பட்ஜெட்டுக்குள் ஒரு மேனேஜர் வேண்டுமா? சிறு வணிகர்களுக்கான டாப் 10 மலிவு விலை AI கருவிகள்

AI Tools சிறு தொழில்களுக்கு ஏற்ற 10 மலிவு விலை AI டூல்ஸ் பற்றி தெரிந்துகொள்ளுங்கள். 2026-ல் உங்கள் வேலைப்பளுவைக் குறைத்து, வியாபாரத்தைப் பெருக்க இவை உதவும்.

AI Tools சிறு வணிகர்களுக்கு ஏன் AI அவசியம்?

ஒரு சிறு தொழிலை நடத்துவது என்பது சாதாரண விஷயமல்ல. வாடிக்கையாளர்களைக் கையாள்வது, பொருட்களை விளம்பரப்படுத்துவது, பண வரவு-செலவு கணக்குகளைப் பார்ப்பது என அனைத்தும் ஒருவரே செய்ய வேண்டியிருக்கும். இதனால் ஒரு நாளுக்கு 8 முதல் 10 மணி நேரம் உழைக்க வேண்டிய சூழல் உள்ளது. இந்த சுமையைக் குறைக்கவே இப்போது பலரும் 'செயற்கை நுண்ணறிவு' எனப்படும் AI கருவிகளை நாடி வருகின்றனர். தொழில்நுட்ப அறிவு இல்லாமலேயே பயன்படுத்தக்கூடிய, குறைந்த விலையில் கிடைக்கும் டாப் 10 AI கருவிகள் பற்றி இங்கே காண்போம்.

1. சாட் ஜிபிடி பிசினஸ் (ChatGPT Business)

எழுத்துத் தொடர்பான வேலைகளுக்கு இது ஒரு வரப்பிரசாதம். மின்னஞ்சல் அனுப்புவது, வாடிக்கையாளர்களுக்குப் பதிலளிப்பது, சமூக வலைத்தளங்களுக்கான பதிவுகளை எழுதுவது என அனைத்தையும் இது செய்துவிடும். மாதம் 30 டாலர் (தோராயமாக ரூ.2500) செலவில், ஒரு தனி ரைட்டரை வேலைக்கு அமர்த்தும் செலவை மிச்சப்படுத்தலாம்.

2. கான்வா ஏஐ (Canva AI)

டிசைனிங் தெரியாதவர்களுக்கும் உதவும் கருவி இது. மாதம் 12.99 டாலர் செலவில், போஸ்டர்கள், பேனர்கள் மற்றும் சமூக வலைத்தள விளம்பரங்களை நீங்களே உருவாக்கிக்கொள்ளலாம். இதில் உள்ள ரெடிமேட் டெம்ப்ளேட்கள் மூலம் தொழில்முறை டிசைனர்கள் இல்லாமலேயே உங்கள் பிராண்டை அழகாகக் காட்ட முடியும்.

3. பிக்டோரி ஏஐ (Pictory AI)

இன்றைய காலத்தில் எழுத்துக்களை விட வீடியோக்களுக்கே மவுசு அதிகம். நீங்கள் எழுதிய விஷயங்களை அப்படியே சிறிய வீடியோக்களாக மாற்ற இந்த கருவி உதவுகிறது. மாதம் 19 டாலர் செலவில், உங்கள் சமூக வலைத்தளப் பக்கங்களை வீடியோக்கள் மூலம் சுறுசுறுப்பாக வைத்திருக்க இது உதவும்.

4. சர்ஃபர் ஏஐ (Surfer AI)

உங்கள் இணையதளம் கூகுள் தேடலில் முன்னணியில் வர வேண்டுமா? அதற்கு இந்த கருவி உதவும். எந்த மாதிரியான வார்த்தைகளைப் பயன்படுத்தினால் மக்கள் உங்களைத் தேடிக் கண்டுபிடிப்பார்கள் என்று இது சொல்லிக்கொடுக்கும். இதன் விலை மாதம் 99 டாலர் என்றாலும், நீண்ட கால வளர்ச்சிக்கு இது மிக முக்கியம்.

5. ஃப்ரெஷ்டெஸ்க் ஏஐ (Freshdesk AI)

வாடிக்கையாளர்கள் அனுப்பும் புகார்கள் மற்றும் கேள்விகளைச் சமாளிக்க இது சிறந்தது. ஒரே நேரத்தில் பல வாடிக்கையாளர்களுக்குப் பதில் அளிக்கவும், மின்னஞ்சல்களை ஒழுங்குபடுத்தவும் இது உதவும். ஒரு பயனருக்கு மாதம் 15 டாலர் முதல் இதன் சேவை கிடைக்கிறது.

6. டிடியோ ஏஐ (Tidio AI)

உங்கள் இணையதளத்திற்கு வரும் வாடிக்கையாளர்களிடம் பேச ஒரு ஆள் தேவையா? டிடியோ ஏஐ ஒரு சாட்பாட் (Chatbot) போலச் செயல்படும். விலை, டெலிவரி நேரம் போன்ற பொதுவான கேள்விகளுக்கு இதுவே பதில் அளித்துவிடும். மாதம் 24 டாலர் செலவில் மீண்டும் மீண்டும் செய்யும் வேலைகளை இது குறைக்கிறது.

7. இன்டர்காம் ஏஐ (Intercom AI)

வாடிக்கையாளர்களுடன் நேரலையில் (Real-time) உரையாட இது உதவுகிறது. வாடிக்கையாளர் ஒரு கேள்வியைக் கேட்டவுடனேயே உடனடி பதில் கிடைத்தால், அவர்கள் உங்கள் சேவையை நம்பி வாங்குவார்கள். மாதம் 29 டாலர் செலவில் வாடிக்கையாளர் நம்பிக்கையை இது அதிகரிக்கிறது.

8. ஜோஹோ சிஆர்எம் (Zoho CRM)

விற்பனைத் தரவுகளை அலசி ஆராயவும், வாடிக்கையாளர்களின் விருப்பத்தைப் புரிந்து கொள்ளவும் ஜோஹோ உதவுகிறது. தானாகவே ரிப்போர்ட்டுகளை தயார் செய்து தருவதால், உங்கள் வியாபாரம் எப்படிப் போய்க்கொண்டிருக்கிறது என்பதை எளிதாகத் தெரிந்து கொள்ளலாம். இதன் விலை மாதம் 20 டாலர் முதல் தொடங்குகிறது.

9. நோஷன் ஏஐ (Notion AI)

வேலைகளைத் திட்டமிடவும், குறிப்புகளை எடுத்து வைக்கவும் இது சிறந்தது. உங்கள் குழுவினர் அனைவரும் ஒரே இடத்தில் வேலைகளின் நிலவரத்தைத் தெரிந்து கொள்ளவும், குறித்த நேரத்தில் வேலைகளை முடிக்கவும் இது உதவும். ஒரு நபருக்கு மாதம் 10 டாலர் மட்டுமே.

10. குவிக்புக்ஸ் ஏஐ (QuickBooks AI)

கணக்கு வழக்குகளைப் பார்க்க ஆடிட்டர் இல்லையா? கவலை வேண்டாம். பில்கள் போடுவது, செலவுகளைக் கண்காணிப்பது என அனைத்தையும் இதுவே பார்த்துக்கொள்ளும். கணக்கீடுகளில் பிழை வராமல் இருக்கவும், வாரந்தோறும் நேரத்தை மிச்சப்படுத்தவும் இது உதவும். மாதம் 30 முதல் 50 டாலர் வரை இதன் கட்டணம் உள்ளது.