2025 ஆம் ஆண்டின் நிலவரப்படி தமிழ்நாட்டின் பணக்கார கோயில்கள், அதன் சிறப்புகள், வருமானம் பற்றிய தகவல்கள் கீழே கொடுக்கப்பட்டுள்ளன. இந்த தகவல்கள் பெரும்பாலும் சமீபத்திய அறிக்கைகள், ஊடக தகவல்களின் அடிப்படையில் மதிப்பிடப்பட்டவை.
தமிழ்நாடு திருக்கோயில்களுக்கு புகழ் பெற்ற ஒரு மாநிலமாகும். ஒவ்வொரு மாவட்டத்தை எடுத்துக் கொண்டாலும் வரலாற்று சிறப்புமிக்க கோயில்கள் பல உள்ளன. இந்த கோயில்களுக்கு அண்டை மாநிலங்களில் இருந்து மட்டுமல்லாமல், வெளிநாடுகளில் இருந்தும் பக்தர்கள் இருக்கின்றனர். இதன் காரணமாக கோயில்களில் உண்டியல் காணிக்கை பணம் கோடிகளை தாண்டுகிறது. இந்தத் திருக்கோயில்களை தமிழக அரசின் அறநிலையத்துறை நிர்வகித்து வருகிறது. கோயில்களில் இருந்து கிடைக்கும் வருமான மூலம் மற்ற கோவில்களுக்கு குடமுழுக்கு, புதிதாக கோயில்கள் கட்டுதல், திருக்கோயில் பணிகளை மேற்கொள்ளுதல் போன்ற பணிகளில் அரசு ஈடுபட்டு வருகிறது. இந்த நிலையில் தமிழ்நாட்டில் உள்ள பணக்கார கோயில்கள் குறித்து இந்த பதிவில் பார்க்கலாம்.
27
பழனி தண்டாயுதபாணி திருக்கோயில்
முருகனின் அறுபடை வீடுகளில் மூன்றாவது வீடாக இருக்கிறது பழனி. திண்டுக்கல் மாவட்டத்தில் பழனி மலையில் அமைந்துள்ள இந்த திருக்கோயில் தமிழ்நாட்டில் அதிக பக்தர்கள் வருகை தரும் கோயில்களில் ஒன்றாகும். இங்குள்ள மூலவர் நவபாஷாணத்தால் உருவாக்கப்பட்டவர். இந்த கோயிலுக்கு படி வழியாகவும், ரோப் கார் அல்லது வின்ச் மூலமாகவும் செல்லலாம். இந்த கோயிலின் பஞ்சாமிர்தம் மிகவும் பிரசித்தி பெற்றதாகும். பஞ்சாமிர்த விற்பனை, முடி காணிக்கை, உண்டியல் காணிக்கை, கோயில்களுக்கு சொந்தமான கடைகள், நிலங்கள் மூலம் ஆண்டுக்கு சுமார் ரூ.50 முதல் ரூ.60 கோடி வரை வருமானம் கிடைப்பதாக கூறப்படுகிறது.
37
ஸ்ரீரங்கம் ரங்கநாதர் திருக்கோயில்
108 திவ்யதேசங்களில் பூலோக வைகுண்டம் என்று போற்றப்படுகிறது திருச்சியில் அமைந்துள்ள ஸ்ரீரங்கம் ரங்கநாதர் கோயில். உலகிலேயே மிகப்பெரிய இந்து கோயிலாக இது விளங்கி வருகிறது. இங்கு பள்ளி கொண்ட நிலையில் மகாவிஷ்ணு காட்சியளிக்கிறார். ஏழு பிரகாரங்கள், 21 கோபுரங்கள் மற்றும் சிற்ப வேலைப்பாடுகளுடன் பிரம்மாண்டத்தின் உச்சமாக ஸ்ரீரங்கம் காட்சி தருகிறது. இந்த கோயிலில் உண்டியல் காணிக்கை, கோயிலுக்கு சொந்தமான கடைகள், நிலங்கள், சிறப்பு தரிசனக் கட்டணங்கள் ஆகியவற்றின் மூலம் ஆண்டுக்கு ரூ.70 கோடி வரை வருமானம் கிடைப்பதாக கூறப்படுகிறது.
