மாநாடு நடத்த இடம் தந்த குடும்பங்கள்; உபசரித்து நன்றி சொன்ன தளபதி விஜய் - Viral Pics!

TVK Vijay : பிரபல நடிகர் மற்றும் அரசியல் தலைவர் தளபதி விஜய், த.வெ.க கட்சி மாநாடு நடத்த இடம் தந்தவர்களுக்கு நன்றி கூறியுள்ளார்.

TVK Vijay

இந்த ஆண்டு தொடக்கத்தில் தன்னுடைய தமிழக வெற்றிக் கழகம் கட்சியின் அறிவிப்பை வெளியிட்டார் தளபதி விஜய். அது மட்டுமல்லாமல் எதிர்வரும் 2026 ஆம் ஆண்டு சட்டமன்றத் தேர்தலில் தன்னுடைய கட்சியின் சார்பாக முதல்வர் வேட்பாளராக அவரே களமிறங்க உள்ளதாகவும் தகவல்கள் வெளியாகியது. இந்த சூழலில் அரசியல் களம் காண்பது ஒருபுறம் என்றால், தன்னுடைய திரை உலக பயணத்திற்கு முற்றுப்புள்ளி வைப்பது மறுபுறமாக அவர் செயல்பட்டு வந்தார். இப்பொழுது தன்னுடைய இறுதி திரைப்படத்திலும் அவர் நடித்து வருகிறார்.

Vijay

இந்த சூழலில் பலரும் எதிர்பார்த்த வண்ணம் கடந்த அக்டோபர் 27ஆம் தேதி ஞாயிற்றுக்கிழமை வெகு சிறப்பாக தளபதி விஜயின் முதல் அரசியல் மாநில மாநாடு நடைபெற்றது. யாருமே எதிர்பாராத வண்ணம் அதிரடியான பேச்சுகளை பேசி அசத்தியிருந்தார் விஜய். அது மட்டுமில்லாமல் ஆளும் திராவிட முன்னேற்றக் கழகத்தை நேரடியாக தாக்கிய அவர் பேசியது பெரும் பரபரப்பை ஏற்படுத்தியது.

TVK Maanadu

சென்னை அருகே உள்ள விழுப்புரம் மாவட்டம் விக்கிரவாண்டியில் தான் அவருடைய முதல் மாநில மாநாடு நடைபெற்றது. இந்நிலையில் வெகு ஜோராக நடந்த அந்த மாநாட்டிற்கு நிலம் வழங்கிய விவசாயிகளுக்கு உணவளித்து உபசரித்துள்ளார் விஜய். அதுமட்டுமல்லாமல் தனக்கு நிலம் அளித்த விவசாயிகளுக்கு சால்வை அணிவித்து மரியாதை செலுத்தியிருக்கிறார் தளபதி விஜய். இப்போது இந்த புகைப்படங்கள் இணையத்தில் வைரல் ஆகி வருகிறது. 

TVK Maanadu Vikravandi

தளபதி விஜய் ஏற்கனவே கோட் திரைப்படத்தில் நடித்திருந்த நிலையில் தற்போது தன்னுடைய 69 ஆவது மற்றும் இறுதி திரைப்படத்தில் அவர் விறுவிறுப்பாக நடித்து வருகிறார். இந்த பட பணிகளை முடித்த பிறகு முழுநேர அரசியல் தலைவராக அவர் ஈடுபடவுள்ளது குறிப்பிடத்தக்கது. அக்டோபர் மாதம் 2025 ஆம் ஆண்டு அவருடைய 69 வது திரைப்படம் வெளியாகும் நிலையில் 2026 ஆம் ஆண்டு தேர்தலுக்காக அவர் விரைவில் சுற்றுப்பயணம் தமிழக முழுவதும் மேற்கொள்ள உள்ளார்.