Realme நிறுவனம் 15,000mAh பேட்டரி கொண்ட ஒரு ஸ்மார்ட்போனை ஆகஸ்ட் 27 அன்று அறிமுகம் செய்கிறது. இது 50 மணிநேரம் வீடியோ பிளேபேக் மற்றும் 5 நாட்களுக்கு மேல் பேட்டரி ஆயுளை வழங்குகிறது.
ஸ்மார்ட்போன் உலகில், பேட்டரி சார்ஜ் எவ்வளவு நேரம் நிற்கும் என்பது எப்போதும் ஒரு பெரிய கேள்வியாகவே இருக்கிறது. தினமும் அல்லது ஒருநாள் விட்டு ஒருநாள் போனை சார்ஜ் செய்ய வேண்டிய நிலை உள்ளது. ஆனால், இந்த பிரச்சனைக்கு ஒரு முடிவுகட்ட, Realme நிறுவனம் ஒரு அதிரடி முடிவை எடுத்துள்ளது. வருகிற ஆகஸ்ட் 27-ஆம் தேதி, 15,000mAh பேட்டரி கொண்ட புதிய கான்செப்ட் ஸ்மார்ட்போனை உலக அளவில் அறிமுகம் செய்ய இருக்கிறது.
25
பெரிய பேட்டரி, ஆனால் மெல்லிய வடிவமைப்பு!
15,000mAh பேட்டரி என்றால் போன் மிகவும் கனமானதாகவும், தடிமனாகவும் இருக்கும் என்று நீங்கள் நினைக்கலாம். ஆனால், Realme நிறுவனம் வெளியிட்டுள்ள டீஸர் போஸ்டர்களில், இந்த போன் வழக்கமான ஸ்மார்ட்போன் போலவே மெல்லியதாகத் தெரிகிறது. இந்த சாதனையின் பின்னணியில் இருப்பது, Realme நிறுவனம் இந்த ஆண்டு தொடக்கத்தில் அறிமுகப்படுத்திய சிலிக்கான்-அனோட் தொழில்நுட்பம்தான். இந்த தொழில்நுட்பம், பேட்டரி திறனை அதிகரித்தாலும், போனின் எடையையும், தடிமனையும் கட்டுக்குள் வைத்திருக்க உதவுகிறது.
35
50 மணிநேரம் வீடியோ, 5 நாட்கள் சார்ஜ்!
இந்த புதிய ஸ்மார்ட்போன், ஒரே சார்ஜில் 50 மணிநேரம் வரை வீடியோக்களை பார்க்க முடியும் என Realme உறுதிப்படுத்தியுள்ளது. மேலும், சாதாரண பயன்பாட்டில், போன் ஐந்து நாட்களுக்கு மேல் சார்ஜ் இல்லாமல் தாக்குப்பிடிக்கும் என்றும் நிறுவனம் கூறுகிறது. இது ஒரு கேம்-சேஞ்சர் என்பதில் சந்தேகமில்லை. இதுபோன்ற ஒரு பேட்டரி திறன், குறிப்பாக அதிகம் பயணம் செய்வோருக்கு அல்லது அடிக்கடி சார்ஜிங் வசதி இல்லாத இடங்களில் இருப்பவர்களுக்கு மிகவும் பயனுள்ளதாக இருக்கும்.
Realme இந்த 15,000mAh பேட்டரி கொண்ட போனை, உடனடியாக விற்பனைக்கு கொண்டுவருமா என்பது உறுதியாகத் தெரியவில்லை. இது ஒரு கான்செப்ட் மாடலாகவே இருக்கலாம் என்று கூறப்படுகிறது. இருப்பினும், இந்த புதிய தொழில்நுட்பம் எதிர்கால ஸ்மார்ட்போன்களில் இடம்பெறுவதற்கு ஒரு முன்னோடியாக அமையும் என்பதில் மாற்றுக் கருத்து இல்லை.
55
பேட்டரி தொழில்நுட்பத்தில் Realme
சில ஆண்டுகளுக்கு முன், 10,000mAh பேட்டரி கொண்ட ஒரு கான்செப்ட் போனை Realme காட்சிப்படுத்தியது. இப்போது, அதைவிடவும் பெரிய பேட்டரியை அறிமுகம் செய்வதன் மூலம், பேட்டரி தொழில்நுட்பத்தில் Realme முன்னணியில் உள்ளது என்பதை மீண்டும் நிரூபித்துள்ளது.
