் ஜன் சுராஜ் வேட்பாளர் பிப்லவ் சவுத்ரி ஆகியோரை அவர் எதிர்கொள்கிறார். பாரம்பரியமாக RJD ஆன்றிருக்கும் இந்தத் தொகுதியில், மைதிலியின் பிரபலத்தால் இளம் வாக்காளர்கள் திசை மாறலாம்.

கயா டவுன்

இந்தத் தொகுதியில் பாஜகவின் பிரேம் குமார் மீண்டும் களத்தில். கடந்த முறை அவர் 12,000-க்கு அருகில் வாக்கு வித்தியாசத்தில் வென்றார். காங்கிரஸின் அகௌரி ஓங்கார் நாத் அவரை மீண்டும் எதிர்கொள்கிறார். ஜன் சுராஜின் திரேந்திர அகர்வாலும் வாக்குகளைப் பிரிப்பதில் தாக்கம் ஏற்படுத்தக்கூடும்.

பெகுசராய்

இளைஞர்களின் அதிக பங்கேற்பு மற்றும் வேலை வாய்ப்புகள் குறைவாக இருப்பது இங்கே போட்டியை கடுமையாக்கியுள்ளது. பாஜகவின் குந்தன் குமார், காங்கிரஸின் அமிதா பூஷன், ஜன் சுராஜின் சுரேந்திர சஹானி ஆகியோருடன் ஐந்து முனைப் போட்டியாக உள்ளது. கடந்த முறை வெற்றி வித்தியாசம் குறைவு. எனவே இந்த முறை முடிவு கணிக்க முடியாததாக இருக்கும்.

பூர்ணியா

முஸ்லிம், யாதவ், குர்மி, மிகவும் பிற்படுத்தப்பட்டவர்கள் இந்த மாவட்டத்தில் உள்ள பெண் வாக்காளர்கள் அதிகம் வருகை புரிந்தது கவனிக்கப்படும் அம்சம். பாஜக எம்எல்ஏ விஜய் குமார் கெம்கா, காங்கிரஸின் ஜிதேந்திர குமார், ஜேஎஸ்பி வேட்பாளர் சந்தோஷ் சிங்குடன் கடுமையான போட்டி உள்ளது.

மதுபனி

வெள்ளப் பாதிப்பு, நிவாரணப் பணிகள் குறைவாக இருந்தது போன்ற காரணங்களால் மதுபனி இம்முறை மாற்றமாக உள்ளது இருக்கலாம். RJD-யின் சமீர் குமார் மஹாசேத் மற்றும் RLAM-ன் மாதவ் ஆனந்த் முக்கிய போட்டியாளர்கள் ஆவார்கள். ஜன் சுராஜ் வேட்பாளர் அனில் மிஸ்ராவின் பங்கு முடிவில் தாக்கம் ஏற்படுத்தக்கூடும்.

தர்பங்கா

வேலை வாய்ப்புகள் குறைவாக இருப்பதால் இங்கு இளைஞர்கள் அதிக முறை வாக்குப்பதிவு செய்தனர். பாஜகவின் சஞ்சய் சரவோகி மூன்றாவது முறையாக போட்டியிடுகிறார். அவருக்கு எதிராக உமேஷ் சஹானி (மகா கூட்டணி) மற்றும் ஜேஎஸ்பி வேட்பாளர் ராகேஷ் மிஸ்ரா களத்தில் உள்ளனர்.