உங்கள் ஆண்ட்ராய்டு போனில் DSLR தரத்தில் புகைப்படங்கள் எடுக்க வேண்டுமா? Pro Mode பயன்படுத்துவது முதல் லைட்டிங்கை சரிசெய்வது வரை, அற்புதமான புகைப்படங்கள் எடுக்க 5 ஸ்மார்ட் டிப்ஸ்களை இங்கே அறியலாம்.
நமது வாழ்வில் ஸ்மார்ட்போன் கேமராக்கள் ஒரு முக்கிய அங்கமாகிவிட்டன. கடந்த சில வருடங்களாக, ஸ்மார்ட்போன் கேமராக்களின் தரம் வெகுவாக மேம்பட்டுள்ளது. ஆனால், ஒரு ஸ்மார்ட்போன் கேமராவை சிறப்பாகப் பயன்படுத்த வெறும் ஷட்டர் பட்டனை தட்டுவது மட்டும் போதாது. சில நுட்பமான உத்திகள், ஃபோன் கேமராவில் உள்ள ப்ரோ மோட், லைட்டிங்கை சரிசெய்வது, லென்ஸை சுத்தம் செய்வது மற்றும் சில மூன்றாம் தரப்பு செயலிகளைப் பயன்படுத்துவது போன்ற சில எளிய வழிமுறைகள் மூலம் உங்கள் புகைப்படங்களின் தரத்தை உடனடியாக உயர்த்த முடியும்.
26
1. 'ப்ரோ மோட்'-ஐ பயன்படுத்தி முழு கட்டுப்பாட்டைப் பெறுங்கள்
பெரும்பாலான ஸ்மார்ட்போன்களில் அதன் கேமரா செயலியில் 'ப்ரோ மோட்' (Pro Mode) அல்லது மேனுவல் மோட் (Manual Mode) என்ற அம்சம் உள்ளது. இந்த மோட்-ஐப் பயன்படுத்தி, ISO, வைட் பேலன்ஸ் அல்லது ஷட்டர் ஸ்பீடு போன்ற செட்டிங்ஸ்களை ஒரு DSLR கேமராவில் இருப்பது போல் நீங்களே கட்டுப்படுத்தலாம். உதாரணமாக, குறைவான வெளிச்சத்தில் ISO-வை குறைப்பதன் மூலம் புகைப்படங்களில் ஏற்படும் 'grain'-ஐ குறைக்கலாம். மேலும், ஷட்டர் ஸ்பீடை சரிசெய்வதன் மூலம் மோஷன் ஷாட்களை எடுக்கலாம். ஆட்டோ மோடை மட்டுமே நம்பாமல், இந்த மோடை பயன்படுத்தி புகைப்படங்களை இன்னும் மெருகேற்றலாம்.
36
2. சிறந்த லைட்டிங்கில் தெளிவான ஷாட்களை எடுங்கள்
ஒவ்வொரு சிறந்த புகைப்படத்திற்கும் பின்னால் உள்ள ரகசியம் சரியான வெளிச்சம்தான். முடிந்தவரை, இயற்கை வெளிச்சத்தில் புகைப்படம் எடுக்க முயற்சி செய்யுங்கள். வெளியில் அல்லது ஜன்னலுக்கு அருகில் நின்று புகைப்படம் எடுப்பது சிறந்த தேர்வாகும். இரவு நேரங்களில் புகைப்படம் எடுக்கும்போது, நேரடியாக ஃபிளாஷைப் பயன்படுத்துவதைத் தவிர்க்கவும். அதற்கு பதிலாக, அருகிலுள்ள விளக்குகளைப் பயன்படுத்தவும் அல்லது கேமரா செயலியில் உள்ள எக்ஸ்போஷரை சரிசெய்யவும். தீபாவளி அல்லது ஹோலி போன்ற இந்தியப் பண்டிகைகள், லைட்டிங் மற்றும் கான்ட்ராஸ்ட்டை பயன்படுத்தி குறைந்த வெளிச்சத்தில் புகைப்படம் எடுக்க சிறந்த சந்தர்ப்பங்கள்.
3. மூன்றாம் தரப்பு கேமரா செயலிகளைப் பயன்படுத்தி பாருங்கள்
உங்கள் போனின் இயல்புநிலை கேமரா செயலி நன்றாக வேலை செய்யும் என்றாலும், மூன்றாம் தரப்பு செயலிகள் கூடுதல் அம்சங்களை அளிக்கும். கூகுள் கேமரா (GCam), ஓபன் கேமரா (Open Camera) அல்லது அடோப் லைட்ரூம் (Adobe Lightroom) போன்ற செயலிகள், HDR+, RAW போட்டோ சப்போர்ட் மற்றும் புரோஃபெஷனல் ஃபில்டர்கள் போன்ற மேம்பட்ட அம்சங்களை வழங்குகின்றன. இந்த செயலிகள், உள்ளமைக்கப்பட்ட கேமரா மென்பொருள் குறைவாக உள்ள பட்ஜெட் போன்களுக்கு மிகவும் பயனுள்ளதாக இருக்கும்.
56
4. லென்ஸை எப்போதும் சுத்தமாக வைத்திருங்கள்
இது மிகவும் எளிமையாகத் தோன்றலாம், ஆனால் அழுக்கு படிந்த கேமரா லென்ஸ் மங்கலான புகைப்படங்களுக்கு ஒரு முக்கிய காரணம். தூசி, கைரேகைகள் அல்லது எண்ணெய் கறைகள் புகைப்படங்களின் தெளிவைக் குறைக்கும். படம் எடுப்பதற்கு முன், எப்போதும் ஒரு மைக்ரோஃபைபர் துணி அல்லது மென்மையான பருத்தி துணியால் உங்கள் லென்ஸை மெதுவாக சுத்தம் செய்யுங்கள். இந்த சிறிய நடவடிக்கை புகைப்படத்தின் ஷார்ப்னஸ் மற்றும் வண்ணத் தரத்தில் பெரிய வித்தியாசத்தை ஏற்படுத்தும்.
66
5. ஸ்மார்ட்ஃபோன் மூலம் DSLR-ஐ போல் எடுங்கள்!
ஸ்மார்ட்போன் புகைப்படத் தரத்தை மேம்படுத்த விலையுயர்ந்த சாதனங்கள் தேவையில்லை. ஏற்கனவே உள்ள அம்சங்களை புத்திசாலித்தனமாகப் பயன்படுத்தினால் போதும். ப்ரோ மோட், சரியான லைட்டிங், பயனுள்ள செயலிகள் மற்றும் சுத்தமான லென்ஸ் ஆகியவற்றை பயன்படுத்தி, உங்கள் பாக்கெட்டில் உள்ள ஸ்மார்ட்போனிலேயே DSLR போன்ற புகைப்படங்களை எடுக்க முடியும். அடுத்த முறை நீங்கள் புகைப்படங்கள் எடுக்கும்போது, இந்த தந்திரங்களை முயற்சித்து, வித்தியாசத்தை நீங்களே உணருங்கள்.
