கென் கருணாஸ் இயக்கி, ஹீரோவாக நடித்துள்ள படம் யூத், ஜிவி பிரகாஷ் குமார் இசையமைத்துள்ள இப்படம் இன்று தியேட்டர்களில் ரிலீஸ் ஆகி உள்ளது. அதன் ட்விட்டர் விமர்சனத்தை பார்க்கலாம்.
கென் கருணாஸ் கதையின் நாயகனாக நடித்துள்ளது மட்டுமின்றி அவரே இயக்கி உள்ள படம் தான் யூத். இப்படத்தில் கென் உடன் சூரஜ், தேவதர்ஷினி போன்ற அனுபவம் வாய்ந்த நடிகர்களும் நடித்திருக்கிறார்கள். இதில் நாயகியாக அனிஷ்மா நடித்துள்ளார். இப்படத்திற்கு ஜிவி பிரகாஷ் குமார் இசையமைத்துள்ளார். இப்படத்திற்காக ஒரு ரூபாய் கூட சம்பளம் வாங்காமல் அவர் பணியாற்றி இருக்கிறாராம். இப்படம் இன்று உலகமெங்கும் ரிலீஸ் ஆகி உள்ளது. இப்படத்தின் முதல் ஷோ பார்த்த ரசிகர்கள், இணையத்தில் தங்கள் விமர்சனங்களை பதிவிட்ட வண்ணம் உள்ளனர். அதைப்பற்றி பார்க்கலாம்.
25
யூத் ட்விட்டர் விமர்சனம்
இளைஞர்களின் உணர்வுகளை அழகாக சித்தரிக்கும் மகிழ்ச்சி நிறைந்த திரைப்படம் இது. இயக்குனர் கென் கருணாஸ் இந்த படத்தில் பெரிய வெற்றி பெற்றிருக்கிறார். இளமையின் உற்சாகத்தையும், உணர்வுகளையும் திரையில் கொண்டு வந்திருக்கும் விதம் மிகவும் பாராட்டத்தக்கது.
இசையமைப்பாளர் ஜிவி பிரகாஷ் அவர்களின் பின்னணி இசையும், பாடல்களும் படத்திற்கு உயிர் கொடுத்திருக்கின்றன. ஒவ்வொரு கலைஞரும் தங்கள் கதாபாத்திரத்தில் முழுமையாக இரண்டறக் கலந்திருக்கிறார்கள். அனைவரின் நடிப்பும் இயல்பாகவும் உண்மையாகவும் இருந்தது.
இதில் குறிப்பிடத்தக்க விஷயம் என்னவென்றால் அனிஷ்மா மீண்டும் ஒருமுறை தன் நடிப்பால் அனைவரின் இதயங்களையும் கொள்ளை கொண்டுவிட்டார். இடைவேளைக்கு பிறகு படம் உணர்வு பூர்வமான திசையில் பயணிக்கிறது. கிளைமாக்ஸ் காட்சிகள் மனதை ஆழமாக தொட்டுச் செல்கின்றன. குடும்பத்தினர் அனைவரும் ஒன்றாக அமர்ந்து பார்க்கக்கூடிய சிறந்த குடும்ப பொழுதுபோக்கு படம் இது என பதிவிட்டுள்ளார்.
35
யூத் விமர்சனம்
இளமை பருவங்களையும், பள்ளி வாழ்க்கையையும் இனிமையாக மீட்டெடுக்கும் படம் இது. முதல் காதல், நட்பு, மனக்கவர்ச்சி மற்றும் இதய வலிகள் என்று இவற்றை நாம் இதற்கு முன்பே பார்த்திருக்கிறோம். ஆனால் இந்த படத்தை சிறப்பாக்குவது அதன் சொல்லும் விதம்தான்.
பார்வையாளர்களை ஈர்க்க அதிகமாக முயற்சிக்காத எளிமையான படம் இது, அதனாலேயே இது அழகாக வெற்றி பெறுகிறது. இயக்குனர் கென் திறமையான இளம் கலைஞர், இந்த விஷயத்தை மிகுந்த அன்போடும் சரியான அளவு உணர்ச்சிகளோடும் கையாண்டிருக்கிறார்.
VIP படத்தின் சாயல்கள் இடையிடையே தெரிகின்றன, மேலும் STR க்கு சமர்ப்பணமாக இப்படம் அமைந்துள்ளது என குறிப்பிட்டுள்ளார்.
கென் ஆல் ரவுண்டு பர்பார்மென்ஸை வழங்கியிருக்கிறார், மிகவும் இயல்பாக திரையில் தெரிகிறார். சூரஜ், அனிஷ்மா, தேவதர்ஷினி ஆகியோரும் தங்கள் கதாபாத்திரங்களை சிறப்பாக செய்திருக்கிறார்கள். ஜிவி-யின் இசை இந்த படத்தின் முதுகெலும்பாக நிற்கிறது. அவரது பாடல்களும் பின்னணி இசையும் படத்தை இன்னும் உயரத்திற்கு கொண்டு செல்கிறது. கதை எளிமையானது, பெரிய சிக்கல்கள் எதுவும் இல்லை. முதல் பாதி பள்ளி வாழ்க்கையை மையமாக வைத்து நகைச்சுவையாகவும் உற்சாகமாகவும் செல்கிறது. இரண்டாம் பாதி மெதுவாக தொடங்கி, சுற்றி சுற்றி வந்து உணர்வுபூர்வமாக முடிகிறது. மொத்தத்தில் மகிழ்ச்சியாக பார்க்கக்கூடிய படம் இந்த யூத் என பதிவிட்டுள்ளார்.
55
யூத் படம் எப்படி இருக்கு?
மகிழ்ச்சி நிறைந்த டீன் ஏஜ் டிராமா தான் இந்த யூத்! கென் மற்றும் அவரது கேங் தமிழ் சினிமாவில் நிலையாக இடம் பிடிக்கப் போகிறார்கள் என்பது உறுதி. ஜிவி இந்த இளம் தலைமுறைக்காக தன்னையே கொடுத்து இசையமைத்திருக்கிறார். பாடல்களும் பின்னணி இசையும் இதயத்தில் நேரடியாக பதிகின்றன. நடிகர்கள் தேர்வு மிகச் சிறப்பாக அமைந்திருக்கிறது, இடைவேளை காட்சிகள் நகைச்சுவையாகவும், கிளைமாக்ஸ் இதயத்தை தொட்டுச் செல்வதாகவும் அமைந்திருக்கின்றன. அனிஷ்மாவின் காட்சிகள் மனதை கொள்ளை கொண்டுவிடுகின்றன.
நண்பர்களோடும் குடும்பத்தினரோடும் சேர்ந்து பார்க்க வேண்டிய படம்! யூத்ஃபுல்லான மற்றும் சோல்ஃபுல்லான படம் தான் இந்த யூத் என குறிப்பிட்டுள்ளார்.
