இந்த சூத்திரத்தில், இராணுவம் நாட்டை முழுமையாக ஆதிக்கம் செலுத்தும்போது, அதை மண்டியிட வைக்க ஒரே ஒரு சூத்திரம் மட்டுமே உள்ளது என்று இம்ரான் கூறியுள்ளார்.
பாகிஸ்தான் தெஹ்ரீக்-இ-இன்சாப் கட்சி இம்ரான் கானின் விடுதலைக்காக கடுமையாக போராடி வருகிறது. இஸ்லாமாபாத், ராவல்பிண்டியில் அக்கட்சியின் தொண்டர்கள் வீதிகளில் இறங்கி போராட்டம் நடத்தி வருகின்றனர். ஷாபாஸ் ஷெரீப்பின் அரசு வீழ்ச்சியடையும் வரை இந்த போராட்டம் தொடரும் என பிடிஐ கட்சி உறுதியாகக் கூறிவருகிறது. பாகிஸ்தான் தெஹ்ரீக்-இ-இன்சாப் கட்சி இம்ரான் கானின் 20,000 சூத்திரத்தை பின்பற்றி இராணுவத்தையும், அரசையும் மண்டியிட வைக்கக்கூடும் என்று கூறப்படுகிறது.
24
இம்ரான் கானின் 20,000 சூத்திரம் என்ன?
1992 ஆம் ஆண்டு, இம்ரான் கானை மேற்கோள் காட்டியுள்ள டைம்ஸ் பத்திரிகை இராணுவத்தை தோற்கடிப்பதற்கான ஒரு சூத்திரத்தை இம்ரான் தனது நெருங்கிய கூட்டாளிகளுடன் பகிர்ந்து கொண்டதாக கூறியுள்ளது. இந்த சூத்திரத்தில், இராணுவம் நாட்டை முழுமையாக ஆதிக்கம் செலுத்தும்போது, அதை மண்டியிட வைக்க ஒரே ஒரு சூத்திரம் மட்டுமே உள்ளது என்று இம்ரான் கூறியுள்ளார்.
நாட்டின் நான்கு முக்கிய நகரங்களில் ஒவ்வொன்றிலும் பிடிஐ தொண்டர்கள் 20,000 பேரை மட்டுமே கூட்டினால், விளையாட்டை விளையாட முடியும். இராணுவத்தால் இந்தக் கூட்டத்தைக் கையாள முடியாமல் போகும். இறுதியில் பின்வாங்க வேண்டிய கட்டாயம் ஏற்படும். மக்களை ஒன்று சேர்ப்பது பற்றி இம்ரான் பேசிய நகரங்களில் இஸ்லாமாபாத், ராவல்பிண்டி, கராச்சி மற்றும் லாகூர் ஆகியவை அடங்கும்.
இஸ்லாமாபாத் பாகிஸ்தானின் தலைநகரம், ராவல்பிண்டி இராணுவ தலைமையகம். அசிம் முனீரின் அலுவலகமும் ராவல்பிண்டியில் உள்ளது. லாகூர் பஞ்சாப் மாகாணத்தின் தலைநகரம். கராச்சி பாகிஸ்தானின் நிதி தலைநகரம் என்று அழைக்கப்படுகிறது. கராச்சியில் கடற்படை செயல்படுகிறது.
34
இம்ரான் கானுக்கு கடைசி வாய்ப்பு
2022 ஆம் ஆண்டில், இம்ரான் கானுக்கும் இராணுவத்திற்கும் இடையே மோதல் ஏற்பட்டது. இது அவரது ஆட்சியை பறித்தது. இதற்கு இராணுவத்தையும், அமெரிக்காவையும் இம்ரான் குற்றம் சாட்டினார். எந்த சூழ்நிலையிலும் இராணுவத்திற்கோ அல்லது அரசாங்கத்திற்கோ தான் பணிய மாட்டேன் என்று இம்ரான் தெளிவாகக் கூறினார்.
பின்னர் 2023 -ல் இம்ரான் கான் சிறையில் அடைக்கப்பட்டார். ஊழல் மற்றும் அராஜகத்தை பரப்பியதாக அவர் மீது குற்றம் சாட்டப்பட்டது. அன்றிலிருந்து இம்ரான் சிறையில் அடைக்கப்பட்டுள்ளார். அரசாங்கத்துடனான இம்ரான் கானின் தொடர்புகள் குறித்த தகவல்கள் பல சந்தர்ப்பங்களில் வெளிவந்தாலும், இம்ரான்கான் சிறையில் அடைக்கப்பட்டதற்கு தனக்கு எந்த தொடர்பும் இல்லை என அசிம் முனீர் மறுத்துள்ளார்.
சிறையில் இருந்தபடியே அரசாங்கத்தையும், இராணுவத் தலைவரையும் இம்ரான் தொடர்ந்து குறிவைத்தார். வாரந்தோறும் அறிக்கைகள் மூலம் அவர் அடிக்கடி இராணுவம், அரசாங்கத்தின் தவறான ஆட்சியை விமர்சித்து வருகிறார். ஆனால் அங்கு மாறியுள்ள சூழ்நிலைகள் இம்ரானின் போராட்டங்களை கடினமாக்கியுள்ளன. பாகிஸ்தானில் இராணுவத் தலைவருக்கு பாராளுமன்றம் அதிகாரம் அளித்துள்ளது.
ஆசிம் முனீர் இப்போது கடற்படை, இராணுவம், விமானப்படையின் அதிகாரப்பூர்வமான உச்ச பதவியை ஏற்கத் தயாராகி வருகிறார். அவர் உச்சபதவியை ஏற்றால், இம்ரான் கானால் அசீம் முனீரை தோற்கடிப்பது படு கஷ்டம்.
