வெனிசுலாவின் செயல் அதிபராக தன்னை தானே அறிவித்துக் கொண்டு அமெரிக்க அதிபர் டொனால்டு ட்ரம்ப் சோஷியல் மீடியாவில் பதிவிட்டுள்ளார். வெனிசுலா அதிபர் மதுரோவை கைது செய்து அமெரிக்கா சிறைப்படுத்தியுள்ள நிலையில் ட்ரம்பின் அறிவிப்பு பரபரப்பை கிளப்பி உள்ளது.
அமெரிக்கா சமீபத்தில் வெனிசுலாவைத் தாக்கியது. இதைத் தொடர்ந்து, பதவி நீக்கம் செய்யப்பட்ட அதிபர் நிக்கோலஸ் மதுரோவும், அவரது மனைவியும் கைது செய்யப்பட்டனர். இந்த நடவடிக்கைக்குப் பிறகு, அமெரிக்க அதிபர் டொனால்ட் டிரம்ப் ஒரு புகைப்படத்தைப் பகிர்ந்துள்ளார். விக்கிபீடியா பக்கத்தில் டிரம்ப் தனது புகைப்படத்தைப் பகிர்ந்துள்ளார். அது அவரை வெனிசுலாவின் தற்காலிக அதிபர் என பிரகடனப்படுத்துகிறது.
இந்த புகைப்படத்தை டிரம்ப் சமூகவலைதளமான தனது ட்ரூத் சோஷியலில் பகிர்ந்துள்ளார். டிரம்ப் ஜனவரி 20, 2025 அன்று வெனிசுலாவின் தற்காலிக அதிபராக பதவியேற்றதாகவும், ஜனவரி 2026 வரை அந்தப் பதவியில் நீடிப்பார் என்றும் புகைப்படம் கூறுகிறது. அதில் அமெரிக்க துணை ஜனாதிபதி ஜே.டி. வான்ஸை அவரது துணைவராகவும் குறிப்பிடுகிறார்.
24
படத்தில் இருக்கும் உண்மை என்ன..?
ட்ரம்ப் ட்ரூத் சோஷியலில் பகிர்ந்து கொண்ட படம் ஒரு போலியான படம். படம் மாற்றியமைக்கப்பட்டுள்ளது. உண்மையில், விக்கிபீடியா பக்கத்தில் அத்தகைய தகவல்கள் எதுவும் கிடைக்கவில்லை. தற்போது, அமெரிக்க அதிபர் வெனிசுலாவின் தற்காலிக அதிபர் என்பதைக் காட்டும் அதிகாரப்பூர்வ ஆவணம் அல்லது சட்ட கட்டமைப்பு எதுவும் இல்லை.
ஆன்லைனில் கூறப்பட்டு இருந்தபோதிலும், டொனால்ட் டிரம்ப் விக்கிபீடியாவிலோ அல்லது பரவலாகப் பயன்படுத்தப்படும் பிற பொது பதிவுகளிலோ வெனிசுலாவின் தற்காலிக அதிபராக பட்டியலிடப்படவில்லை.
34
வெனிசுலாவில் அமெரிக்காவின் நடவடிக்கை
அமெரிக்கா, வெனிசுலாவில் இராணுவத் தாக்குதலைத் தொடங்கிய இந்த நடவடிக்கையின் போது, வெனிசுலா அதிபர் நிக்கோலஸ் மதுரோ மற்றும் அவரது மனைவி சிலியா புளோரஸ் ஆகியோர் கைது செய்யப்பட்டு நியூயார்க்கிற்கு அழைத்துச் செல்லப்பட்டனர். அங்கு அவர்கள் போதைப்பொருள்-பயங்கரவாத சதி தொடர்பான குற்றச்சாட்டுகளின் பேரில் விசாரிக்கப்படுகிறார்கள்.
இருவரும் புரூக்ளினில் உள்ள பெருநகர தடுப்பு மையத்தில் தடுத்து வைக்கப்பட்டுள்ளனர். ஆனாலும், அனைத்து குற்றச்சாட்டுகளையும் மதுரோ மறுத்துள்ளார்.
அமெரிக்க அதிபர் டொனால்ட் டிரம்ப் தனது ட்ரூட் சமூக வலைதளப் பதிவில், தன்னை 'வெனிசுலாவின் செயல் அதிபர்' என்று அங்கீகரிக்கிறார்
வெனிசுலாவை ஆக்கிரமித்து மதுரோவைக் கைப்பற்றியதில் இருந்து, பாதுகாப்பான, நீதியான, நியாயமான மாற்றம் முடியும் வரை அமெரிக்கா வெனிசுலா நிர்வாகத்தைக் கண்காணிக்கும் என்று டிரம்ப் தொடர்ந்து கூறி வருகிறார். மதுரோ வெளியேற்றப்பட்டதைத் தொடர்ந்து, வெனிசுலா துணைத் தலைவரும் எண்ணெய் வள அமைச்சருமான டெல்சி ரோட்ரிக்ஸ் கடந்த வாரம் நாட்டின் இடைக்கால ஜனாதிபதியாக முறையாகப் பதவியேற்றார். 56 வயதான வழக்கறிஞரும், ஆளும் அரசியல் இயக்கத்தின் மூத்த தலைவருமான ரோட்ரிக்ஸ், தனது சகோதரர் ஜார்ஜ் ரோட்ரிக்ஸ் தலைமையிலான தேசிய சட்டமன்றத்தில் தனது பதவிப் பிரமாணத்தை எடுத்துக் கொண்டார்.
டிரம்ப் சமீபத்தில் வெனிசுலாவைத் தாக்கியபோது, வெனிசுலாவின் நெருங்கிய கூட்டாளியான கியூபாவையும் அவர் ட்ரூத் சோஷியலில் ஒரு பதிவில் எச்சரித்தார். கியூபாவின் எண்ணெய் விநியோகம், பொருளாதார உதவிகள் துண்டிக்கப்படும் என்று அவர் கூறினார்.
