ஒரே வாரத்தில் அப்பாயிண்ட்மெண்ட் ஆர்டர்.! உடனே வேலை கிடைக்க புதன் பகவானுக்கு செய்ய வேண்டிய எளிய பரிகாரம்.!

ஜாதகத்தில் புதன் பகவான் வலுவாக இருந்தால், நேர்முகத் தேர்வுகளில் எளிதில் வெற்றி பெற்று வேலை பெறலாம். புதனின் அருளைப் பெற, பச்சை பயறு தானம், விஷ்ணு வழிபாடு போன்ற எளிய பரிகாரங்கள் வேலை தடைகளை நீக்கி, விரைவில் நல்ல செய்தியைத் தரும்.

வழிநடத்தும் புதன் பகவான்.!

வாழ்க்கையில் ஒருவருக்குத் தகுதியான வேலை கிடைப்பதற்கும், அந்த வேலையில் நிலைத்து நிற்பதற்கும் ஜாதகத்தில் பத்தாம் இடம் (தொழில் ஸ்தானம்) மற்றும் ஆறாம் இடம் (உத்தியோக ஸ்தானம்) வலுவாக இருக்க வேண்டும். இருப்பினும், தற்போதைய நவீன உலகில் புத்திக்கூர்மை, தகவல் தொடர்பு மற்றும் சரியான நேரத்தில் சரியான முடிவெடுக்கும் திறன் ஆகியவற்றைத் தீர்மானிப்பவர் புதன் பகவான். ஒருவருக்குப் புதன் பலமாக இருந்தால், நேர்முகத் தேர்வுகளில் மிகச்சிறப்பாகப் பேசி, மற்றவர்களைக் கவர்ந்து உடனடிப் பணி ஆணையைப் பெற முடியும். தடைகளைத் தாண்டி ஒரே வாரத்தில் நல்ல செய்தி தேடி வர, புதனின் அருளைப் பெறச் செய்ய வேண்டிய எளிய பரிகாரங்கள் கீழே விரிவாகக் கொடுக்கப்பட்டுள்ளன.

புதன் பகவானின் அருளைப் பெற எளிய பரிகாரங்கள்

ஜோதிட சாஸ்திரப்படி புதன் "வித்யாகாரகன்" மற்றும் "புத்திக்காரகன்" என்று அழைக்கப்படுகிறார். வேலை தேடுபவர்கள் கீழ்க்கண்ட வழிபாடுகளைப் புதன்கிழமை அன்று தொடங்குவது சிறந்தது.

பச்சை பயறு தானம் 

1. புத பகவானுக்கு உகந்த தானியம் பச்சை பயறு.

புதன்கிழமை காலை குளித்து முடித்துவிட்டு, ஒரு கைப்பிடி பச்சை பயறை எடுத்து உங்கள் தலைக்கு ஏழு முறை சுற்றி (வலப்புறமாக), பறவைகளுக்கு உணவாக இடலாம். அல்லது பச்சை பயறை வேகவைத்து பசு மாட்டிற்கு உணவாகக் கொடுக்கலாம். இது உங்கள் கர்ம வினைகளைக் குறைத்து வேலை கிடைப்பதற்கான வாய்ப்பை வேகப்படுத்தும்.

2. விஷ்ணு சஹஸ்ரநாம பாராயணம்

புதனின் அதிதேவதை மகாவிஷ்ணு

புதன்கிழமை காலை அல்லது மாலை விஷ்ணு கோவிலுக்குச் சென்று துளசி மாலை சாற்றி வழிபடுவது மிகச்சிறந்த பலனைத் தரும். நேரம் இருப்பின் 'விஷ்ணு சஹஸ்ரநாமம்' பாராயணம் செய்யுங்கள். இது உங்கள் சொல்லாற்றலை அதிகரித்து, நேர்முகத் தேர்வில் வெற்றி பெற உதவும்.

பச்சை நிற ஆடை மற்றும் பொருட்கள்

முக்கியமான நேர்முகத் தேர்வுக்குச் செல்லும் போதோ அல்லது வேலை நிமித்தமாக யாரையாவது சந்திக்கும் போதோ, உங்கள் உடையில் ஒரு சிறிய அளவிலாவது பச்சை நிறம் இருக்கும்படி பார்த்துக் கொள்ளுங்கள் (உதாரணமாக கைக்குட்டை). புதன்கிழமைகளில் பச்சை நிற ஆடைகளை அணிவது புதனின் கதிர்வீச்சை உங்களுக்குச் சாதகமாக மாற்றும்.

மாணவர்களுக்கு உதவுதல்

புதன் கல்விக்கு அதிபதி என்பதால், ஏழை மாணவர்களுக்குப் பேனா, பென்சில், நோட்டுப் புத்தகம் அல்லது கல்வி கட்டணம் போன்றவற்றைத் தானமாக வழங்குவது, உத்தியோகத் தடைகளை நீக்கி விரைவான பணி ஆணையைத் தேடித் தரும்.

விரைவில் வேலை கிடைக்கச் சொல்ல வேண்டிய மந்திரம்

தினமும் காலையில் எழுந்து குளித்த பின், கிழக்கு நோக்கி அமர்ந்து கீழ்க்கண்ட மந்திரத்தை 21 முறை சொல்லுங்கள்.

"ஓம் கஜானனம் பூத கணாதி ஸேவிதம் கபித்த ஜம்பூ பலசார பக்ஷிதம் உமாஸுதம் சோக விநாச காரணம் நமாமி விக்னேஸ்வர பாத பங்கஜம்"

மற்றும் புத பகவானின் காயத்ரி மந்திரத்தைச் சொல்லுங்கள்

"ஓம் கஜத்வஜாய வித்மஹே சுக ஹஸ்தாய தீமஹி தன்னோ புத: ப்ரசோதயாத்"

வெற்றி நிச்சயம் இது வேத சத்தியம்

இந்த ஆன்மீக முயற்சிகளுடன் உங்கள் திறமையை வளர்த்துக் கொள்வதும் நம்பிக்கையுடன் முயற்சிகளைத் தொடர்வதும் மிக முக்கியம். உழைப்பும் இறையருளும் இணையும் போது வெற்றி நிச்சயம். உங்களுக்கு விருப்பமான துறையில், நீங்கள் எதிர்பார்க்கும் சம்பளத்தில் விரைவாக வேலை கிடைக்க எனது வாழ்த்துகள்!