POCO உலகளாவிய வெளியீட்டிற்கு முன் இணையத்தில் கசிந்த போக்கோ X8 ப்ரோ மற்றும் ப்ரோ மேக்ஸ் ஸ்மார்ட்போன்களின் வடிவமைப்பு மற்றும் கேமரா அம்சங்களை இங்கே அறியலாம்.
ஸ்மார்ட்போன் பிரியர்கள் மத்தியில் பெரும் எதிர்பார்ப்பை ஏற்படுத்தியுள்ள போக்கோ (POCO) நிறுவனத்தின் அடுத்த படைப்பான போக்கோ X8 ப்ரோ (POCO X8 Pro) மற்றும் போக்கோ X8 ப்ரோ மேக்ஸ் (POCO X8 Pro Max) மாடல்களின் வெளியீடு விரைவில் நடைபெறவுள்ளது. கடந்த ஆண்டு வெளியான X7 சீரிஸின் அப்டேட்டாக வரவுள்ள இந்த புதிய மாடல்களின் அதிகாரப்பூர்வ அறிவிப்புகள் இன்னும் வெளியாகவில்லை என்றாலும், இதன் வடிவமைப்பு மற்றும் வண்ணங்கள் குறித்த பிரத்யேக 'ரெண்டர்கள்' (Renders) தற்போது இணையத்தில் கசிந்து வைரலாகி வருகின்றன.
24
ஐபோனை நினைவூட்டும் அசத்தலான வடிவமைப்பு
கசிந்துள்ள தகவல்களின்படி, போக்கோ X8 ப்ரோ மாடல் தட்டையான பின்புறம் மற்றும் சற்று வளைந்த விளிம்புகளுடன் கைகளில் பிடிப்பதற்கு மிகவும் சௌகரியமாக வடிவமைக்கப்பட்டுள்ளது. இதன் பின்புறம் இடதுபுற மூலையில் இரண்டு பெரிய லென்ஸ் வளையங்களுடன் கூடிய செங்குத்தான மாத்திரை வடிவ கேமரா அமைப்பு இடம்பெற்றுள்ளது. இது சமீபத்திய ஐபோன் மாடல்களின் வடிவமைப்பை சற்று நினைவூட்டும் வகையில் அமைந்துள்ளது. போக்கோவின் லோகோ பின்புறத்தில் பெரிய எழுத்துக்களில் பொறிக்கப்பட்டுள்ளதுடன், பவர் பட்டன் போக்கோவிற்கே உரித்தான ஆரஞ்சு நிறத்தில் வசீகரிக்கிறது.
34
ப்ரோ மேக்ஸ் மாடலில் என்ன ஸ்பெஷல்
போக்கோ X8 ப்ரோ மேக்ஸ் மாடலும் தோற்றத்தில் கிட்டத்தட்ட X8 ப்ரோ மாடலை ஒத்த வடிவமைப்பையே கொண்டுள்ளது. கேமரா அமைப்பு, பட்டன்கள் ஆகியவை அதே இடங்களில்தான் அமைந்துள்ளன. ஆனால், ஒரு முக்கிய மாற்றமாக ப்ரோ மேக்ஸ் மாடலில் கேமரா லென்ஸ் வளையங்கள் சற்று பெரிதாக காணப்படுகின்றன. இதன் மூலம், முந்தைய மாடல்களை விட ப்ரோ மேக்ஸ் மாடலில் அதிநவீன கேமரா சென்சார்கள் மற்றும் மேம்படுத்தப்பட்ட கேமரா தொழில்நுட்பங்கள் (Camera Upgrades) இடம்பெறும் என்பது உறுதியாகிறது.
இந்த இரண்டு அசத்தலான ஸ்மார்ட்போன்களும் கருப்பு, வெள்ளை மற்றும் டர்காய்ஸ் (Turquoise) ஆகிய மூன்று கண்கவர் வண்ணங்களில் வெளியாகும் என எதிர்பார்க்கப்படுகிறது. போக்கோ நிறுவனம் இன்னும் அதிகாரப்பூர்வ வெளியீட்டு தேதியை அறிவிக்கவில்லை என்றாலும், இந்த விரிவான ரெண்டர்கள் கசிந்துள்ளதை வைத்துப் பார்க்கும்போது, உலகளாவிய வெளியீடு வெகு தொலைவில் இல்லை என்பதை உணர முடிகிறது. பட்ஜெட் மற்றும் நடுத்தர விலை பிரிவில் (Mid-range) புதிய டிசைன் மற்றும் சிறந்த கேமராவுடன் களமிறங்கும் போக்கோவின் இந்த மாடல்கள் சந்தையில் பெரும் தாக்கத்தை ஏற்படுத்தும் என எதிர்பார்க்கப்படுகிறது.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
