World's Longest Train: உலகத்திலேயே மிக நீளமான ரயில் எது தெரியுமா? சுமார் 7 கிமீ நீளம், 82 பெட்டிகள், 8 என்ஜின்கள் கொண்ட இந்த ரயில் பற்றிய சுவாரஸ்யமான தகவல்களை இந்த செய்தியில் பார்ப்போம்.
உலகத்தின் மிக நீளமான ரயில் ஆஸ்திரேலியாவில்தான் ஓடுகிறது. இதன் நீளம் 7 கிலோமீட்டருக்கும் அதிகம். இது ஒரு சரக்கு ரயில். மொத்தம் 682 வேகன்களையும், அதை இழுக்க 8 சக்திவாய்ந்த இன்ஜின்களையும் கொண்டுள்ளது. ஆஸ்திரேலியாவின் மிகப்பெரிய சுரங்க நிறுவனமான BHP-யின் இரும்புத் தாதுவை இந்த ரயில் கொண்டு செல்கிறது. இது ஒரு இன்ஜினீயரிங் அற்புதம் என்றே சொல்லலாம்.
இந்தியாவின் மிக நீளமான சரக்கு ரயில் 'ருத்ராஸ்த்ரா'. இதன் நீளம் 4.5 கிலோமீட்டர். இதில் 354 வேகன்கள் (பெட்டிகள்) மற்றும் 7 சக்திவாய்ந்த இன்ஜின்கள் உள்ளன. இந்திய சரக்கு ரயில்களில் 40 முதல் 60 வேகன்கள்தான் இருக்கும். ஆனால், ருத்ராஸ்த்ரா ஆறு சாதாரண ரயில்களுக்கு சமம். இதன் மூலம் ஒரே நேரத்தில் அதிக சரக்குகளைக் கொண்டு செல்ல முடிகிறது.
உலகின் மிக நீளமான பயணிகள் ரயில் சுவிட்சர்லாந்தில் ஓடுகிறது. இதன் நீளம் 1.9 கிலோமீட்டர். இதில் 100 கோச்சுகள் உள்ளன. யுனெஸ்கோவின் உலக பாரம்பரிய தளமான அல்பூலா ரயில் பாதை வழியாக, புகழ்பெற்ற ஆல்ப்ஸ் மலைத்தொடரில் இந்த ரயில் பயணிக்கிறது. 2,990 டன் எடை கொண்ட இந்த ரயிலில் 4,550 இருக்கைகள் உள்ளன. இது மணிக்கு 30 முதல் 40 கி.மீ வேகத்தில் செல்லும்.
இந்தியாவின் மிக நீளமான பயணிகள் ரயில் பிரயாக்ராஜ் எக்ஸ்பிரஸ். இதில் மொத்தம் 24 கோச்சுகள் உள்ளன. அதிக கோச்சுகளுடன் ஓடும் ரயில் இதுதான். அதே நேரம், அதிக தூரம் பயணிக்கும் ரயில் விவேக் எக்ஸ்பிரஸ். இது அசாமின் திப்ருகரில் இருந்து தமிழ்நாட்டின் கன்னியாகுமரி வரை செல்கிறது. சுமார் 4,273 கிலோமீட்டர் தூரத்தை 82 மணி நேரத்தில் (நான்கு நாட்கள்) கடக்கிறது.
55
போக்குவரத்துத் துறையில் புரட்சிகரமான மாற்றங்கள்
உலகெங்கிலும் ஓடும் இந்த பிரம்மாண்ட ரயில்கள், போக்குவரத்துத் துறையில் பெரிய மாற்றங்களை உருவாக்குகின்றன. ஆஸ்திரேலியாவின் 7 கிமீ ரயில் தாதுப்பொருட்களையும், இந்தியாவின் 4.5 கிமீ ருத்ராஸ்த்ரா ரயில் சரக்குகளையும், சுவிட்சர்லாந்தின் 1.9 கிமீ ரயில் ஆயிரக்கணக்கான பயணிகளையும் ஒரே நேரத்தில் கொண்டு செல்கின்றன. இதன் மூலம் பயண நேரமும், செலவும் குறைந்து, திறன் அதிகரிக்கிறது. இது நவீன ரயில்வேயின் அடையாளம்.
