Sukran peyarchi palan: சுக்கிரன் ரிஷபம் ராசிக்குள் நுழைவதால் உருவாகும் மாளவ்ய ராஜயோகம், 3 ராசிக்காரர்களுக்கு சாதகமாக உள்ளது.
2023ஆம் ஆண்டு ஏப்ரல் 6ஆம் தேதி சுக்கிரன் ரிஷபம் ராசிக்குள் நுழைகிறார். அதன் விளைவாக மாளவ்ய ராஜயோகம் உருவாகிறது. இந்த ராஜயோகம் 3 ராசிக்காரர்களுக்கும் அபரிமிதமான செல்வத்தை அளிக்கிறது.
ஜோதிடத்தில் சுக்கிரனின் ராசி மாற்றம் முக்கியமாக கருதப்படுகிறது. ரிஷபம், துலாம் ஆகிய ராசியின் அதிபதி சுக்கிரன். சுக்கிரன் கிரகத்தின் சுப தாக்கம் கொண்ட ஒருவரின் வாழ்க்கையில், அவரது உடல் நிலை சீராக இருக்கும். அத்துடன் அந்த நபருக்கு மகிழ்ச்சி, பெருமை, புகழ் ஆகியவையும் கிடைக்கும். அதை போல, வெள்ளி கிரகம் நம் வாழ்வில் செல்வம், செழிப்பு, மகிழ்ச்சி, ஈர்ப்பு, அன்பு (காதல்) ஆகியவற்றை குறிக்கிறது.
ஜோதிட சாஸ்திரப்படி 2023ஆம் ஆண்டு ஏப்ரல் 6ஆம் தேதி சுக்கிரன் ரிஷப ராசிக்குள் நுழைகிறார். இதன் காரணமாக மாளவ்ய ராஜயோகம் ஏற்படுகிறது. மாளவ்ய யோகம் என்றால் பஞ்ச மகாபுருஷ யோகங்களில் ஒன்றாகும். இது ஒரு நபருக்கு எல்லையில்லா நன்மைகளையும், அதிர்ஷ்டத்தையும் அளிக்கிறது. அந்த 3 ராசிக்காரர்கள் யார் என்பதை இங்கு காணலாம்.
மேஷம்
மேஷ ராசிக்கு 2 மற்றும் 11ஆம் வீட்டிற்கு அதிபதி சுக்கிரன் தான். வெள்ளி, பொதுவாக செல்வத்தையும் ஆடம்பரத்தையும் குறிக்கிறது. அதனால்தான் நிதி ஆதாயத்தைப் பொறுத்தவரை இது மிகவும் நல்ல நேரம். சுக்கிரன் சஞ்சாரத்தின் போது உங்களுடைய ஆசைகள் எளிதில் நிறைவேறும். இந்த சமயங்களில் பெரிய முடிவுகளை எடுப்பது கூட எளிது. தொழிலில் சீரான வளர்ச்சியை காணலாம். நிதிரீதியாக, பணம் சேமிப்பு இருக்கும்.
கடகம்
ராசிக்கு நான்காம், பதினொன்றாம் வீட்டிற்கு அதிபதி சுக்கிரன். 4ஆவது வீடு என்பது பொருள் வசதி, வீடு, வாகனம், தாய் ஆகியவற்றைக் குறிக்கிறது. இந்த ராசிக்காரர்களுக்கு 11வது வீட்டில் சுக்கிரன் சஞ்சரிப்பது ஆசைகள் நிறைவேறுவதற்கும், மகிழ்ச்சிக்கும் சாதகமாக இருக்கும். புதிய வீடு, சொத்து வாங்கும் வாய்ப்பு ஏற்படும். குடும்பத்தில் திருமணம் போன்ற சுப நிகழ்ச்சிகள் நடைபெறும். தொழில் ரீதியாக இந்தப் பெயர்ச்சி சாதகமாக இருக்கும். கடின உழைப்புக்கு பதவி உயர்வு கிடைக்கும். வியாபாரிகள் அதிக லாபத்தையும் வெற்றியையும் பெறலாம்.
இதையும் படிங்க: பணக்கஷ்டம், வாழ்க்கையில் அடிமேல் அடி விழுதா? வீட்டு கிழக்கு திசைல இத வச்சிருக்கீங்களா பாருங்க!
சிம்மம்
இந்த ராசிக்கு 3ஆம் மற்றும் 10ஆம் வீட்டிற்கு அதிபதி சுக்கிரன். சுக்கிரனின் பெயர்ச்சியால் உங்களுக்கு தொழில் முன்னேற்றம், திருப்திகரமாக இருக்கும். நீங்கள் வேலை செய்யும் இடம் மாறலாம். இத்துடன் பெரியோர்களின் ஒத்துழைப்பும் கிடைக்கும். தனிப்பட்ட விஷயங்களில் உடன்பிறந்தவர்களின் ஆதரவு கிடைக்கும். புதிய வேலை வாய்ப்புகளில் திருப்திகரமான பலன்கள் காணப்படும். வியாபாரிகளுக்கு நல்ல லாபம் கிடைக்கும். அமோகமான மாதம்..!
இதையும் படிங்க: மகா அஷ்டமியில் உருவாகும் ராஜயோகம்.. இந்த 4 ராசிகளுக்கு பொற்காலம்... திடீர் பணம் யாருக்கு?