Akshaya Navami 2025: உங்களை கோடீஸ்வரன் ஆக்கும் அதிர்ஷ்ட நாள்.! அட்சய நவமி வழிபாட்டின் ஆச்சரியங்கள்.!

அக்ஷய நவமி (ஆம்லா நவமி) என்பது அக்ஷய திரிதியைக்கு இணையான சக்தி வாய்ந்த நாள். இந்த நாளில் சத்ய யுகம் துவங்கியதாக நம்பப்படுவதால், நெல்லி மரத்தை வழிபடுவதன் மூலம் செல்வம், ஆரோக்கியம், மற்றும் அழியாத புண்ணியம் கிடைக்கும். 

நினைத்ததை நிறைவேற்றி கொடுக்கும் ஆற்றல் படைத்த நாள்

நினைத்ததை நிறைவேற்றி கொடுக்கும் ஆற்றல் படைத்த நாள் தான் இந்த அக்ஷய நவமியும். இந்த நாளில் நெல்லி மரத்திற்கு பூஜைகள் செய்து வழிபட வேண்டும் என்பதால் இதை ஆம்லா நவமி என்றும் அழைக்கிறார்கள். சுக்லபட்சத்தில் ஒன்பதாவது நாளில் இந்த அக்ஷய நவமி வழிபாடு செய்யப்படுகிறது.

ஐப்பசி மாதம் அமாவாசையை தொடர்ந்து வரும் வளர்பிறை நவமியை தான் நாம் அக்ஷய நவமி என கொண்டாடுகிறோம். அக்ஷய திரிதியை தினத்திற்கு இணையான முக்கியத்துவம் வாய்ந்தது தான் இந்த இந்த அக்ஷய நவமி. 'அக்ஷய' என்றாலே வளர்வது என்பது பொருள். அதனால் தான் அக்ஷய திரிதியை அன்று தங்கம், வெள்ளி, உப்பு போன்ற மங்கள பொருட்களை வாங்கும் வழக்கம் வந்தது.

அற்புதம் செய்யும் அம்லா நவமி

இந்து சமயத்தில் மிகவும் புனிதமான திருவிழாக்களில் ஒன்றான அட்சய நவமி (அம்லா நவமி அல்லது சத்ய யுகாதி என்றும் அழைக்கப்படும்) ஒவ்வொரு ஆண்டும் கார்த்திகை மாத சுக்ல பக்ஷ நவமி திதியில் கொண்டாடப்படுகிறது. இது சத்ய யுகத்தின் தொடக்கத்தைக் குறிக்கும் நாள் – உண்மை, நீதி, தர்மம் ஆகியவை நிறைந்த பொற்காலம். 

அக்ஷய திரிதியைப் போலவே, அக்ஷய நவமி என்றும் அழியாத புண்ணியத்தைத் தரும் நாள். 2025-ஆம் ஆண்டு இது வெள்ளிக்கிழமை, அக்டோபர் 31 அன்று கொண்டாடப்படும். நவமி திதி அக்டோபர் 30 காலை 10:06 மணிக்கு தொடங்கி, அக்டோபர் 31 காலை 10:03 மணி வரை நீடிக்கும். பூஜைக்கு உகந்த முகூர்த்தம்: பூர்வாஹ்ன காலம் – அக்டோபர் 31 காலை 6:32 முதல் 10:03 மணி வரை.

செல்வமும் மகிழ்ச்சியும் பெறலாம்

“அக்ஷய” என்ற சொல்லுக்கு “அழியாதது” என்று பொருள். இந்நாளில் செய்யப்படும் எந்த வழிபாடு, தானம், புண்ணியச் செயலும் இந்தப் பிறவியில் மட்டுமல்ல, எதிர்காலப் பிறவிகளிலும் அழியாத பலனைத் தரும். லட்சுமி தேவியின் அனுக்கிரகத்தால் செல்வம் பெருகும். சிறிய பூஜையே விதியை மாற்றி, பக்தர்களை கோடீஸ்வரர்களாக மாற்றும் என்பது நம்பிக்கை. மதுரா, பிருந்தாவன் போன்ற புனித இடங்களில் பரிக்ரமை செய்து, என்றும் நிலைத்த செல்வமும் மகிழ்ச்சியும் பெற பக்தர்கள் திரள்கின்றனர்.

