வீட்டில் உள்ள வாஸ்து தோஷங்கள், அமைதியின்மை மற்றும் செல்வ இழப்பு போன்ற எதிர்மறை விளைவுகளை ஏற்படுத்தும். மகாலட்சுமி வழிபாடு, அன்னதானம் போன்ற எளிய பரிகாரங்கள் மூலம் இந்த தோஷங்களை நீக்கலாம். Easy Vastu Remedies: Simple Spiritual and Scientific Ways
வீட்டில் உள்ள வாஸ்து குறைபாடுகள் அல்லது தோஷங்கள், இல்லறத்தில் அமைதியின்மை, செல்வ இழப்பு, ஆரோக்கியக் குறைபாடு மற்றும் முன்னேற்றத்தில் தடைகள் போன்ற எதிர்மறை விளைவுகளை ஏற்படுத்தலாம் என நம்பப்படுகிறது. அவ்வாறு ஏற்படக்கூடிய அனைத்து வாஸ்து தோஷங்களையும் நீக்கி, வீட்டில் நேர்மறை ஆற்றலை ஈர்த்து, மகிழ்ச்சியான மற்றும் வளமான வாழ்க்கையை வாழ்வதற்கான எளிய ஆன்மிக மற்றும் அறிவியல் ரீதியான வழிமுறைகள் குறித்து இந்தக் கட்டுரையில் விரிவாகக் காணலாம்.
26
மகாலட்சுமியின் அருள் மற்றும் ஆனந்தத்தின் விஞ்ஞானம்
வாஸ்து தோஷங்களைப் போக்குவதில் மகாலட்சுமியின் அருள் மிக முக்கியப் பங்கு வகிக்கிறது. நாம் வசிக்கும் பூமியை ஒரு தாயைப் போல பாவித்து, அதற்கு மரியாதை அளிக்கும் இடங்களில் மகாலட்சுமி நிரந்தரமாகத் தங்குகிறாள். கடினமான சூழ்நிலையிலும் ஆனந்தமாக இருப்பவர்களை விட்டு மகாலட்சுமி விலகுவதில்லை. எனவே, ஆனந்தமாக இருப்பது வாஸ்து தோஷ நிவர்த்திக்கு உதவுகிறது. மேலும், தினமும் மகாலட்சுமி மந்திரங்களை உச்சரிப்பது சிறந்த பலனைத் தரும்.
36
காஸ்மிக் எனர்ஜியை ஈர்த்தல்
வாஸ்து தோஷத்தை நீக்குவது என்பது, அண்டத்தில் இருந்து வரும் நேர்மறை ஆற்றலை வீட்டுக்குள் வரவழைப்பதாகும். இதற்காக, சூரிய உதயத்திற்கு முன், பிரம்ம முகூர்த்த நேரத்தில் பூமியைத் தொட்டு வணங்கி, நேர்மறை எண்ணத்துடன் நாளைத் தொடங்க வேண்டும். வீட்டின் வடக்கு மற்றும் கிழக்கு திசைகள் காஸ்மிக் எனர்ஜியை ஈர்ப்பதில் மிக முக்கியமானவை.இந்தத் திசைகளில் காற்றோட்டம் மற்றும் வெளிச்சம் இருக்குமாறு பார்த்துக்கொள்வது அவசியம்.
வீட்டில் உள்ள வாஸ்து குறைகளைப் போக்க, உடனடியாகச் செய்யக்கூடிய சில எளிய பரிகாரங்கள்:
படிகாரக் கல்லை பயன்படுத்துதல்
எல்லா வாஸ்து தோஷங்களையும் நீக்க, சதுர வடிவிலான படிகாரக் கல்லை எடுத்து, அதனை வீட்டின் குறைபாடுள்ள திசையில் அல்லது மூலையில் வைப்பதன் மூலம், அங்குள்ள எதிர்மறை ஆற்றலை ஈர்க்க முடியும்.
56
பச்சைக் கற்பூரம் பிகாரம்
வாரம் ஒருமுறையோ அல்லது தினமும் பச்சைக் கற்பூரத்தை ஏற்றி, அதன் புகையை வீடு முழுவதும் காட்டுவது, வாஸ்து மற்றும் கண் திருஷ்டி தோஷங்களை நீக்க உதவுகிறது.
66
அன்னதானம் செய்தால் எல்லாம் சரியாகும்
வாஸ்து தோஷம் நீங்க, அன்னதானம் செய்வது மிகச் சிறந்த வழிமுறையாகக் கூறப்படுகிறது. யாருக்கேனும் வயிறார உணவளிப்பது மகாலட்சுமியின் அருளைப் பெற்றுத் தரும்.
