ரூ.1000-க்குள் காதலியை இம்பிரஸ் செய்யலாம்! இந்த 5 பரிசுகளை நோட் பண்ணுங்க

வாலண்டைன்ஸ் டே நாளில் உங்கள் காதலிக்கு பரிசு வாங்க அதிக செலவு செய்ய வேண்டிய அவசியமில்லை. காதலர் தினத்திற்கு அதிக செலவு செய்யாமல், ரூ.1,000-க்குள் உங்கள் காதலிக்கு பயனுள்ள மற்றும் ஸ்டைலான டெக் பரிசுகளை (Gift Ideas) வாங்கலாம்.

ரூ.1000-க்குள் கிடைக்கும் காதலர் தின பரிசுகள்

காதலர் தினம் என்று அழைக்கப்படும் வாலண்டைன்ஸ் டே நாளில் காதலிக்கு பரிசு வாங்க வேண்டும் என்றால், அதிக செலவு செய்யவேண்டும் என்ற அவசியம் இல்லை. ரூ.1,000-க்கு குறைவான விலையில் கிடைக்கும் சில டெக் கேட்ஜெட்களே தினசரி வாழ்க்கையில் பயன்படும் வகையிலும், நினைவாக இருக்கும் வகையிலும் இருக்கும். குறைந்த பட்ஜெட் பயனுள்ள, ஸ்டைலான பரிசு தேடுபவர்களுக்கு இந்த கேட்ஜெட்கள் நல்ல தேர்வாக அமையும்.

வாலண்டைன்ஸ் டே ஐடியாஸ்

முதலில் கவனம் ஈர்க்கும் ஒரு பரிசு மினி ப்ளூடூத் ஸ்பீக்கர். இசையை விரும்பும் பெண்களுக்கு இது சிறந்த சர்ப்ரைஸ். சிறிய அளவிலேயே நல்ல சவுண்ட், வயர்லெஸ் கனெக்ஷன், சில மாடல்களில் ஆர்ஜிபி லைட்ஸ் மற்றும் வாட்டர் ரெசிஸ்டென்ஸ் போன்ற அம்சங்களும் இருக்கும். வீட்டில், வெளியே செல்லும் போது அல்லது நண்பர்களுடன் நேரம் செலவிடும் போது இது உபயோகமாகஇருக்கும்.

குறைந்த விலை பரிசுகள்

அடுத்ததாக, தினசரி பயன்பாட்டுக்கு மிகவும் உதவும் பவர் பேங்க். இன்று ஸ்மார்ட்போன் பேட்டரி சீக்கிரம் காலியாகிவிடுவது சாதாரணம். ரூ.1,000-க்குள் 10,000mAh வரை திறன் கொண்ட பவர் பேங்க்கள் கிடைக்கின்றன. கல்லூரி, பயணம், வெளியே சுற்றும் நேரங்களில் இது மிகவும் பயனுள்ளதாக இருக்கும். சின்ன அளவாக இருப்பதால் பேக்கிலும் எளிதாக வைத்துக் கொள்ளலாம்.

காதலிக்கு டெக் பரிசுகள்

ஸ்டைலிஷ் இயர்போன்ஸ் இன்னொரு நல்ல பரிசு. கால் பேசவும், இசை கேட்கவும் தினமும் பயன்படுத்தக்கூடிய கேட்ஜெட் இது. வயர்டு மற்றும் வயர்லெஸ் இரண்டுமே குறைந்த விலையில் கிடைக்கின்றன. நல்ல பேஸ், கிளியர் சவுண்ட், அழகான டிசைன் ஆகியவற்றை தேர்வு செய்தால், பரிசு இன்னும் சிறப்பாக இருக்கும்.

வாலண்டைன்ஸ் டே பரிசுகள்

இறுதியாக, சோஷியல் மீடியா, செல்ஃபி, ரீல்ஸ் விரும்புபவர்களுக்கு LED செல்ஃபி ரிங் லைட் அல்லது ஒரு பேசிக் ஸ்மார்ட்வாட்ச் சிறந்த தேர்வு. ரிங் லைட் புகைப்படம், வீடியோவுக்கு நல்ல ஒளியை தரும். மேலும், அடிப்படை ஸ்மார்ட்வாட்ச் ஸ்டெப் கவுண்ட், ஹார்ட் ரேட், நோட்டிபிகேஷன் போன்ற வசதிகளுடன் ஸ்டைலாகவும் இருக்கும். குறைந்த செலவில், நினைவில் நிற்கும் வாலண்டைன்ஸ் டே பரிசாக இவை நிச்சயம் மகிழ்ச்சியை தரும்.