வருது மழை காலம் நோய்களை தடுப்பது எப்படி?

How to prevent diseases

நோய்த் தொற்றுக்கான வாய்ப்பு, எல்லாருக்கும் உள்ளது. எனவே நோய் எதிர்ப்பு சக்தி மிகவும் குறைந்த முதியவர்கள், கட்டாயம் தடுப்பூசி போட்டுக் கொள்ள வேண்டும்.

நிமோனியா, முத்தடுப்பு, சின்னம்மை, ப்ளு காய்ச்சல், டைபாய்டு, ஹெபடைட்டிஸ் எனப்படும் மஞ்சள் காமாலை, ரேபிஸ், காலரா போன்ற நோய்களுக்கு தடுப்பூசிகள் கட்டாயம்.

பாக்டீரியா, பூஞ்சை, நுண்கிருமிகள் இவற்றில் ஏதாவது ஒன்றின் பாதிப்பால்,நுரையீரலில் ஏற்படும் ஒரு வைகயான தொற்றுதான் நிமோனியா. வயதானவர்கள் பெரும்பாலும் நிமோனியாவால் தான் பாதிக்கப்படுகிறார்கள்.

இதன் அறிகுறிகள்.

கடுமையான காய்ச்சல், மூச்சுவிடுவதில் சிரமம், நெஞ்சு வலி போன்றவையே.  டெட்டனஸ், கக்குவான், இருமல். போன்ற பிரச்னைகளுக்கும் சேர்த்து, தடுப்பூசிபோடப்படும்.

சின்னம்மையின் தாக்கம், முதியவர்களுக்கு அதிகம் இருப்பதற்கு காரணம் நோய் எதிர்ப்பு சக்தி குறைவாக இருப்பதே. மழை, குளிர்காலத்தில் இதன் பாதிப்பு அதிகம் இருக்கும் என்பதால், மழை காலம் தொடங்குவதற்கு முன் போட வேண்டும்.
மழைக்காலத்தில், டைபாய்டின் பாதிப்பு அதிகம் இருக்கும் என்பதால், இதற்கான தடுப்பூசியை மூன்று ஆண்டுகளுக்கு ஒரு முறை போட வேண்டும். தண்ணீரை காய்ச்சி குடிக்க வேண்டும்.

காய்ச்சலைத் தவிர, ஹெபடைட்டிஸ் வைரஸ்கள் 'ஏ, பி, சி, ஈ,' வகைகள், அதிக பாதிப்பை ஏற்படுத்துகின்றன. ஹெபடைட்டிஸ், 'ஏ,பி,' வைரஸ்களுக்கு, சிகிச்சை இல்லை. ஆனால்,தடுப்பூசி இருக்கிறது. ஹெபடைட்டிஸ், 'சி, ஈ' க்கு தடுப்பூசிகள் இல்லை. ஆனால்,சிகிச்சை உண்டு. 

கர்ப்பப்பை வாய் புற்று நோய்க்கான தடுப்பூசியை, ஆண், பெண் இருவரும் போட்டுக் கொள்ளலாம். ஆனால், பருவமடையும் வயதிலேயே, போட்டுக் கொள்ள வேண்டும்.
இவைகளைத் தவிர தீவிர நோய் பதிப்புள்ளவர்கள் மருத்துவரின் அறிவுரையின் பேரில் தடுப்பூசிகளை போட்டுக் கொள்வது நல்லது.