2 ரன்னில் சதத்தை கோட்டைவிட்ட ருதுராஜ் கெய்க்வாட் – சிஎஸ்கே 212 ரன்கள் குவிப்பு!

சன்ரைசர்ஸ் ஹைதராபாத் அணிக்கு எதிரான 46ஆவது ஐபிஎல் 2024 போட்டியில் முதலில் பேட்டிங் செய்த சென்னை சூப்பர் கிங்ஸ் அணியானது 20 ஓவர்களில் 3 விக்கெட்டுகளை இழந்து 212 ரன்கள் குவித்துள்ளது.

Chennai Super Kings vs Sunrisers Hyderabad, 46th Match

எம்.ஏ.சிதம்பரம் மைதானத்தில் சென்னை சூப்பர் கிங்ஸ் மற்றும் சன்ரைசர்ஸ் ஹைதராபாத் அணிகளுக்கு இடையிலான 46ஆவது லீக் போட்டி நடைபெற்று வருகிறது. இதில், டாஸ் வென்ற ஹைதராபாத் கேப்டன் பேட் கம்மின்ஸ் பவுலிங் தேர்வு செய்தார். அதன்படி சிஎஸ்கே முதலில் பேட்டிங் செய்து 20 ஓவர்களில் 3 விக்கெட்டுகளை இழந்து 212 ரன்கள் குவித்தது.

Chennai Super Kings vs Sunrisers Hyderabad, 46th Match

ருத்ராஜ் கெய்க்வாட் மற்றும் அஜிங்க்யா ரஹானே இருவரும் தொடக்க வீரர்களாக களமிறங்கினர். இதில் ரஹானே 9 ரன்களில் வெளியேறினார். அதன் பிறகு ருதுராஜ் கெய்க்வாட் மற்றும் டேரில் மிட்செல் இருவரும் இணைந்து அதிரடியாக விளையாடி ரன்கள் குவித்தனர். இதில், மிட்செல் இந்த சீசனில் தனது முதல் அரைசதத்தை பதிவு செய்தார். அவர், 32 பந்துகளில் 7 பவுண்டரி, ஒரு சிக்ஸர் உள்பட 52 ரன்கள் எடுத்து ஆட்டமிழந்தார்.

Chennai Super Kings vs Sunrisers Hyderabad, 46th Match

இவரைத் தொடர்ந்து கெய்க்வாட் உடன் இணைந்த ஷிவம் துபே அதிரடியாக விளையாடினார். இதில், கெய்க்வாட் 98 ரன்கள் எடுத்திருந்த போது தமிழக வீரர் நடராஜன் ஓவரில் ஆட்டமிழந்தார். கெய்க்வாட் 54 பந்துகளில் 10 பவுண்டரி, 3 சிக்ஸர் உள்பட 98 ரன்களில் ஆட்டமிழந்தார். ஷிவம் துபே 39 ரன்களும், அடுத்து வந்த தோனி 5 ரன்களும் எடுக்க, சிஎஸ்கே 20 ஓவர்களில் 3 விக்கெட்டுகளை இழந்து 212 ரன்கள் குவித்தது.