ஸ்மிருதி மந்தனாவுக்கு அடுத்தடுத்து ஷாக்! தந்தையை தொடர்ந்து வருங்கால கணவரும் மருத்துவமனையில் அட்மிட்!

ஸ்மிருதி மந்தனாவின் தந்தை மாரடப்பால் மருத்துவமனையில் அனுமதிக்கப்பட்டுள்ளதால் திருமணம் ஒத்திவைக்கப்பட்டது. இப்போது ஸ்மிருதி வருங்கால கணவர் பலாஷ் முச்சலும் மருத்துவமனையில் அனுமதிக்கப்பட்டதாக தகவல்கள் கூறுகின்றன. 

ஸ்மிருதி மந்தனா வீட்டில் சோகம்

இந்திய கிரிக்கெட் அணியின் முன்னணி வீராங்கனை ஸ்மிருதி மந்தனா, இசையமைப்பாளர் பலாஷ் முச்சல் திருமணம் மகாராஷ்டிராவின் சாங்லியில் மந்தனாவின் பண்ணை வீட்டில் நேற்று நடைபெற இருந்தது. நேற்று அதிகாலையில் திருமணத்துக்கான ஏற்பாடுகள் களைகட்டிய நிலையில், தாலி கட்டும் முன்பு ஸ்மிருதி மந்தனாவின் தந்தை சீனிவாஸுக்கு திடீரென மாரடைப்பு ஏற்பட்டது.

திருமணம் ஒத்திவைப்பு

சாப்பிட்டுக் கொண்டிருக்கும்போது அவருக்கு மாரடைப்பு ஏற்பட்டதாக கூறப்படுகிறது. இதனைத் தொடர்ந்து அவரை உடனடியாக அருகில் உள்ள தனியார் மருத்துவமனையில் அனுமதித்தனர். 

அங்கு தீவிர சிகிச்சை அளிக்கப்பட்ட நிலையில், சீனிவாஸின் உடல் நிலை இப்போது தேறி வருவதாக தகவல் வெளியாகி உள்ளது. இதன் காரணமாக ஸ்மிருதி மந்தனா, பலாஷ் முச்சல் திருமணம் தேதி குறிப்பிடாமல் ஒத்தி வைக்கப்பட்டது.

பலாஷ் முச்சலும் மருத்துவமனையில் அனுமதி

இந்த நிலையில், ஸ்மிருதி மந்தனாவின் வருங்கால கணவர் பலாஷும் உடல்நலக்குறைவு காரணமாக மருத்துவமனையில் அனுமதிக்கப்பட்டுள்ளதாக தகவல்கள் கூறுகின்றன. அதாவது வைரஸ் தொற்று மற்றும் அமிலத்தன்மை காரணமாக பலாஷ் தனியார் மருத்துவமனையில் அனுமதிக்கப்பட்டதாக செய்திகள் தெரிவிக்கின்றன.

ஆனாலும் பலாஷ் முச்சலுக்கு சிறிய உடல்நலக்குறைவு ஏற்பட்டதால் அவர் சிகிச்சை பெற்ற உடனேயே மருத்துவமனையை விட்டு வெளியேறதாகவும் ஒருசில தகவல்கள் கூறுகின்றன. 

ஸ்மிருதி மந்தனா தனது தந்தையின் உடல்நிலை பாதிக்கப்பட்டதால் தனது திருமணத்தை ஒத்திவைத்தார். தனது தந்தையின் உடல்நிலை மேம்பட்டால் மட்டுமே திருமணம் செய்து கொள்வேன் என்று அவர் உறுதியாக கூறியுள்ளார்.

ரசிகர்கள் ஆறுதல்

ஏற்கெனவே தந்தை உடல்நிலை பாதிக்கப்பட்டதால் சோகமாக இருந்த அவர் இப்போது வருங்கால கணவரும் உடல்நிலைக்குறைவால் பாதிக்கப்பட்டுள்ளதை அறிந்து சோகத்தில் மூழ்கியுள்ளனர்.

 ஸ்மிருதி மந்தனாவில் திருமணம் காரணமாக அவரது வீட்டினர் மட்டுமின்றி அவரது ரசிகர்களும் மகிழ்ச்சியில் திளைத்தனர். ஆனால் இப்போது ஸ்மிருதி மந்தனாவுக்கு அடுத்தடுத்து சோக சம்பவம் நடந்துள்ளதால் ரசிகர்கள் அவருக்கு ஆறுதல் தெரிவித்து வருகின்றனர்.