IT Jobs செயற்கை நுண்ணறிவு (AI) தொழில்நுட்பத்தால் இந்திய ஐடி துறையில் வேலைவாய்ப்புகள் குறைகிறதா? ICRIER ஆய்வின் முக்கியத் தகவல்கள் மற்றும் எதிர்கால கணிப்புகள் இங்கே.
இந்தியத் தகவல் தொழில்நுட்பத் துறையில் (IT Sector) செயற்கை நுண்ணறிவு (Artificial Intelligence - AI) ஏற்படுத்தி வரும் தாக்கம் குறித்து ICRIER (Indian Council for Research on International Economic Relations) நிறுவனம் OpenAI ஆதரவுடன் ஒரு விரிவான ஆய்வை நடத்தியுள்ளது. இந்த ஆய்வின் முடிவுகள் ஐடி துறையில் வேலை தேடும் இளைஞர்கள் மத்தியில் பெரும் விவாதத்தைக் கிளப்பியுள்ளது. குறிப்பாக, ஆரம்ப நிலை வேலைவாய்ப்புகளில் (Entry-level jobs) ஒரு தேக்க நிலை காணப்படுவதாக இந்த ஆய்வு சுட்டிக்காட்டுகிறது.
25
வேலைவாய்ப்பில் சரிவு ஏன்?
நவம்பர் 2025 முதல் ஜனவரி 2026 வரை இந்தியாவின் 10 முக்கிய நகரங்களில் உள்ள 650 ஐடி நிறுவனங்களிடம் நடத்தப்பட்ட இந்த ஆய்வில், ஆரம்ப நிலை ஊழியர்களைப் பணிக்கு அமர்த்துவதில் நிறுவனங்கள் தயக்கம் காட்டுவது தெரியவந்துள்ளது.
• மூத்த மற்றும் இடைநிலை (Mid and Senior level) பதவிகளுக்கான வேலைவாய்ப்புகள் சீராக இருந்தாலும், ஃப்ரெஷர்களுக்கான (Freshers) வாய்ப்புகள் மிதப்படுத்தப்பட்டுள்ளன.
• இதற்கு AI தொழில்நுட்பம் மட்டுமே காரணம் அல்ல; கொரோனா பெருந்தொற்றுக்குப் பிந்தைய பொருளாதாரச் சூழலும் ஒரு காரணம் என்று ஆய்வாளர்கள் கூறுகின்றனர்.
35
ஹைபிரிட் திறன்களுக்கு மவுசு
வேலைவாய்ப்புகள் குறைந்தாலும், புதிய திறன்களைக் கொண்டவர்களுக்குத் தேவை அதிகரித்துள்ளது. 63% நிறுவனங்கள் தங்களுக்குத் துறை சார்ந்த நிபுணத்துவம் (Domain Expertise) மற்றும் AI அல்லது டேட்டா திறன் (Data Skills) ஆகிய இரண்டும் கொண்ட 'ஹைபிரிட்' பணியாளர்கள் தேவைப்படுவதாகக் கூறியுள்ளன. அதாவது, வெறும் கோடிங் தெரிந்தால் மட்டும் போதாது; அந்தத் தொழில்நுட்பத்தை எப்படித் துறை சார்ந்த வளர்ச்சிக்காகப் பயன்படுத்துவது என்பதும் தெரிந்திருக்க வேண்டும்.
மென்பொருள் உருவாக்குநர்கள் (Software Developers) மற்றும் தரவுத்தள நிர்வாகிகள் (Database Administrators) போன்ற வேலைகளுக்கு AI ஆபத்தாக முடியும் என்று கருதப்பட்டது. ஆனால், இந்தத் துறைகளில்தான் வேலைவாய்ப்பு வளர்ச்சி அதிகமாக உள்ளது என்று ஆய்வு கூறுகிறது.
• AI என்பது மனிதர்களின் வேலையைப் பறிக்கும் கருவி அல்ல; மாறாக, அது அவர்களின் உற்பத்தித் திறனை (Productivity) அதிகரிக்கும் ஒரு கருவியாகவே செயல்படுகிறது.
• பல நிறுவனங்கள் குறைந்த பணியாளர்களைக் கொண்டு அதிக உற்பத்தியை ஈட்டியுள்ளன. இது செலவைக் குறைக்கவும், செயல்திறனை அதிகரிக்கவும் உதவியுள்ளது.
55
பயிற்சியின் அவசியம்
பாதிக்கும் மேற்பட்ட நிறுவனங்கள் தங்கள் ஊழியர்களுக்கு AI தொடர்பான விழிப்புணர்வு மற்றும் பயிற்சிகளை வழங்கி வருகின்றன. ஆனால், தகுதியான பயிற்சியாளர்கள் கிடைப்பதில் சிக்கல், அதிக செலவு மற்றும் சட்டரீதியான நிச்சயமற்ற தன்மைகள் ஆகியவை சவாலாக உள்ளன.
வருங்காலத்தில் ஐடி துறையில் நுழைய விரும்பும் மாணவர்கள், தங்களின் அடிப்படைத் திறன்களுடன் சேர்த்து AI மற்றும் மெஷின் லேர்னிங் போன்ற வளர்ந்து வரும் தொழில்நுட்பங்களையும் கற்றுக் கொள்வது அவசியம் என்று நிபுணர்கள் அறிவுறுத்துகின்றனர்.
ஸ்மார்ட்போன்கள் மற்றும் AI முதல் சைபர் பாதுகாப்பு, அறிவியல் முன்னேற்றங்கள் வரை — சமீபத்திய தொழில்நுட்ப (Technology News in Tamil) அப்டேட்களை தொடர்ச்சியாக பெறுங்கள். டிஜிட்டல் டிரெண்ட்ஸ் குறித்து நிபுணர்களின் கருத்துகள், விரிவான தகவல்கள் மற்றும் பிரேக்கிங் நியூஸை வழங்கும் ஒரே தளம் ஏஷ்யாநெட் தமிழ் நியூஸ்.புதிய கேஜெட் ரிலீஸ் ஆனதா? புதிய ஸ்டார்ட்அப்புகள் வந்தவையா? எதிர்காலத்தை மாற்றக்கூடிய எந்த டெக் பாலிஸி வந்துள்ளது? இவை அனைத்திற்கும் சிறு சிறு தகவல்கள் இங்கு கிடைக்கும். டெக் விளக்கக் குறிப்புகள் மற்றும் கேஜெட் டெமோ வீடியோக்களையும் நீங்கள் பார்க்கலாம்.