அக்ஷய நவமி வழிபாட்டின் ஆச்சரியங்கள்

இந்நாள் வழிபாடு ஆன்மிகத் தூய்மை, உடல் நலம், பொருளாதார வளம் ஆகியவற்றை ஒருசேரத் தரும் அதிசயங்களை உள்ளடக்கியது. இதோ சில முக்கிய ஆச்சரியங்கள்: 

அழியாத செல்வமும் லட்சுமி கடாக்ஷமும்

நெல்லிக்காய் மரத்தில் விஷ்ணு-லட்சுமி வாசம் செய்வதாக ஐதீகம். மரத்தடியில் வழிபாடு செய்வோர் திடீர் செல்வ வாய்ப்பு, தொழில் வெற்றி, கடன் தீர்வு பெறுகின்றனர். ஏழை குடும்பங்கள் இந்நாள் பூஜைக்குப் பின் கோடீஸ்வரர்களான கதைகள் புராணங்களில் உள்ளன.  தானம் செய்தால் அது பன்மடங்கு திரும்பும் – அக்ஷய பலன்! 

ஆரோக்கியமும் நீண்ட வாழ்வும் 

நெல்லிக்காய் உயிர்ச் சக்தியின் அடையாளம். இந்நாளில் நெல்லி பிரசாதம் உண்போர் நாள்பட்ட நோய்கள் குணமாகும்; நோய் எதிர்ப்பு சக்தி பெருகும்; நீண்ட ஆயுள் கிடைக்கும். புராணக் கதைகளில், மரணப்படுக்கையில் இருந்தோர் ஒரே இரவில் குணமடைந்த அதிசயங்கள் உள்ளன.

கோரிக்கை நிறைவேறுதல் & குடும்ப நல்லிணக்கம் 

விரதம் இருந்து விஷ்ணு மந்திரம் ஜபிப்போர் திருமணத் தடை நீங்கும்; குழந்தை பாக்கியம் கிடைக்கும்; குடும்பத்தில் அமைதி நிலவும். புராணத்தில் இளவரசி கிஷோரியின் திருமணத்தை காக்க இடி தாக்கிய இடத்தில் நெல்லி மரம் தோன்றி உயிரைக் காப்பாற்றிய கதை பிரபலம். 

பாப விமோசனம் & முக்தி பாதை 

சத்ய யுகத்தின் தொடக்க நாள் என்பதால், பழைய பாவங்கள் அழியும்; மோட்சம் கிடைக்கும் பாதை திறக்கும். பூஜைக்குப் பின் உள்ளார்ந்த அமைதி, கனவில் தெய்வத் தரிசனம் பெறுவோர் பலர். தானம் செய்வது இதைப் பன்மடங்காக்கும். 

விளைச்சல் அதிசயங்கள் 

விவசாயிகள் கோதா பூஜை (30 மஞ்சள் சதுரங்களில் தானியங்கள் நிரப்புதல்) செய்து விளைச்சல் பெருக்கம் பெறுகின்றனர். தரிசு நிலங்கள் வளம்பெறும் அதிசயங்கள் நிகழ்ந்துள்ளன. மேற்கு வங்கத்தில் இந்நாள் ஜகத்தாத்ரி பூஜையாகக் கொண்டாடப்படுகிறது.

ருப்பங்கள் நிறைவேறுவதுடன் பாவங்கள் நீங்கும்

இந்த நாளில் பெண்கள் விரதம் இருந்து, நெல்லி மரத்தை வணங்கி, வழிபாடு செய்வார்கள். இவ்வாறு வழிபடுவதன் மூலம் விருப்பங்கள் நிறைவேறுவதுடன் பாவங்கள் நீங்கும். அக்ஷய திரிதியை தினத்திற்கு இணையான முக்கியத்துவம் வாய்ந்தது தான் இந்த இந்த அக்ஷய நவமி. 'அக்ஷய' என்றாலே வளர்வது என்பது பொருள். அதனால் தான் அக்ஷய திரிதியை அன்று தங்கம், வெள்ளி, உப்பு போன்ற மங்கள பொருட்களை வாங்கும் வழக்கம் வந்தது.

இந்து புராணங்களின் படி, இந்த அக்ஷய நவமி நாளில் தான் பகவான் கிருஷ்ணர் மதுராவிற்கு வந்ததாக சொல்லப்படுகிறது. அதே போல் சத்ய யுகம் துவங்கிய நாளாகவும் இது கருதப்படுவதால் இதை சத்ய யுகாதி என்றும் அழைக்கிறோம். வழிபாட்டிக்கும் தானம் செய்வதற்கும் உகந்த நாளாக இது கருதப்படுகிறது.