முன்னாள் மத்திய அமைச்சர் ராஜீவ் சந்திரசேகரின் தந்தை, விங் கமாண்டர் சந்திரசேகர் காலமானார்

Air Commodore MK Chandrasekhar Passes Away :  கேரள மாநில பாஜக மாநிலத் தலைவரும் முன்னாள் மத்திய அமைச்சருமான ராஜீவ் சந்திரசேகரின் தந்தை ஏர் கமாடோர் மங்காட்டில் கரக்காட் (எம்.கே) சந்திரசேகர் காலமானார். அவருக்கு வயது 92. பெங்களூருவில் உள்ள ஒரு மருத்துவமனையில் சிகிச்சை பெற்று வந்தார். எம்.கே. சந்திரசேகர் 1954 இல் இந்திய விமானப்படையில் சேர்ந்தார், 1986 இல் ஏர் கமாடோராக ஓய்வு பெற்றார். 

1947-78 இந்தியா-பாகிஸ்தான் போரின்போது, ராணுவ வீரர்களை ஸ்ரீநகருக்கு அனுப்ப முக்கிய பங்காற்றிய டகோட்டா DC-3 விமானம், இந்திய விமானப்படையின் முதல் சரக்கு விமானங்களில் ஒன்று. நாடாளுமன்ற உறுப்பினர் ராஜீவ் சந்திரசேகரின் தந்தையான ஏர் கமாண்டர் (ஓய்வு) எம்.கே. சந்திரசேகர், 1962 சீனப் போரின்போது டகோட்டா விமானத்தில் வீரர்களை ஏற்றிச் சென்றார். 1971 வங்கதேச விடுதலைப் போரிலும் டகோட்டா பங்காற்றியது.

இந்நிலையில்,  ஐர்லாந்தில் விற்பனைக்கு வைக்கப்பட்டிருந்த டகோட்டா DC-3 விமானத்தை ராஜீவ் சந்திரசேகர் தந்தையின் விருப்பப்படி வாங்கினார். மேலும், தந்தை எம்.கே. சந்திரசேகரின் ராணுவ சேவையைப் போற்றும் வகையில், இந்த விமானத்தை விமானப்படைக்கு பரிசளிக்க 2018 பிப்ரவரி 13 அன்று ஒப்பந்தம் செய்தார். அதன்படி, 2018 அக்டோபர் 8 அன்று விமானப்படைத் தலைவர் பி.எஸ். தனோவாவிடம் விமானத்தின் சாவியை ஒப்படைத்தார். சந்திரசேகரை கௌரவிக்கும் வகையில், இந்த விமானத்திற்கு ‘பரசுராமர்’ எனப் பெயரிடப்பட்டது.

சந்திரசேகரின் விருப்பப்படி பெங்களூருவில் வீரக்கல்

கார்கில் வெற்றி தினத்தன்று, பெங்களூரு தேசிய ராணுவ நினைவிடத்தில் 75 அடி உயர, 700 டன் எடையுள்ள வீரக்கல்லை முதல்வர் சித்தராமையா திறந்து வைத்தார். 16 ஆண்டுகளுக்கு முன்பு தொடங்கப்பட்ட இந்த வீரக்கல் திட்டம், பல தடைகளைக் கடந்து நிறைவேற ஓய்வுபெற்ற ஏர் கமாண்டர் எம்.கே. சந்திரசேகர் முக்கிய பங்காற்றினார். ராணுவ வீரர்களின் தியாகத்தை நினைவுகூரும் வகையில் வீரக்கல் அமைக்கப்பட வேண்டும் என்பது சந்திரசேகரின் விருப்பம். இந்த நினைவிடம், இளைய தலைமுறைக்கு உத்வேகமளிக்கும் இடமாக இருக்க வேண்டும்.

வீரர்களின் நினைவாக

நினைவிடத்தில் உள்ள கல்வெட்டுகளில் வீரர்களின் பெயர்கள், இந்தியாவின் மிகப்பெரிய தேசியக் கொடி, வீரக்கல், நிலத்தடி அருங்காட்சியகம் என அனைத்தும் வீரர்களின் நினைவாகவும், இளைஞர்களுக்கு கல்வி மையமாகவும் அமைய வேண்டும் என்பது எம்.கே. சந்திரசேகரின் விருப்பம். இந்த நினைவிடம், ராணுவத்தைப் பற்றி அறிந்துகொள்ளும் இடமாக இருக்க வேண்டும். வீரமரணமடைந்தவர்களுக்கு மரியாதை செலுத்தும் இடமாகவும், அவர்களின் குடும்பத்தினருக்கு ஆறுதல் அளிக்கும் இடமாகவும் இருக்க வேண்டும். இங்கு வீரர்களை நினைவுகூரும் நிகழ்வுகள் நடத்தப்பட வேண்டும். இளைஞர்களுக்கு உத்வேகம் அளிக்க வேண்டும். சுதந்திரத்தின் மதிப்பை உணர்த்த வேண்டும். இந்த நினைவிடம் அமைவதற்கு எம்.கே. சந்திரசேகர் முக்கிய பங்காற்றினார்.