மார்ச் மாதம் வருது சரவெடி.. சியோமி 17 சீரிஸ் இந்திய விலை இதுதானா? ரசிகர்கள் ஆர்வம்!

Xiaomi சியோமி 17 மற்றும் 17 அல்ட்ரா ஐரோப்பிய விலை விவரங்கள் லீக். 7000mAh பேட்டரி, ஸ்னாப்டிராகன் 8 ஜென் 5 சிப்செட் உடன் மார்ச் மாதம் இந்தியாவில் அறிமுகம்? முழு விவரம்.

Xiaomi

உலகம் முழுவதும் பெரிதும் எதிர்பார்க்கப்படும் சியோமியின் அடுத்த பிளாக்ஷிப் ஸ்மார்ட்போன்களான சியோமி 17 (Xiaomi 17) மற்றும் சியோமி 17 அல்ட்ரா (Xiaomi 17 Ultra) ஆகியவற்றின் ஐரோப்பிய விலை விவரங்கள் இணையத்தில் கசிந்துள்ளன. பார்சிலோனாவில் நடைபெறவுள்ள MWC 2026 கண்காட்சியில் இந்த போன்கள் அறிமுகம் செய்யப்படும் என எதிர்பார்க்கப்படும் நிலையில், இந்தத் தகவல் தொழில்நுட்ப உலகில் பரபரப்பை ஏற்படுத்தியுள்ளது.

ஐரோப்பிய விலை விவரங்கள்

வெளியான தகவல்களின்படி, சியோமி 17 ஸ்மார்ட்போனின் 12GB ரேம் மற்றும் 512GB ஸ்டோரேஜ் மாடல் ஐரோப்பாவில் சுமார் 999 யூரோக்களுக்கு (இந்திய மதிப்பில் சுமார் ரூ.91,000) விற்கப்படலாம். அதேபோல், பிரீமியம் மாடலான சியோமி 17 அல்ட்ரா, 16GB ரேம் மற்றும் 512GB ஸ்டோரேஜ் உடன் சுமார் 1,499 யூரோக்களுக்கு (இந்திய மதிப்பில் சுமார் ரூ.1,36,500) அறிமுகமாக வாய்ப்புள்ளது.

இந்திய விலை எதிர்பார்ப்பு

ஐரோப்பிய விலையை விட இந்திய விலை பொதுவாகக் குறைவாகவே இருக்கும். அதன்படி பார்த்தால், சியோமி 17 இந்தியாவில் ரூ.79,999 முதல் ரூ.89,999 வரையிலும், சியோமி 17 அல்ட்ரா ரூ.1,19,999 முதல் ரூ.1,29,999 வரையிலும் நிர்ணயிக்கப்படலாம் எனத் தெரிகிறது. ஆனால், இது குறித்த அதிகாரப்பூர்வ அறிவிப்பு இன்னும் வெளியாகவில்லை.

மிரட்டலான சிறப்பம்சங்கள்

இரண்டு போன்களுமே ஆண்ட்ராய்டு 16 அடிப்படையிலான HyperOS 3 இயங்குதளத்தில் செயல்படும். இதில் சக்திவாய்ந்த ஸ்னாப்டிராகன் 8 எலைட் ஜென் 5 (Snapdragon 8 Elite Gen 5) சிப்செட் இடம்பெறும் என எதிர்பார்க்கப்படுகிறது.

• சியோமி 17 அல்ட்ரா: 6.9-இன்ச் 1.5K LTPO AMOLED டிஸ்ப்ளே, 6,800mAh பேட்டரி, 90W வயர்டு சார்ஜிங் மற்றும் 50W வயர்லெஸ் சார்ஜிங் வசதி கொண்டது.

• சியோமி 17: 6.3-இன்ச் 1.5K OLED டிஸ்ப்ளே, 7,000mAh பிரம்மாண்ட பேட்டரி, மற்றும் 100W அதிவேக சார்ஜிங் வசதியுடன் வரும்.

கேமரா மற்றும் அறிமுகம்

புகைப்பட ஆர்வலர்களுக்காக, இரண்டு மாடல்களிலுமே லைக்கா (Leica) டியூன் செய்யப்பட்ட டிரிபிள் ரியர் கேமராக்கள் மற்றும் 50MP முன்பக்க கேமரா இடம்பெறும். இந்த ஸ்மார்ட்போன்கள் பிப்ரவரி இறுதியில் அல்லது மார்ச் 2026-ல் உலகளவில் அறிமுகம் செய்யப்படலாம். இந்தியாவிலும் இதே காலகட்டத்தில் அறிமுகமாகும் என எதிர்பார்க்கப்படுகிறது.