புது போன் வாங்க அவசரப்படாதீங்க! டிசம்பர் மாசம் வரிசைகட்டி வரும் 'அந்த' 5 அசுர போன்!

December டிசம்பர் மாதம் வெளியாகவுள்ள புதிய ஸ்மார்ட்போன்கள் எவை? 8000mAh பேட்டரியுடன் வரும் OnePlus 15R, 200MP கேமரா கொண்ட Vivo X300 மற்றும் பட்ஜெட் விலையில் Redmi 15C. முழு விவரம் இதோ.

December டிசம்பரில் களம் இறங்கும் Vivo, OnePlus, Redmi அசுரர்கள்!

2025-ம் ஆண்டு முடிவுக்கு வரப்போகிறது. ஆனால் டெக் உலகில் கொண்டாட்டம் இப்போதே ஆரம்பித்துவிட்டது. இந்த டிசம்பர் மாதம் ஸ்மார்ட்போன் பிரியர்களுக்கு ஒரு மிகப்பெரிய விருந்தாக அமையப்போகிறது. விவோவின் 200MP கேமரா முதல், ஒன்பிளஸ்ஸின் 8000mAh பேட்டரி வரை பல மிரட்டலான போன்கள் அறிமுகமாகவுள்ளன. எதை வாங்குவது? எப்போது வருது? முழு லிஸ்ட் இதோ!

Vivo X300 Series: கேமரா பிரியர்களுக்கு விருந்து

நாளைய தினமே (டிசம்பர் 2) விவோ தனது பிரம்மாண்டமான Vivo X300 மற்றும் X300 Pro மாடல்களை அறிமுகம் செய்கிறது.

• சிறப்பம்சம்: 200MP கேமரா மற்றும் Dimensity 9500 சிப்செட்.

• விலை: ஆரம்ப மாடல் ரூ.54,999 முதல் தொடங்கும் எனவும், ப்ரோ மாடல் ரூ.1 லட்சம் வரை இருக்கும் எனவும் எதிர்பார்க்கப்படுகிறது.

OnePlus 15R: உலகின் முதல் சாதனை

டிசம்பர் 17-ம் தேதி ஒன்பிளஸ் ஒரு புரட்சியைச் செய்யப்போகிறது. Snapdragon 8 Gen 5 சிப்செட் உடன் வெளியாகும் உலகின் முதல் போன் இதுவாகத்தான் இருக்கும்.

• மெகா பேட்டரி: இதுவரை இல்லாத அளவில் 8,000mAh பேட்டரி மற்றும் 100W ஃபாஸ்ட் சார்ஜிங் இதில் உள்ளது. இது சீனாவில் வெளியான Ace 6T மாடலின் மறுபதிப்பாக இருக்கும்.

Redmi 15C 5G: பட்ஜெட் ராஜா

குறைந்த விலையில் நிறைவான அம்சங்களை எதிர்பார்க்கும் சாமானியர்களுக்காகவே வருகிறது ரெட்மி 15C 5G. இது டிசம்பர் 3-ம் தேதி அறிமுகமாகிறது.

• சிறப்பம்சம்: 6.9 இன்ச் பெரிய டிஸ்ப்ளே, 120Hz ரெஃப்ரெஷ் ரேட் மற்றும் 6000mAh பேட்டரி.

• விலை: சுமார் ரூ.12,000 பட்ஜெட்டில் இது வெளியாகும்.

Realme P4x Series: பேட்டரி மான்ஸ்டர்

ரியல்மி நிறுவனம் டிசம்பர் 4-ம் தேதி மதியம் 12 மணிக்கு Realme P4x 5G போனை அறிமுகம் செய்கிறது.

• சிறப்பம்சம்: இதில் வழங்கப்பட்டுள்ள 7,000mAh பேட்டரி தான் இதன் ஹைலைட். சார்ஜ் தீர்ந்துவிடுமோ என்ற கவலையே இனி இருக்காது.

Oppo A6x: மலிவு விலை நாயகன்

ஒப்போ நிறுவனமும் இந்த ரேஸில் சளைத்தது அல்ல. டிசம்பர் மாதத்தில் Oppo A6x வெளியாகும் என எதிர்பார்க்கப்படுகிறது. 6,500mAh பேட்டரி கொண்ட இந்த போனின் விலை ரூ.13,000-க்குள் இருக்கும்.

மொத்தத்தில், இந்த டிசம்பர் மாதம் பட்ஜெட் போன் முதல் ஃப்ளாக்ஷிப் போன் வரை அனைவருக்குமான ஆப்ஷன்கள் கொட்டிக் கிடக்கின்றன.