Premium போன்... பட்ஜெட் விலை! ₹8,000 அதிரடி தள்ளுபடியில் Google Pixel 10a வாங்குவதற்கான சீக்ரெட்!

Google Pixel 10a கூகுள் பிக்சல் 10a ஸ்மார்ட்போன் இந்தியாவில் விற்பனைக்கு வந்துள்ளது. ரூ.8000 வரையிலான சிறப்புத் தள்ளுபடி ஆஃபர்கள் மற்றும் முழு சிறப்பம்சங்களை இங்கே அறியலாம்.

Google Pixel 10a

கூகுள் நிறுவனத்தின் அதிகம் எதிர்பார்க்கப்பட்ட 'பிக்சல் 10a' (Google Pixel 10a) ஸ்மார்ட்போன் இந்தியச் சந்தையில் அதிகாரப்பூர்வமாக விற்பனைக்கு வந்துவிட்டது. கடந்த பிப்ரவரி 18-ஆம் தேதி உலகளவிலும் இந்தியாவிலும் அறிமுகம் செய்யப்பட்ட இந்த மிட்-ரேஞ்ச் (Mid-range) ஸ்மார்ட்போன், மார்ச் 6 முதல் விற்பனைக்குக் கிடைக்கிறது. சிறப்பான கேமரா மற்றும் ஏஐ (AI) அம்சங்களை உள்ளடக்கிய இந்த ஸ்மார்ட்போனை ஃப்ளிப்கார்ட் (Flipkart) மற்றும் கூகுளின் அதிகாரப்பூர்வ ஆன்லைன் ஸ்டோர்களில் வாங்கலாம்.

விலை மற்றும் அதிரடி ஆஃபர்கள்

கூகுள் பிக்சல் 10a (8GB RAM மற்றும் 256GB மெமரி) மாடலின் அசல் விலை ரூ.49,999 என நிர்ணயம் செய்யப்பட்டுள்ளது. ஆனால், நீங்கள் முழுத் தொகையையும் செலுத்தத் தேவையில்லை. அறிமுகச் சலுகையாக வாடிக்கையாளர்களுக்கு ரூ.8,000 வரை தள்ளுபடி வழங்கப்படுகிறது.

குறிப்பிட்ட வங்கிகளின் கார்டுகளைப் பயன்படுத்தினால் ரூ.3,000 உடனடி தள்ளுபடியும், கூப்பன்கள் மூலம் ரூ.2,000 வரையிலும் தள்ளுபடி பெறலாம். மேலும், உங்கள் பழைய ஸ்மார்ட்போனை எக்ஸ்சேஞ்ச் (Exchange) செய்வதன் மூலம் ரூ.3,000 வரை கூடுதல் போனஸ் கிடைக்கும். இந்த அனைத்து சலுகைகளையும் நீங்கள் பயன்படுத்தினால், பிக்சல் 10a மொபைலை வெறும் ரூ.41,999-க்கு சொந்தமாக்கிக் கொள்ளலாம். இது லாவெண்டர் (Lavender), பெர்ரி (Berry), பாக் (Fog) மற்றும் அப்சிடியன் (Obsidian) ஆகிய நான்கு கண்கவர் நிறங்களில் கிடைக்கிறது.

பிரீமியம் டிஸ்பிளே மற்றும் அதிவேக பிராசஸர்

பிக்சல் 10a-வில் 6.3 இன்ச் அளவிலான Actua pOLED டிஸ்பிளே கொடுக்கப்பட்டுள்ளது. இது 120Hz ரெஃப்ரெஷ் ரேட் (Refresh rate) கொண்டிருப்பதால் ஸ்க்ரோலிங் மற்றும் கேமிங் அனுபவம் மிகச் சிறப்பாக இருக்கும். இதிலிருக்கும் 3,000 நிட்ஸ் (Nits) பீக் பிரைட்னஸ் காரணமாக, கொளுத்தும் வெயிலிலும் ஸ்கிரீன் தெளிவாகத் தெரியும். மேலும், பாதுகாப்பிற்காக கார்னிங் கொரில்லா கிளாஸ் 7i (Gorilla Glass 7i) வழங்கப்பட்டுள்ளது.

செயல்திறனைப் பொறுத்தவரை, இதில் கூகுளின் புதிய 'Tensor G4' சிப்செட் பயன்படுத்தப்பட்டுள்ளது. அத்துடன் பாதுகாப்பை உறுதி செய்ய Titan M2 சிப்பும் இடம்பெற்றுள்ளது. ஆண்ட்ராய்டு 16 இயங்குதளத்துடன் வரும் இந்த போனுக்கு, அடுத்த 7 ஆண்டுகளுக்கு OS மற்றும் செக்யூரிட்டி அப்டேட்களை கூகுள் வழங்குவது இதன் மிகப்பெரிய பிளஸ் பாயிண்ட் ஆகும்.

மிரட்டும் கேமரா

பிக்சல் போன்கள் என்றாலே கேமராவுக்குத் தனி மவுசு தான். அந்த வகையில் பிக்சல் 10a-வின் பின்பக்க அமைப்பில் 48MP OIS முதன்மை கேமராவும், 13MP அல்ட்ரா-வைடு கேமராவும் இடம்பெற்றுள்ளன. செல்ஃபிக்களுக்காக 13MP முன்பக்க கேமரா உள்ளது.

பேட்டரி வசதி

நாள் முழுவதும் தடையின்றி இயங்க இதில் 5,100mAh பேட்டரி கொடுக்கப்பட்டுள்ளது. இது 30W வயர்டு ஃபாஸ்ட் சார்ஜிங் மற்றும் 10W வயர்லெஸ் சார்ஜிங் வசதியை ஆதரிக்கிறது. 5G, Wi-Fi 6E, Bluetooth 6 மற்றும் NFC போன்ற அனைத்து லேட்டஸ்ட் கனெக்டிவிட்டி வசதிகளும் இதில் அடக்கம். இந்த பட்ஜெட்டில் ஒரு தலைசிறந்த ஆண்ட்ராய்டு போனை தேடுபவர்களுக்கு பிக்சல் 10a ஒரு 'பெர்ஃபெக்ட் சாய்ஸ்'!