TVK Government : இவருக்கு கோபம் வந்தால் தவெக ஆட்சி கவிழுமாம்! யார் தெரியுமா?

TVK Government : திமுக தலைவர் ஸ்டாலினுக்கு கோபம் வந்தால் தவெக ஆட்சி கவிழும் என்று அதிமுக முக்கியப் பிரமுகர் ஒருவர் கூறியிருப்பது தமிழக அரசியலில் பரபரப்பை ஏற்படுத்தியுள்ளது. யார் அந்த அதிமுக பிரமுகர்ன்னு தெரியுமா?

ஸ்டாலினுக்கு கோபம் வர வேண்டும்

தமிழகத்தில் தவெக (தமிழக வெற்றிக் கழகம்) ஆட்சி, திமுக தலைவர் மு.க.ஸ்டாலினின் ஆதரவால் மட்டுமே நீடிப்பதாக அரசியல் வட்டாரங்களில் பேசப்பட்டு வரும் நிலையில், இது குறித்து ராஜேந்திர பாலாஜி முக்கியக் கருத்துகளை முன்வைத்துள்ளார். அவர் கூறுகையில், "திமுக தலைவர் மு.க.ஸ்டாலினுக்கு எப்போது கோபம் வருகிறதோ, அப்போது தவெக ஆட்சி முடிவுக்கு வரும். அவருக்கு அந்த கோபம் வர வேண்டும் என்று நாங்கள் விரும்புகிறோம்," என்று தெரிவித்துள்ளார்.

கானல் நீராக இருக்கும் மைனாரிட்டி ஆட்சி

தவெகவின் தற்போதைய வெற்றி ஒரு நிலையான வெற்றி அல்ல என்றும், அது வெறும் 'கானல் நீர்' போன்றது என்றும் ராஜேந்திர பாலாஜி விமர்சித்துள்ளார். தவெகவுக்கு வாக்களித்தவர்களில் பலருக்கு வேட்பாளர் யார் என்பது கூட தெரியாது என்றும், தெரியாமல் அளித்த அந்த வாக்குகள் செல்லாத வாக்குகளுக்கு சமம் என்றும் அவர் காட்டமாகத் தெரிவித்துள்ளார்.

மேலும், இந்த ஆட்சி ஒரு மைனாரிட்டி ஆட்சி என்றும், பல்வேறு கூட்டணிக் கட்சிகளின் உதவியுடன் தற்காலிகமாகவே இயங்கி வருகிறது என்றும் அவர் குறிப்பிட்டுள்ளார். வரவிருக்கும் உள்ளாட்சித் தேர்தலில் மக்கள் தவெகவுக்கு உரிய பாடம் புகட்டுவார்கள் என்றும் ராஜேந்திர பாலாஜி தனது கருத்தை ஆணித்தரமாகப் பதிவிட்டுள்ளார்.

இதையும் படிங்க : Money Tree : பணம் காய்க்கும் மரம் உண்மையிலேயே இருக்கு! எங்க இருக்கு தெரியுமா?

அடுத்தகட்ட மாற்றங்கள்

மறுபுறம், திமுக தலைவர் மு.க.ஸ்டாலினும் தவெக ஆட்சியின் செயல்பாடுகள் குறித்து அதிருப்தி தெரிவித்து வருகிறார். தமிழகத்தில் சட்டம்-ஒழுங்கு சீர்குலைந்துள்ளதாகவும், மின்வெட்டு மற்றும் விவசாயிகளின் பிரச்சினைகளை இந்த அரசு கவனிக்கவில்லை என்றும் அவர் குற்றம் சாட்டியுள்ளார். இந்த அரசை வீழ்த்துவதற்கு திமுக தொண்டர்கள் உறுதியேற்க வேண்டும் என்று ஸ்டாலின் அழைப்பு விடுத்திருந்தது குறிப்பிடத்தக்கது.

அதிமுக மற்றும் திமுக ஆகிய இரு பெரும் எதிர்க்கட்சிகளும் தவெக ஆட்சியை விமர்சித்து வரும் சூழலில், தமிழக அரசியலில் அடுத்தகட்ட மாற்றங்கள் எப்படி இருக்கும் என்ற எதிர்பார்ப்பு மக்களிடையே அதிகரித்துள்ளது.

இதையும் படிங்க : EV Conversion : பழைய காரை EV காராக மாற்ற செம்ம ஐடியா! எவ்வளவு செலவாகும்?