உலகப்புகழ் பெற்ற கோயில்களில் ஒன்றாக மதுரை மீனாட்சியம்மன் கோயில் விளங்கி வருகிறது. திராவிடக் கட்டிடக்கலையின் ஒரு தலைசிறந்த எடுத்துக்காட்டாக இந்த கோயில் விளங்கி வருகிறது. பிரம்மாண்டமான கோபுரங்கள், சிற்பங்கள், ஆயிரங்கால் மண்டபம், 33 ஆயிரத்திற்கும் மேற்பட்ட சிலைகள் இந்த கோயிலின் சிறப்பம்சமாகும். இங்கு ஆண்டுக்கு 274 நாட்கள் திருவிழாக்கள் நடைபெறுகின்றன. இங்கு உண்டியலில் தங்கம், வைரம், வெள்ளி, பணம் ஆகியவை காணிக்கையாக கிடைக்கின்றன. கோவிலைச் சுற்றியுள்ள ஏராளமான கடைகள், நிலங்கள், சிறப்பு தரிசனக் கட்டணங்கள் மூலம் ஆண்டுதோறும் ரூ.60 கோடி ரூபாய் வரை வருமானம் கிடைப்பதாக கூறப்படுகிறது.
57
சமயபுரம் மாரியம்மன் திருக்கோயில்
தமிழ்நாட்டின் மிக சக்தி வாய்ந்த அம்மன் கோயில்களில் ஒன்றாகவும், சக்தி பீடங்களுக்கெல்லாம் தலைமை பீடமாகவும் விளங்கி வருகிறது திருச்சியில் அமைந்துள்ள சமயபுரம் மாரியம்மன் திருக்கோயில். இந்தக் கோயிலில் வேண்டிக் கொண்டால் நினைத்தது நடக்கும் என்பது பக்தர்களின் நம்பிக்கை. பக்தர்கள் அங்க பிரதட்சணம் செய்தல், அக்கினி சட்டி எடுத்தல், பால்குடம் எடுத்தல் போன்ற பிரார்த்தனைகளை ஆண்டுதோறும் செய்கின்றனர். முடி காணிக்கையாக மட்டும் ஆண்டுதோறும் ரூ.2 கோடி வருமானம் வருவதாக கூறப்படுகிறது. மற்ற மூலங்களில் இருந்து சுமார் ரூ.50 கோடி ரூபாய் வரை வருமானம் கிடைப்பதாக சில தகவல்கள் தெரிவிக்கின்றன.
67
திருச்செந்தூர் சுப்ரமணியசுவாமி திருக்கோயில்
முருகனின் அறுபடை வீடுகளில் கடற்கரையில் அமைந்துள்ள ஒரே தலம் திருச்செந்தூர். சூரசம்ஹாரம் நடைபெற்ற இடமாக இந்த திருத்தலம் கருதப்படுகிறது. இங்கு உள்ள சிற்பங்களும் கடற்கரை காட்சிகளும் மிகவும் பிரசித்தி பெற்றவை. இந்த கோயிலுக்கு மற்ற மாநிலங்களில் மட்டுமல்லாது கேரளா, ஆந்திரா, கர்நாடகா போன்ற பிற மாநில பக்தர்களும் குவிவது வழக்கம். இந்த திருக்கோயிலில் ஆண்டுதோறும் கணிசமான வருமானம் கிடைக்கிறது. உண்டியல் காணிக்கை, அபிஷேகம் மற்றும் சிறப்பு கட்டண தரிசனங்கள் மூலம் இந்த கோயிலுக்கு கணிசமான தொகை வருவாயாக கிடைக்கிறது. வருவாய் துல்லியமான வருமான தகவல்கள் குறைந்த அளவே உள்ளன.
77
வருவாய் மதிப்பு
கோவில்களின் வருமானத் தகவல்கள் பெரும்பாலும் தோராயமானவை மட்டுமே. இவை ஊடக அறிக்கைகளின் அடிப்படையில் அமைந்தவை. கோயில் நிர்வாகங்கள் தங்கள் நிதி நிலைமைகளை முழுமையாக பகிராததால் துல்லியமான புள்ளி விவரங்களை பெறுவது கடினம். இருப்பினும் உண்டியல் காணிக்கை, முடி காணிக்கை, சிறப்பு கட்டண தரிசனங்கள் மற்றும் பிற ஆதாரங்கள் மூலமாக இந்த வருவாய் மதிப்புகள் வெளியிடப்படுகின்றன.
