புகைப்பிடித்து கருத்துப்போன உதடுகளை சிவப்பாக்க வேண்டுமா? இதோ சூப்பர் டிப்ஸ்...

Want to smoke and express red lips? Here are super tips ...

உதடு ஏன் கருப்பாகிறது?

** உதடு சிவந்திருந்தாலும் உதட்டை சுற்றிலும் சிலருக்கு கோடு போட்டது போல் கருப்பாக இருக்கும். அது உதட்டில் ஈரப்பதம் இல்லாமல் இருக்கும்போது கருத்துவிடும்.

** பித்த உடம்பாக இருந்தாலும் உதடு கருக்கும். அல்லது அடிக்கடி நாவினால் உதட்டை ஈரப்படுத்தும்போதும் உதடு கருப்பாகும்.

** மிகச் சிறந்த வழி அடிக்கடி நீங்கள் நீர் குடித்துக் கொண்டிருக்க வேண்டும். இதனால் உதடு கருக்காமல் பார்த்துக் கொள்ளலாம்.

கருத்த உதட்டை மீண்டும் பழைய நிறத்திற்கு கொண்டு வருவது?

எலுமிச்சை மற்றும் மஞ்சள் :

எலுமிச்சை சாற்றில் ஒரு சிட்டிகை மஞ்சள் கலந்து உதட்டில் தடவுங்கள். 10 நிமிடம் கழித்து கழுவவும். தினமும் இப்படி செய்து வாருங்கள். கருமை மறைந்து உதடு பளிச்சிடும்.

யோகார்ட் :

யோகார்டில் உள்ள லாக்டிக் அமிலம் கருமையை அகற்றும் சக்தி கொண்டது. தினமும் யோகர்ட்டை உதட்டில் தடவி வாருங்கள். யோகார்ட் இல்லையென்றால் தயிர் தடவலாம். வேகமாக கருமையை மறையச் செய்யும்.

தக்காளி :

தக்காளி சருமத்தில் ப்ளீச்சிங் செய்யும் குணம் கொண்டது. சென்ஸிடிவ் சருமம் இருப்பவர்களுக்கு ஏற்றது. தக்காளி துண்டை எடுத்து உதட்டை சுற்றிலும் காணப்படும் கருமை மீது தடவி வாருங்கள். காய்ந்ததும் கழுவலாம்.

உருளைக் கிழங்கு மற்றும் வெள்ளரி :

உருளைக் கிழங்கிலும் ப்ளீச்சிங்க் செய்யும் ஆற்றல் உள்ளது. வெள்ளரிக்காய் மென்மையையும் ஈரப்பதத்தையும் அளிக்கும். உருளை துண்டு மற்றும் வெள்ளரிக்காயில் சாறெடுத்து உதட்டின் மீது தினமும் தடவுங்கள். காய்ந்ததும் கழுவ வேண்டும். இந்த குறிப்பு கருமையை மங்கச் செய்து உதட்டை சிவப்பாக்கும்.

வெண்ணெய் :

ஈரப்பதம் குறையும் போதும் உதட்டைச் சுற்றிலும் கருமை ஏற்படும். இதனை தவிர்க்க தினமும் வெண்ணெயை உதட்டில் தடவுங்கள். அது போல், ஆலிவ் எண்ணெய், பாதாம் எண்ணெயும் ஈரப்பதத்தை அளித்து மென்மையாக்கும். இதனால் கருமை நாளடைவில் மறையும்.