எதிர்நீச்சல் தொடரில் ஆதி குணசேகரனின் திடீர் குணமாற்றம் சந்தேகத்தை ஏற்படுத்தியுள்ளது. மருத்துவமனையில் இருந்து மீளும் ஈஸ்வரி கதாபாத்திரத்தில் தேவயாணி நடிக்கலாம் என்ற செய்தி கதையில் ஒரு பெரிய திருப்புமுனையை உருவாக்கும் என எதிர்பார்க்கப்படுகிறது.
சின்னத்திரையில் பரபரப்பை கிளப்பி வரும் எதிர்நீச்சல் தற்போது கதையின் மிக முக்கிய கட்டத்தை எட்டியுள்ளது. இதுவரை கடும் வில்லனாக நகர்ந்த ஆதி குணசேகரன் கதாபாத்திரம் திடீரென மென்மையான வார்த்தைகளில் பேசத் தொடங்கியிருப்பது ரசிகர்களுக்கு சந்தேகத்தை ஏற்படுத்தியுள்ளது. “இவ்வளவு நல்லவரா இவர்?” என்ற கேள்வி சமூக வலைதளங்களில் டிரெண்டாகிறது.
25
மருத்துவமனை படுக்கையிலிருந்து மாஸ் ரீஎன்ட்ரி?
குணசேகரனால் தாக்கப்பட்டு மருத்துவமனையில் உயிர்ப்போராட்டம் நடத்திய ஈஸ்வரி, நீண்ட மௌனத்திற்குப் பிறகு கண் விழிக்கிறார் என்ற தகவல் பரவியுள்ளது. அந்த ஒரு காட்சி தான் கதையின் திசையை முற்றிலும் மாற்றப்போகிறது என கூறப்படுகிறது. பல மாதங்களாக காத்திருந்த ரசிகர்களுக்கு இது ஒரு மாஸ் அப்டேட்.
35
கோலங்கள் நாயகியின் கம்பேக் சத்தம்!
ஈஸ்வரி கதாபாத்திரத்தில் மாற்றம் ஏற்படலாம் என்ற பேச்சு பரவியுள்ள நிலையில், சின்னத்திரை உலகையே ஆச்சரியப்படுத்தும் ஒரு பெயர் வெளிவந்துள்ளது. குடும்ப ரசிகர்களின் இதயத்தில் இடம்பிடித்த கோலங்கள் தொடரின் நாயகி தேவயாணி இந்த கதாபாத்திரத்தில் களமிறங்குவாராம் என தகவல். இது உண்மையானால், அது சாதாரண கம்பேக் அல்ல – முழுக்க முழுக்க ரீபர்த்!
தேவயாணி திரையில் வந்தால், ஈஸ்வரி இனி அமைதியாக கண்ணீர் சிந்தும் பெண் அல்ல. தன்னை அழிக்க முயன்றவரையே நேரில் நின்று கேள்வி கேட்கும் தீக்கதிராக மாறுவார் என எதிர்பார்க்கப்படுகிறது. ஆதி குணசேகரனின் ஒவ்வொரு சூழ்ச்சிக்கும் பதிலடி கொடுக்கும் காட்சிகள் வரப்போகிறதா என்ற எதிர்பார்ப்பு உச்சத்தில் உள்ளது.
55
கிளைமாக்ஸுக்கு செல்லும் குடும்பப் போர்
இத்தனை நாள் வீட்டு சண்டையாக இருந்த விஷயம், இனி கொள்கை மோதலாக மாறும் சூழல் உருவாகியுள்ளது. பெண்களின் தன்னம்பிக்கையும் எதிர்ப்பும் மையமாக கொண்ட இந்தக் கதையில், ஈஸ்வரியின் திரும்பிவருதல் ஒரு திருப்புமுனையாக அமையும்.அதிகாரப்பூர்வ அறிவிப்பு வெளியாகவில்லை என்றாலும், இந்த தகவல் மட்டும் ரசிகர்களின் உற்சாகத்தை பல மடங்கு உயர்த்தியுள்ளது. கோலங்கள் நாயகி உண்மையிலேயே களமிறங்குவாரா? குணசேகரனுக்கு இனி ஆப்பு கட்டாயமா? அடுத்த எபிசோடுகள் தான் பதில் சொல்லும்!
