25% வாக்குகள் விஜய்க்கு? இரண்டாம் இடம் யாருக்கு.? கலக்கத்தில் திராவிட கட்சிகள் - அதிர்ச்சி ரிப்போர்ட்

2026 தமிழகத் தேர்தலில் நடிகர் விஜய்யின் தவெக வருகையால் அரசியல் கணக்குகள் மாறியுள்ளன. இரண்டாம் இடத்தைப் பிடிப்பது யார் என்பதே தற்போதைய புதிராக உள்ளது.

25% வாக்குகள் விஜய்க்கு கிடைக்கும்

தமிழக சட்டப்பேரவைத் தேர்தல் 2026 வாக்குப்பதிவு முடிந்தது. தற்போது அரசியல் சூழல் கணிப்புகளால் நிரம்பி வழிகிறது. இந்நிலையில், தமிழக அரசியல் ஆய்வாளர் வெங்கட்ராமன் தனது பார்வையை வெளிப்படுத்தியுள்ளார். அவரது கருத்துப்படி, இந்த தேர்தலில் ஆட்சியை அமைக்கும் கட்சி ஓரளவு தெளிவாக இருந்தாலும், இரண்டாவது இடத்தைப் பிடிப்பவர் யார் என்பது இன்று புதிராகவே உள்ளது.

தமிழக வெற்றிக் கழகத்தின் வளர்ச்சி

"தி ஃபெடரல்" ஊடகத்திற்கு அளித்த பேட்டியில் அவர், இந்த முறை தேர்தல் வழக்கமான அரசியல் கணக்குகளை முறியடித்துள்ளது. இதற்கு முக்கிய காரணம் நடிகர் விஜய் தொடங்கிய தமிழக வெற்றிக் கழகம் (தவெக) கட்சியின் வருகை தான். குறிப்பாக இளைஞர்கள் மத்தியில் இந்த கட்சி வேகமாக ஆதரவை ஈர்த்துள்ளது. இதனால், இந்த தேர்தலில் இளைஞர்கள் அதிகமாக வாக்களிக்க வந்தது ஒரு முக்கிய மாற்றமாக பார்க்கப்படுகிறது.

ஆட்சியை தீர்மானிக்கும் இளைஞர்களின் வாக்கு

18 முதல் 30 வயதுக்குள் உள்ள வாக்காளர்கள் பணம், சாதி, மதம் போன்ற பாரம்பரிய காரணிகளை பின்பற்றாமல், புதிய சிந்தனையை முன்னெடுத்துள்ளனர் என ஆய்வாளர் கூறுகிறார். அதே நேரத்தில், 30 வயதுக்கு மேற்பட்ட வாக்காளர்கள் மத்தியில் இவ்வாறான பாரம்பரிய காரணிகள் இன்று தாக்கம் செலுத்துகின்றன. இதனால் வாக்கு மாறுபாடு உருவாகி, தேர்தல் முடிவுகள் கணிக்க முடியாத நிலையை எட்டியுள்ளது.

இளைஞர்கள் தீர்மானிக்கும் தேர்தல்

வாக்கு சதவீதம் குறித்து அவர் அளித்த மதிப்பீடு கவனிக்கத்தக்கது. அவரது கனிப்பில், திராவிட முன்னேற்றக் கழகம் (DMK) சுமார் 40–45% வாக்குகளைப் பெறும் வாய்ப்பு உள்ளது. மற்றவர்களின் வாக்குகள் பல கட்சிகளுக்குள் பிரியும் நிலையில், இரண்டாம் மற்றும் மூன்றாம் இடங்களுக்கு கடும் போட்டி. அந்த இடங்களில் கட்சிகள் சுமார் 25–26% வாக்குகளைப் பெறக்கூடும் என அவர் தெரிவித்துள்ளார்.

இரண்டாம், மூன்றாம் இடத்திற்கு கடும் போட்டி

மேலும், தவெக குறைந்தது 25% வாக்குகளைப் பெறும் வாய்ப்பு உள்ளதாகவும் அவர் கூறுகிறார். ஆனால் அந்த வாக்குகளை தொகுதிகளாக மாற்றுவது சுலபமல்ல எனவும் விளக்கினார். குறிப்பாக அனைத்திந்திய அண்ணா திராவிட முன்னேற்றக் கழகம் (AIADMK) மற்றும் தவெக இடையே வாக்குப் பிரிவால், அது திராவிட முன்னேற்றக் கழகம் (DMK)-க்கு சாதகமாக மாறும் சூழல் உருவாகியுள்ளது. தென் தமிழகம் மற்றும் டெல்டா பகுதிகளில் தவெகவின் தாக்கம் அதிகரித்துள்ளதால், அந்த மறைமுக பலன் திமுகவுக்கு செல்லும் வாய்ப்பு அதிகம் என அவர் தனது ஆய்வை முடித்துள்ளார்.