சர்வதேச விண்வெளி நிலையத்தில் உள்ள விண்வெளி வீரன் டான் பெட்டிட், ‘ஃபிஷ்-ஐ லென்ஸ்’ கேமரா மூலம் பூமியின் அரோரா (Aurora) விண்வெளி ஒளியைப் படம்பிடித்துள்ளார்.
சர்வதேச விண்வெளி நிலையத்திலிருந்து பூமியைச் சுற்றியுள்ள பச்சை நிற விண்வெளி ஒளியை (Auroras) ‘ஃபிஷ்-ஐ லென்ஸ்’ (Fisheye Lens) புகைப்படக் கருவி மூலம் விண்வெளி வீரன் டான் பெட்டிட் (Don Pettit) வித்தியாசமான கோணத்தில் படம்பிடித்துப் பகிர்ந்துள்ளார். இந்த அரிய புகைப்படம் பூமி முழுவதையும் ஒரு பச்சை நிறக் கோள வடிவில் காட்டுவதோடு, விண்வெளி ஒளியின் அழகையும் முற்றிலும் புதிய பார்வையில் நமக்குக் கொண்டு சேர்க்கிறது.
24
ஃபிஷ்-ஐ லென்ஸ் உருவாக்கிய விசித்திரமான அழகு
தான் எடுத்த ஃபோட்டோ குறித்து விவரித்த டான் பெட்டிட், ஃபிஷ்-ஐ லென்ஸைப் பயன்படுத்தி இந்த அழகிய கோணத்தைப் படம்பிடித்ததாகக் குறிப்பிட்டுள்ளார். இயல்பான புகைப்படங்களை விடக் காட்சிப் பிம்பத்தை வளைத்துக் காட்டும் (Distortion) திறன் கொண்ட இந்த லென்ஸ், பூமியைப் பச்சை நிறத்தில் மிளிரும் ஒரு பந்து போலக் காட்சிப்படுத்துகிறது.
மேலும், புகைப்படத்தின் முன்பகுதியில் (Foreground) டான் பெட்டிட் மற்றும் அவரது எம்பி-26 (MS-26) குழுவினரை விண்வெளிக்குச் சுமந்து சென்ற 'சோயுஸ்' (Soyuz) விண்கலமும் தெளிவாகப் பதிவாகியுள்ளது. இது அந்தப் புகைப்படத்திற்கு கூடுதல் அழகையும் தனித்துவத்தையும் சேர்க்கிறது.
34
விண்வெளிப் புகைப்படக்கலையில் புதிய பரிணாமம்
விண்வெளியில் ஃபிஷ்-ஐ லென்ஸ்களைப் பயன்படுத்துவது குறித்துப் பேசிய பெட்டிட், விண்வெளிப் புகைப்படக்கலையில் இவ்வகை லென்ஸ்கள் அவ்வளவாகப் பிரபலமாகப் பயன்படுத்தப்படுவதில்லை என்றும், ஆனால் சரியான முறையில் பயன்படுத்தினால் இது போன்ற சுவாரசியமான மற்றும் பிரம்மாண்டமான முடிவுகளைப் பெற முடியும் என்றும் தெரிவித்துள்ளார்.
டான் பெட்டிட் பகிர்ந்த இந்தப் புகைப்படம் இணையத்தில் வெளியாகி, சமூக ஊடகப் பயனர்களிடையே பெரும் வியப்பை ஏற்படுத்தியுள்ளது. விண்வெளியில் இருந்து எடுக்கப்பட்ட இந்த அபாரமான காட்சியைக் கண்டு நெட்டிசன்கள் தங்களது கருத்துகளைப் பகிர்ந்து வருகின்றனர்.
ஒரு பயனர், இது மிகவும் பிரமாண்டமாக உள்ளது எனக் பதிவிட்டுள்ளார். மற்றொருவர், ஃபிஷ்-ஐ லென்ஸ் பூமியின் உண்மையான அளவை அழகாக வெளிப்படுத்துகிறது" என்று கூறியுள்ளார். "இந்த புகைப்படத்தில் ஏற்பட்டுள்ள வளைந்த பிம்பம் (Distortion) மிகவும் சிறப்பாகப் பொருந்தி வந்துள்ளது எனப் பலரும் பாராட்டி வருகின்றனர்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
