உங்களுக்குத் தெரியுமா? தைராய்டு இருப்பவர்கள் தூதுவளை சூப் குடித்தால் நல்ல பலன் கிடைக்கும்...

Drink this soup who has Tyroid

தூதுவளையின் மருத்துவ குணங்கள்

** தூதுவளையுடன் மிளகு சேர்த்து கஷாயம் வைத்து குடித்தால் வறட்டு இருமல் குறையும். 

** தூதுவளை பழத்தை வத்தலாக காயவைத்து, வதக்கி சாப்பிட்டால் கண் குறைபாடுகள் நீங்கும்.

** தூதுவளையில் கால்சியம் சத்துக்கள் அதிகமுள்ளதால் எலும்பையும், பற்களையும் பலப்படுத்தும். அதனால் தூதுவளை கீரையுடன் பருப்பு மற்றும் நெய் சேர்த்து சமைத்து 48 நாட்கள் சாப்பிட்டு வர வேண்டும்.

** தூதுவளையின் முள்செடி, தண்டு, இலை, வேர் ஆகியவற்றை நிழலில் 5 நாட்கள் காயவைத்து பொடி செய்து தேன் அல்லது பாலில் கலந்து சாப்பிட ஆஸ்துமா குறையும்.

** காதுமந்தம், நமச்சல், பெருவயிறு மந்தம் ஆகியவற்றிற்கும், மூக்கில் நீர்வடிதல், வாயில் அதிக நீர் சுரப்பு, பல் ஈறுகளில் நீர்சுரத்தல், சூலை நோய் ஆகியவற்றிற்கும் தூதுவளை கீரை சிறந்தது.

வீட்டிலேயே தூதுவளை சூப் தயாரித்து சாப்பிடலாம்...

தேவையானவை:

நறுக்கிய தூதுவளை கீரை – ஒரு கப், 

பெரிய வெங்காயம் – 1, 

பூண்டு பல் – 5, 

மிளகு, சீரகம் – தலா கால் டீஸ்பூன், 

பச்சைமிளகாய் – 2, 

தக்காளி – 3, 

தேங்காய்ப் பால் – அரை கப், 

உப்பு – தேவையான அளவு, 

கொத்தமல்லி – சிறிதளவு.

செய்முறை:

வெங்காயம், மிளகு, சீரகம், பூண்டு, பச்சைமிளகாய், தக்காளியை மிக்ஸியில் போட்டு, நன்றாக அரைக்க வேண்டும். இந்த விழுதில் தேவையான தண்ணீர், உப்பு சேர்த்து, அடுப்பில் வைத்து கொதிக்கவிட வேண்டும். இதில், தூதுவளை சேர்த்து, நன்றாகக் கொதித்ததும் தேங்காய்ப் பால் மற்றும் கொத்தமல்லி சேர்த்து இறக்க வேண்டும்.

பலன்கள்:

** உடலுக்கு வலிமை தரும். 

** ஆஸ்துமா, சளி, இருமலுக்குச் சிறந்த மருந்து. 

** மூளை நரம்புகளை வலுப்படுத்தும். 

** தைராய்டு கட்டிகள் இருப்பவர்கள், இந்த சூப் அருந்துவது நல்ல பலனைத் தரும். 

** இந்த சூப் நுரையீரலை வலுப்படுத்தும்.